Danak dak Sang mac Nhiệt điện Vĩnh Tân 2 birau ngak salah 

Harei ini 9/11, di Mbang nyaom ka 10 Quốc hội mbang XIV, Quốc hội daok patui veik bruk tangi sua saong javap jalei dom tangi sua. Jalei panuac tangi sua di ong Lưu Văn Đức lac urang Quốc hội tỉnh Đắc Lắc ka bruk chuyển đổi số ka mikva urang bangsa takik di bhum ceik, Akok Mentri Thông tin saong Truyền thông Nguyễn Mạnh Hùng brei thau, dalam Danak dak bo Thủ tướng Rajaei hu mbaok tangin brei ngak, chuyển đổi số ka mikva bhum atah bayah hu brei ngak dahlau. Daok bruk hạ tầng viễn thông, Mentri daok tacei pato brei pabak riyak tal taong abih mikva bhum ceik hu riyak 3G, 4G, 5G, piah tame hu Internet.Bayar jien tapa thẻ, pato megru, y tế, pablei salih điện tử piah pablei kaya nong di palei ngak tabiak lac dom bruk ngak camereip di danak dak ini. Abih di nyu lac brei daong dahlau ka bruk pato pakai trực tuyến piah anek kamuan bangsa takik hu bac megru.

Piah samar dong ka bhap bini, abih di nyu nan lac urang đoàn công đoàn, urang ngak samar yam tapa kan kandah tani tanat rai duik, puac adit bloh, Kapul ngak bruk di Tổng Liên đoàn Lao động Việt Nam kayua ong Nguyễn Đình Khang, Akaok Tổng Liên đoàn pal akaok kapul hu nao rivang, brei pandap tapak di dom tỉnh gah kreih negar gaok kan kandah kayua ribuk ia sua meng bloh.Tui nan, Tổng Liên đoàn Lao động Việt Nam hu jao pok jien 6,3 tỷ đồng piah dong tal bhap bini, urang ngak, viên chức di dom tỉnh: Quảng Ngãi, Quảng Nam, Thừa Thiên- Huế, Quảng Trị, Quảng Bình song Hà Tĩnh.

Công ty Nhiệt điện Vĩnh Tân di Tổng Công ty Phát điện 3 birau ngak salah blaoh Danak dak Sang mac Nhiệt điện Vĩnh Tân 2 saong yam tal tanut ngak hu 40 tỷ Kwh. Danak dak Sang mac Nhiệt điện Vĩnh Tân 2, xã Vĩnh Tân, huyện Tuy Phong, tỉnh Bình Thuận lac sa dalam dom danak dak praong njauk brei ngak samar di Taneh ia drei, hu Thủ tướng Rajaei mbaok tangin dalam Quy hoạch cak rok patagok Điện negar vaktu 2006-2015 pasang iek tal thun 2025. Yaok thun, sang mac Nhiệt điện Vĩnh Tân 2 pabak labaih 7,2 tỷ kWh ka điện Negar, rik tame ngak brei trun bruk pambak tame thủy điện saong điện meng Barak tame Meraong, abih di nyu lac dom mbang tabung glaong di bilan pandiak bhang thu, pabak ginup điện ka taneh ia jeng yau bruk pandar điện năng duh ka cak rok patagok kinh tế -xã hội di taneh ia jeng yau di gah Meraong negar.

Dom harei tapa, yaom rilaow pabe, rilaow pabo di tỉnh Ninh Thuận gam gam tagok glong. Urak ni, urang mai bleii pabe rilaow yaom meng 135.000 đồng /sa kg, pabo meng 125.000 đồng/sa kg. Dut song tuk vak akaok thun yaom pabe, pabo urak ni tagok meng 25.000 - 30.000 đồng/sa kg.Ni lac yaom glong di abih dalam dom thun mai ini ngak ka urang rong biak bui sambai. Yaom pabe, pabo rilaow tagok khang nan ye bruk blei anek pajaih di dom boh sang rong, po trang trại piah tagok tapon rong jeng tagok tui. Urak ni, Tỉnh Ninh Thuận hu tong abih tapon pabe labaih 138.000 drei , jiak 130.000 drei pabo. Di Ninh Thuận bruk rong pabe, pabo tui jalan palao, pambuak song rong kreik brei mbang pandap meng phun tamuh eng nan ye rilaow siam, bingi.

Hadei di sa tukvak kandang joa, di tỉnh Bình Phước hu 3 sruh jit ruak pabui châu Phi di dom boah sang raong sit sot di huyện Chơn Thành, ban sit Bình Long saong ban sit Phước Long. Karja saong jabat thú y palei daok peih ngak dom jalan padam jit, caga jit ruak pambak praong. Urak ini, taong abih taphon pabui di tỉnh Bình Phước lac 1,3 triệu drei, tagok 50% dut saong tukvak tamuh jit ruak tả châu Phi thun blaoh.

Ong Joe Biden – di đảng Dân chủ hu gah truyền thông Mỹ brei thau mek hu jayah dalam mbang palih ruah Tổng thống meng bloh dok caga ka dom danak dak hadei di tuk taduan mek Nhà Trắng. Tui nan, Karja bahrau meda ba tabiak dom jalan dut iek song ieu bhap bini cuh patiah pacang mbaok piah pacang jit. Langui di jit prong Covid-19, kinh tế, biến đổi khí hậu song bruk phân biệt chủng tộc jeng lac dom bruk hu ong Joe Biden pataom tame brei langyah ka tukvak ngak Tổng thống bahrau di drei. Jayah di ong Joe Biden jeng daok lac bruk tui tui kuhria mboh dahlau dalam tuk dom bang di Mỹ dok pasang iek hala phiếu

Gah Di cư Dunya (IOM) harei kabroi 8/11 brei thau, hu 119 urang tame negar karei suan hukum, dalam nan hu rilo urang kumei saong uranaih meng blaoh hu daong plaih di metai di lingiu tasik Libya. Tui (IOM), tukvak tapa, hu tal labaih 4.800 urang di cư gar veik di Li-bi tut angan saong danak dak Halan hatian gilac veik kayau IOM peih ngak, ba dom urang tame negar suan hukum daok gar veik di Li-bi gilac veik taneh ia. Dom urang pablei manuac pambak tame bruk sraw kadau hadei di tuk Tong thong M.Gaddafi jaleih rai di thun 2011, piah mek taneh ia Bắc Phi ini ngak jeng sa jalan ba urang tapa negar châu Âu suan hukum. Jeng tui IOM, thhun blaoh, labaih 100.000 urang di cư tapa tasik Địa Trung Hải caong khin tame châu Âu saong labaih 1.200 urang metai.

Ba Lan hu urang njom coronavirus SARS-CoV-2 glaong di abih dalam harei sanercar ngan saong 28.000 urang njom bahrau dalam harei, dalam harei adit nyu trun hasit ngan saong 25.000 urang njom bahrau. Tong abih urang njom Covid-19 di Ba Lan kuhria tal urak ni lac labaih meteh triệu menuac. Piah dong ka bruk y tế urak ni dok tapa prein ngak kayua bruk njom mbak samar di jit Covid-19, Ba Lan njauk ba dom urang lin mai dong ka jiak 500 sang iek ruak song labaih 360 labik dut iek dalam negar./.

Urang lang: Hani Pha – Ái Nghiêm – 09/11 15:27:17