Bruk rah tabiak di C.ty Cổ phần Địa ốc Alibaba hu Công an Ban raya HCM mboh lac, nan bruk pachot meblah mek jien ndo, drap ar. Min, bruk bo manuac sia daok caong thau nan lac, kayua habar bruk nan rah tabiak di anak meta, hu menuac sia ndom tal biak bo mbiah tal harei ini bruk bleik saleik nan meng hu ba tabiak. Yau nan, meyah gah chức năng, abih di nyu lac karja palei labik Alibaba pachot ieu pablei taneh  yau: Đồng Nai, Bà Rịa-Vũng Tàu, Bình Thuận tame bruk avar jang ye dom urang njauk Alibaba pagat pachot hu tagok tal yaok ribau urang ha-oh? Luật sư Trương Thanh Đức-Akok Hội đồng tư vấn Công ty Luật BASICO ndom lac: “ Tapa harak mbao brei mboh, bruk ngak suan hukum, bruk bleik saleik di Alibaba biak cambiac laic. Anak bruk nan karja njauk khan brei ka bhap bini thau.. Mboh bruk ngak suan yau nan gah chức năng njauk pasang iek, duah thau saong langyah sumu chip. Bruk nan caik brei dui atah yaok thun saong ngak brei kan kandah ka gah hukum. Gah chức năng  brei hu trách nhiem jang, brei mboh praong dalam bruk khik iek di karja tuk caik ka bruk suan rah tabiak dalam bhum palei di drei.”

 Rilo chuyen gia mboh lac, bruk ngak suan di Công ty Alibaba lac plaik njiak Hukum Taneh riya saong Hukum Pablei salih taneh riya tui jalan lac padang labik daok di bhap bini, oh lac labik dự án. Kol nyu blei pataom taneh, taneh ngak nong saong taneh oh ngak nong piah phân lô, pablei nền. Alibaba klak tapa biak ralo thủ tục, harak gar njauk brei hu piah peih ngak dự án, dalam nan hu thủ tục praong lac harak quyết định jao brei taneh di UB bhap bini tỉnh, ban tuk ieu pablei taneh ngak sang. Dalam tuk nan, jabat jaik di abih lac UB bhap bini xã, phường njauk brei tui iek saong khan brei UB bhap bini quận, huyện, ban sit thau piah langyah sumu chip, min dom jabat nan oh ngak brei sumu, dalam, kayua yua nan ye hu jalan huan ka Alibaba bleik saleik ngak suan hukum.

 Chuyên gia kinh tế Lê Bá Chí Nhân mboh lac, karja palei njauk bac megru veik dalam bruk pasang iek dom dự án taneh riya di bhum palei drei, plaik njiak bruk doanh nghiep pablei bloh taneh dự án, blaoh gah chức năng meng tame duah thau hu bruk ngak suan ye khat lahik biak trak:“ Tapa bruk nan khol drei njauk iek veik dalam bruk ngak nyu labaih kurang labik halei, yau bruk brei harak adat, pasang iek, dauh thau…Anak tal, khol drei njauk patagok bruk pasang iek, mboh c.ty halei blei salih taneh ye khol drei pasang iek, duah thau, meyah urang kurang ye drei tacei pato, juai cang tal tuk pacah bruk tabiak bloh meng pasang iek, duah thau,”

Tui dom luật sư, piah khik iek catang bruk pablei salih taneh riya, plaih bruk pachot pablei taneh, langiu di bruk urang blei njauk duah thau ye bruk di karja pablei lac khan brei urang thau ka quy hoach, njauk tui hukum dom danak dak ba tagok blah website di UB bhap bini quận, huyện atau angaok  rayo, harak mbao atau mạng xã hội… piah bhap bini hu thau cambaic jang. Daok gah hukum jeng brei hu quy định cambaic laic bruk lac tuk doanh nghiep ieu pablei taneh ye jabat halei hu trach nhiem pasang iek, duah thau ka bruk ngak suan meyah mboh hu? Abih di nyu nan lac, karja palei, jabat chức năng labik doanh nghiep hu harak adat dang angan atau di bhum palei hu dự án peih pabei taneh njauk pasang iek,duah thau. Saong bruk praong di abih lac njauk quy định catang jang  bruk kaoh parabah taneh, piah plaih bruk doanh nghiep blei pataom taneh ngak nong piah kaoh pablei suan hukum. Luật sư Trần Tấn Tài caong lac:“ Khol drei njauk ba tabiak trách nhiệm ka bruk khik iek taneh riya, đô thị di bhum palei, njauk ba tame hukum. Urak ini, khol drei hu blaoh quy định nan min oh ka ngak njauk. Bruk ngak di karja dom palei dalam khik iek taneh riya  meyah mboh hu bruk pandar taneh oh njauk yau taneh ngak nong min kaoh pablei, padang sang daok suan hukum njauk brei pasang iek, pacang caga saong langyah.

  Piah plaih bruk dreih yau Alibaba rah tabiak di anak tal, dahlau di abih urang blei sang, blei taneh njauk duah thau cambaih laih dom dự án nan hu adat halei oh. Karja palei saong jabat chức năng brei pakhang bruk duah thau, pasang iek catang bruk peih ngak dom dự án taneh di bhum palei, abih di nyu lac ba tabiak trách nhiệm di dom urang hu pambuak tal bruk ngak nan. Langiu di nan, mentri, gah chức năng njauk quy định catang jang dalam bruk kaoh rabha taneh pablei ngan saong taneh ngak nong, taneh oh ngak nong./