Bruk tame tabiak bhum hijao hu khik kajap 

Kayua bruk pa-atah di gauk daok dui atah tal puac bilan 9 nan ye TP.HCM brei pabak pok jien daong mbang ka 3 brei ka rahra sang kan kandah kayua jit ruak COVID-19. Yaom daong tui kuhria lac 1 triệu đồng sa urang. Duk haong pok jien daong mbang 1 saong mbang 2 ye pok jien daong mbang 3 ini hu peih praong jang ngan saong 4 kapul urang hu mbang tui, kuhria gam  menuac thường trú, tạm trú haong lưu trú. Bruk peih brei jien daong mbang 3 hu peih tabiak meng harei 22/9 tal harei 4/10; oh kuhria veik tui angan menuac hu daong mbang 1 saong mbang 2; angan menuac hu daong hu ba tabiak brei thau cambaih di jabat UBND phường, xã.

Tỉnh Long An daok hu TP Tân An haong dom labik dalam dom huyện Đức Hòa, Bến Lức, Cần Giuộc, Cần Đước, Thủ Thừa jeng daok pa-ath di gauk tui sarak 16 mbiah tal abih harei 20/9. Min ong Nguyễn Văn Út - Akaok UBND tỉnh Long An brei thau, hu ieu dom labik nan pasang iek, hadei di harei 20/9, oh daok brei pa-atah di gauk tui sarak 16 tra, bo tok brei pacang veik dom labik hu sruh jit, pacang sit min khang kajap piah pasang iek hu siam...

Urak ini dalam ban Vũng Tàu hu 284 kapal daok taong cap angaok tasik gam haong 2.635 urang. Tui kuhria meng harei ini  20/9 Vũng Tàu  brei adat ka 72 kapal dịch vụ hậu cần kaya ikan hu tabiak tasik piah daong pabak pandap mbnag menyum xang menyek ka 284 kapal daok taong cap angaok tasik. Meng harei 30/9 daok pasang iek daong palagaih ka dom kapal hu tabiak tasik. Ban Vũng Tàu hu panuac likau UBND tỉnh Bà Rịa - Vũng Tàu pasang iek, brei kapal ikan tabiak tasik taong cap veik tui jalan nao tui dom mbang saong brei taong cap njauk labik, oh ngak suan hukum, oh lih tame labik thẻ vàng IUU, khik kajap bruk pacang caga jit.

Anak bruk rilo palei dalam tỉnh Đắk Lắk daok brei pacang veik, daok pa-atah di gauk piah pacang jit, meng hatai caong ba mai ka dom adei uranaih 1 harei trung thu bui sambai, chreih chrai, dom pakat kapul dam dara dalam tỉnh hu pambuak bruk haong dom jabat, dom urang ngak pahla, peih danak dak Trung thu ngan haong kadha “baoh gom truac hadah hatai caong – klah rabha haong uraniah, ba gauk yam tapa jit praong”. Danak dak hu payua tal dom adei dom pok pandap lac ahar trung thu, baoh gom, ia tasau haong pandap bac da-a, alin hadiah jien bac brei ka anek saih kan kathaot.

Urak ni, dom shipper tut angan ngak bruk di  TP.HCM dok tagok jang  5 mbang dut song  dom harei camereip hu brei peih veik. Bruk ni ba tal tapa prein piah dut iek tuk akaok harei ngan saong dom  shipper di dom bilai  y tế lưu động. Tui  Chánh văn phòng Sở Y tế Nguyễn Thị Huỳnh Mai, urak ni tong abih bilai  y tế lưu động dok ngak bruk di ban raya  lac labaih  500 song gah  y tế dok kham merat dong siam di abih  ka dom bilai ni  dalam bruk dut iek shipper. Kayua yau nan ye muk  Nguyễn Thị Huỳnh Mai hu panuac ieu dom  shipper brei ngak njauk tui tuk vak dut iek  lac meng mon  5 tal mon 6  mesup piah khik bruk ngak praong di bilai  y tế lưu động.

Minteri Pato Megru Xinh-ga-po brei thau, dom sang bac tiểu học di taneh ia ini brei kreik pabah mbang dalam 10 harei hadei di tuk hu labaih 1.000 urang njauk COVID-19, glaong di abih kuhria meng bilan 4 thun blaoh.Bruk kreik pabah mbang dom sang bac tiểu học saong salih tapa bac online hu peih tabiak meng harei 27/9 tal, anak mbang pakacah pakat negar  praong di anek saih  Xinh-ga-po. Anek saih pakat 2 jeng hu brei padeih bac meng harei 25/9 dahlau di tuk hu mbaok tame mbang pakacah piah patrun patakik bruk njom mbaok ruak.

Ceik pui CCumbre Vieja angaok palo du lịch La Palma di Tây Ban Nha harei kabroi pruh apui mbang camereip kuhria meng 50 thun tapa , ngak ka labaih  1 ribau 300 rahra  angaok palao njauk panduan nao labik karei. Tapa dom thaot binguk brei mboh lac, dom geing sauk prong, thun mun haong dung nham pruh meng rilo labik  di ceik pui. Thủ tướng Tây Ban Nha Pedro Sanchez brei padeih mbang nao tal New York piah hu mbaok tong yaom bruk ni.

Harei 19-9, 4 urang oh bhian randap peih kapal haoh ngak hu bruk tagok angaok langik bo oh hu menuac peih kapal haoh bhhian randap kayua Tập đoàn SpaceX peih ngak saong par salamat trun Đại Tây Dương. Kuhria tal harei ini, SpaceX hu ba labaih 10 urang peih kapal haoh tagok Trạm Vũ trụ dunya (ISS), min ini lac mbang mbang camereip abih Tập đoàn ini ba dom urang oh bhian randap peih kapal haoh tagok angaok langik glaong. Tên lửa SpaceX Falcon 9 ba tui kapal haoh Dragon tabiak truh baoh taneh di harei 16/9 meng Pasak Kennedy di Jabat Hàng không vũ trụ Mỹ (NASA) daok di Florida (Mỹ), peih tabiak bruk Inspiration4  dui atah dalam 3 harei./.

Urang lang: Hanipha- Thu Thảo -20/9