Dom urang mai mong iek hu cuk patiah pacang mbaok piah klah njom ruak 

  Di mbang nyaom Thường trực Rajaei ka vaccine pacang caga Covid-19 di biar harei 21/12, Thủ tướng Nguyễn Xuân Phúc jao ka Mentri Y tế, Mentri Khoa học Công nghệ  saong dom jabat pambuak tal duah thau cambaih prein ngak tabiak vaccin di dom doanh nghiệp dalam taneh ia piah hu jalan daong samar chip, abih di nyu lac duah jabat negar langiu pambuak bruk ngak iek vaccine  Nano Covax vaktu ka 3. Daok bruk blei vaccine di negar langiu, Thủ tướng iew Mentri Y tế brei ngak danak dak cambiac laic hadom vaccin, yaom jien, urang klauk jru, jalan ngak, tukvak pandar vaccin, blei di negar halei lac lagaih di abih. Thủ tướng ndom cambiac: tuk hu vaccine jeng njauk brei pacang caga Covid-19, ngak njauk bruk ba tabiak, abih di nyu lac brei ngak tui “ kadha 5k” bo Mentri Y tế ba tabiak.

Mesup  22/12 lac 21 harei oh hu njom mbak dalam bhap bini Dahlau di nan, urang ruak 1414  lac urang likei VN nao kapal, umo 37 thun, dok di  Hưng Yên. Urang ruak meng Ukraine tame pambah lamnge tasik Nha Trang - Khánh Hòa, hu brei dok karei chip. Tapa Dut iek mbang ka  2 dalam harei  21/12 mboh dương tính song SAR-CoV-2. Urak ni urang ruak hu brei dok karei, iek ruak di Khánh Hòa. Kuhria tal urak ni, tong abih urang taom gaok jiak  song mai meng bhum jit  dok hu pasang iek pren yava  di negar drei lac  17.616 urang.

UB bhap bini Ban sit Vũng Tàu, tỉnh Bà Rịa –Vũng Tàu  brei ba Pasak tacei pato đô thị thông minh tame ngak bruk. Pasak lac glo akok pataom iek veik, tacei pato dom bruk di Ban sit Vũng Tàu tapa bruk duah pataom, pasiam dữ liệu,rik daong karja ban sit taduan khaw tin, asar kadha tapa camera, tapa phone tangin, blah web, mạng xã hội. Meng pandar dịch vụ angaok phone tangin hu angan  “VungtauIOC”,bhap bini,doanh nghiep atau tuai damuai meda khan brei thau dom gah dalam raidiuk xa hoi.

Kapul Văn học nghệ thuật dom bangsa takik  Việt Nam bahrau peih bruk jao Giải thưởng Văn học nghệ thuật dom bangsa takik  Việt Nam brei ka 50 kadha gheih di abih  song ba tame ngak urang  hội thun 2020. Thun 2021, Kapul daok pataom tame pato pasram, patagok urang hội bahrau brei ka dom  dhar kapul dok hu takik menuac, atau oh ka hu urang hội; padang ngak danak dak pato pasram văn nghệ sỹ. Gam haong nan, peih bruk in dom danak dak roh duah văn nghệ bhap bini, văn học, nghệ thuật di kapul  dalam danak dak  “Khik ramik song patagok kadsha văn học, nghệ thuật dom bangsa takik  Việt Nam” tuk vak patui di nan.

Mbiah tal biar harei kabroi, kapal haok trực thăng duah daong  di Pasak pambuak bruk Duah daong urang gaok bala bhum III oh ka duah mboh 2 urang ngak bruk di hải đăng njauk riyak ba seik  lahik tuk page 21/12 di kaoh pulao Hòn Hải (Bình Thuận). Dahlau di nan, mong 6 page harei nan, ong Đoàn Cao Trai, umo 49 thun, palei daok di Bình Thuận saong ông Võ Thành Nam,umo 50 thun,  palei  daok di Khánh Hòa, ngak bruk di balai hải đăng Hòn Hải tabiak iek jamriah jaik tatua gilai njauk riyak praong taong tame, dui trun tasik lahik. Tuk nan, kayua ribuk Krovanh, bhum tasik Bình Thuận hu hangin khang pakat 7 – 8,riyak glong 6 met ngak kan kandah ka bruk duah daong urang.          

Dunya hu jaik 78 triệu urang njom song  labaih 1,7 triệu urang metai kayua Covid-19. Gah Y tế dunya  (WHO) hu panuac ieu dom negar  jhui huac kanda rilo anak  janih nCoV bahrau hu mboh di negar  Anh,mong ni lac bruk oh hagait praong angaok jalan patagok di  virus song ndom lac rilo pandap panda  piah pasang iek  virus dok hu siam lagaih. WHO brei thau oh ka mboh lac  nCoV bahrau nyu trak damak jang atau metai glong jang dom janih  nCoV dahlau deih, min nyu meda njom mbak glong jang.

Jabat khik iek jru tavao di chau Au birau pasang iek brei tapa bruk pandar vaccine Covid-19 kayua  cong ty Pfizer di Mỹ saong BioNTech di Đức ngak tabiak. Bruk nan hu taong yaom lac hu makna biak praong dalam bruk daong ka chau Au saong dunya pacang caga jit ruak praong Covid-19. Dom taneh ia di Liên minh châu Âu dalam nan hu Đức, Pháp, Áo saong Italia hu khan brei thau bruk klauk jru caga ruak meng harei 27/12. Urang ngak praong gah Y tế chau Au caong khin janih vacccine Covid-19 di Pfizer saong  BioNtech meda pacang hu anek ruak birau kayua SARS-CoV02. Dahlau di nan, Anh, Mỹ, Canada saong Singapore hu ba vaccine Covid-19 ini tame klauk caga ruak.

Hãng tin Reuters di  Anh brei thau Tòa án hình sự Châu Âu Old Bailey kaoh lac 2 urang likei njauk duas “ngộ sát” dalam mbang langyah bruk 39 urang Việt Nam dalam thung radeih liar di thun 2019.Urang peih radeih angan Eamonn Harrison, umo 24 thun, njauk  tòa án kaoh lac hu 39 duas “ngộ sát” song duas daong ka dom bruk nhập cư suan hukum.Sa urang likei angan Gheorghe Nica, umo 43 thun, jeng njauk tòa kaoh dom duas yau nan.Langui di nan, 2 urang karei rtaduan duas hu gam tal bruk nan./.

Urang lang: Hanipha- Bhumi -22/12