Katal tangi hu rilo makna, lac: Kayua aih tangi rilo, kayua dị ứng, kayua  pandar mac trợ thính, kayua bimao di tangi, laka tangi. Meyah katal tangi suai lavik ye njauk saneng tal drei njauk ruak yau laka tangi langiu atau bimao dalam tangi.

Bruk bhian thar tangi meda ba tal viêm gilaong tangi langiu. Tuk akaok mereip thar tangi oh njauk ba tal laka njuan, hadei di nan thar rilo jang ye mboh katal jang saong laka jeng trak jang.

Kayua katal, urang ruak meda mek cakau tangin atau pandap karei ba tame thar, ngak laka gilaong tangi saong bruk laka ini dak trak jang. Ruak bimao tangi bhian cak rok patagok khang dalam bilan pandiak kayua gilaong tangi oh hacih sa-at. Pandik tangi kayua bimao bhian hu mboh di labik gilaong tangi atau di gah langiu tangi. Meyah njauk bimao ye nyu ngak katal dalam gilaong tangi. Katal dak tuk dak khang ngak ka urang ruak njauk thar tangi miat. Ruak bimao di tangi dalam tuk ini mboh takik urang nao pasang iek ruak kayua saneng lac oh njauk hagait. Caik suai lavik bimao nyu ngak ka tangi nyu pandik jang tuk drei lameh atau har pabah. Urang ruak mboh trak jang, tangi pang dak harei dak takik cambaih.

Meyah dua gah tangi hu bimao, urang ruak mboh p[ang oh cambaih, lavik lavik mboh sap angin yuk ù ù dalam tangi, hu laneh mbong, kanjik katam atau sambo màu nâu sre tabiak gah langiu gilaong tangi. Meyah drei mboh tangi biak katal ye njauk nao pasang iek ruak gah tangi idung tarakon, caik lavik ruak nyu trak jang./.

Urang lang: Jasi - 29/4/2021