Siam di abih lac blei kaya ikan daok diuk, daok that saong mbang tasak kayua dom giun sán saong baoh atau anek sit bahrau caih di nyu jeng metai lahik tuk riak tasak kaya ikan. Oh mbang mực atau dom janih ikan tasik daok metah, oh ka tuk tasak, abih di nyu lac ikan hồi, ikan mòi, ikan thu...Oh mbang hadang, rieng, sò, hến metai. Oh mbang kaya ikan haong pandap hu rilo vitamin C kayua kaya ikan hu rilo asen pentavenlent (oh jhak), tuk mbang haong rilo pandap hu rilo vitamin C ye asen pentavenlent meda salih jeng asen trioxide (bhian ieu lac thạch tín) ngak brei njauk jru mek thạch tín cấp tính, biak mbuan metai.

Kaya ikan lac pandap mbang la-ar, kayua yau nan ye tuk mbang siam di abih brei plaih mbang haong dom janih pandap la-ar karei yau: njam puan, tamun ia, tamekai, lê, dom ia menyum hu gas, ia la-an... mbuan ngak brei kan daok, sadah ngin, khó tiêu. Jhui mbang dom janih kaya ikan hu taong cap di bhum hu thủy triều đỏ, meda gam tảo độc saong ba tal njauk jru mek, abih di nyu lac dom janih kaya ikan rup lamin hu 2 cam ndaih kanduh (yau trai, sò, ngao...).

Kol drei jhui mbang dom janih kaya ikan oh ka bhian mbang, biak mbuan njauk jru mek, njuak mbang iek dahlau hasit, meyah hadei di nan mboh oh njauk hagait meng mbang rilo jang. Njuak caik hatai sangka tuk brei ka uraniah mbang kaya ikan, kayua hệ miễn dịch di uraniah oh ka siam, kayua uraniah mbuan njuak jru mek jang./.