Bruk co klaik daok rah tabiak biak rilo, saong dak harei dak tinh vi, táo tợn jang. Palei Khánh Hòa, huyện Châu Phú, tỉnh An Giang dahlau deih biak joa lange saong dom bein phun hajao la-ar. Min, bhap bini dalam palei daok duh hatai, kayua co klaik sau rah tabiak gam gam. Ong Trần Văn Hòa, sa urang daok dalam palei brei thau: “harei dahlau, bhap bini di labik ini raong sau biak ralo. Yaok sang jeng hu sa, dua drei sau khik sang. Jaik di ini, kol co nyu klaik ralo nan ye sau lahik gam gam. Ta- eng palei dahlak lahik meng 5 tal 6 drei”. 

.Tui ong Hòa, kol co klaik nyu pandar phao điện cuh tame sau ngak ka sau oh megei hu nan ye po sang oh thau. Hu ralo mbang, bhap bini duah jalan cap kol co min oh jeng kayua nyu ngak biak samar saong biak jhak. Hu mbang, ong Hòa mboh sa urang cap sau anak meta drei min oh ngak hagait hu. Công an xã hu ralo mbang brei menuac duah cap nan ye bruk klaik sau hu patrun dalam tukvak jaik di ini. Oh lac bruk lahik sau, bo ralo drap ar karei di bhap bini jeng lahik. Kol co klaik mek abih, meng drap ar hu yaom yau radaih mac, diện thoại pan tangin mbiah tal mô-tơ điện atau bộ lư đồng. Harei dahlau, palei ini sron mbon lo, ralo baoh sang nao ndih oh kreik pabah mbang. Daok urak ini, bruk khik ramik drap ar lac bruk praong dang akaok – ong Hòa duh hatai. 

Lac urang njauk kol co nyu tame klaik, ong T.V.Đ, daok di xã Hòa Lạc, huyện Phú Tân, tỉnh An Giang mboh biak pandik hatai. Tui panuac khan di ong, kol co klaik cang melam mai nyu mek kiềm cakak paga kavat vir taom dar sang piah tame. Bloh kol nyu mek catrei piah cakak daning tôn min urang dalam sang medeih tagok nan ye kol nyu nduac nao. “Sang dahlak patuah oh lahik hagait min dom baoh sang karei di palei ini oh patuah yau nan. Ralo sang lahik ralo drap ar, hu sang lahik dom pluh triệu đồng – ong Đ brei thau. Meng hatai thau khik ramik drap ar di baoh sang, ong Đ hu ngak chuông báo động. Meng nan, ong hu sanang hatai jang dalam bruk khik ramik drap ar. Min, oh lac thei jeng hu jien piah blei chuông báo động. Ngan saong dom baoh sang kan kandah ye bruk ini oh ngak hu. Kayua yau nan, jalan siam lagaih di abih jeng lac paglaong hatai sangka.

4. Anak bruk co klaik di bhum palei pala daok patagok, karja palei saong gah chức năng brei patagok bruk tuần tra piah khik jakap an ninh trật tự, ba mai bruk sanang hatai ka bhap bini. Lingiu di nan, bhap bini brei paglaong akaok saneng khik ramik drap ar di drei piah klah co klaik./.