Urang jakar mai rivang amaik Nguyễn Thị Dư 

Amaik Nguyễn Thị Dư, ndih tapui thun 1930, lac hadiuk, lac amaik liệt sĩ, urak ini daok haong urang anek likei taluac di xã Thành Công, huyện Gò Công Tây, tỉnh Tiền Giang. Amaik Dư prong tagok dalam baoh sang kathaot di xã Bình Phú, huyện Gò Công Tây. Prong tagok khin likei saong ngak metau dalam sa baoh sang hu ilamu cách mạng meng kan mai. Amaik Dư khan gilac: "Pasang saong anek likei ka-cua di amaik ndih trun di thun 1969, tuk nan hu urang anek likei taluac di amaik bahrau 4 thun. Kan kandah, gliah glar rilo, min amaik saneng dalam hatian lac njauk kham merat yam tapa piah raong 5 urang anek jeng manuac jeng urang". Pasang likei lahik, amaik khang hatai raong anek, oh khin likei karei, gam raong anek gam hu mbaok tame ngak bruk di kapul urang kamei puk palei... Yaom lac jeng daok dom pandik harao dalam hatai kayua mesruh metak ba mai, min amaik Dư tuk halei jeng mboh hadah mbaok meta kayua bruk van klak rup drei di manuac sia dalam sang brei ka độc lập tự do, brei ka bruk sron mbon di palei negar.

Amaik Dư ndom lac: "Bruk mesruh metak pacang Mỹ glaih glar rilo, yaok triệu manuac sia metai lahik. Hu rilo sang matai abih oh daok thei. Dut haong dom kan kandah, rambah rambup bo taneh aia drei hu nao tapa, ye bruk rik daong di sang amaik tok lac sa bruk sit".

Ngan haong dom urang anek, amaik Dư tuk halei jeng lac labik pambak tame ka manuac sia dalam sang. Dalam rai diuk yaok harei, amaik tuk halei jeng pato tacei anek bhik kham merat patagok ilamu meng kan di baoh sang cách mạng, peih ngak siam dom jalan ba, sarak di Đảng saong Karja, kham merat  ngak mbang patagok kinh tế, dalam baoh sang njauk thau akaok thau iku, ngan haong ayut sahabat, puk paga njauk daok dang ndom puac ka nyu siam gheih,...

Yaom lac umo 90 thun min amaik Dư jeng daok biak khang kadang, bui sambai ngan haong cambuai klao biak salut mbut kayua tuk halei amaik jeng taduan hu bruk anit ranam, iek prong di anek tacaow jeng yau mikva puk paga. Kareih camin amaik Việt Nam anh hùng Nguyễn Thị Dư miat miat lac kareih camin hadah brei ka rai rah dam dara khaol drei bac megru, ngak tui./.

Urang lang: Jasi-27/7