-Di dua adit tapa, yaom thanh long blei di beir trun khang di tanut bair kỷ lục meng 500 tal 1.000 đồng/sa kg. Bruk laik yaom trak ini akaok mereip meng rilo makna. Anak meta, lượng pandap biak praong daok kandon njauk hu bruk daong drah samal di dom gah khik ramik karja saong doanh nghiệp pablei. Kadha vak di kapul urang vak di rayo sap ndom Viet Nam daok di ban raya HCM ndom ka bruk ini:

    Tỉnh Bình Thuận urak ini hu 29.000 ha thanh long, dang akaok dalam taneh ia ka taneh pala janih kaya nong ini. Puac bilan 9 barau blaoh, hu lingik siam lagaih, dom taneh thanh long puac vụ jeng tabiak baoh. Dom mikva urang nong daok truac menyek awar ngak ka sản lượng tagok glaong. Labaih meteh taneh tabiak baoh ngan saong abih tih sản lượng tagok tal 100 rabau tấn. 

Kỹ sư Phạm Hữu Thủ, Chánh Văn phòng – urang brei panuac di Sở ngak nong saong patagok palei pala Bình Thuận brei thau, ngan saong sản lượng praong yau nan, di tukvak katut, năng lực di dom doanh nghiệp puk palei oh sumu pablei, gam lac oh ginup kho khik piah. Dom doanh nghiệp tạm padheih blei kayua kho laar bak ngak ka yaom thanh long trun dalam. Tabhia di nan, kayua pablei rilo di darak pasal Trung Quốc, dom bruk padheih lễ Quốc khánh taneh ia ini di akaok bilan 10 barau blaoh jeng ngak jhak tal yaom thanh long. Ông Thủ lac: “Di tukvak katut, dom doanh nghiệp dalam tỉnh oh hu ginup jien padai piah blei. Gam saong nan meng harei 1/10 harei Quốc khánh Trung Quốc, rilo đối tác blei thanh long di Trung Quốc padheih blei piah mbang tết, yau nan ye bruk pablei thanh long gaok padheih veik.”  

   -Daok di tỉnh Long An, huyện Châu Thành lac libik pala rilo thanh long abih ngan saong labaih 8.300 ha. Di tukvak ini di Châu Thành lac bilan thanh long chính vụ, sản lượng jaik 45.000 tấn. Meng cung tagok  cầu ngak ka yaom thanh long trun khang. Min, thanh long pasak drah samal, sản lượng praong yau nan ye bruk radaih laar container, kho khik piah laar jeng daok quá tải. Anak bruk ini karja puk palei hu ieu doanh nghiệp kham merat piah blei saong neh rabha kan kandah saong dom sang beir. Ông Nguyễn Văn Thình, akaok uy mban bhapbini huyện Châu Thành, tỉnh Long An lac :"Darak pasal pablei oh abih, oh smu yau nan ye daok thanh long daok kandon di beir, dom thanh long lac mikva hu paik blaoh mon urang blei oh ka sumu. Anak bruk ini, huyện ieu doanh nghiệp kham merat blei abih daong ka mikva, mek tame hasit ka takik jien buh buh tame di mikva."

-Yaom lac oh mek jien tame hu laba glaong ye mbang dahlau atau mbang paik thanh long truac menyek, min ngan saong bruk kham merat di puk palei jeng hu trun takik jien buh tame di mikva urang nong. Di tukvak suai livik, piah plaih bruk ini, urang nong pala thanh long njauk salih bruk pala drak, dak salih tapa quy trình kaya nong siam ye VietGAP saong glaong veik lac GlobalGAP piah hu rilo darak pasal di dunya njauk hatai, plaih pambak tame di sa darak pasal./.

Thúy Linh