Rilo anek saih hu palih ruah pakacah tui jalan online 

Kayua jit Covid-19, tal urak ini, Mintri Pato Megru jeng oh ka brei thau harei pakacah jeng yau adat pakacah tamat THPT saong adat pilih ruah anek saih tame ĐH thun 2021. Min tui kuhria, anek saih meda tut angan tame pakacah tamat THPT meng harei 24-4 tal harei 10-5, saong tut angan pilih ruah tame ĐH dalam tukvak ini. Mbang pakacah tamat THPT tui kuhria hu peih tabiak di harei 7 haong harei 8-7. Anek saih meda tut angan pakacah tamat THPT meng phiếu nộp brei điểm taduan tame bac THPT; daok tut angan pilih ruah meda meng 2 jalan lac: phiếu likau pakacah tamat THPT atau pandar tài khoản, mật khẩu di drei hadei di tuk tut angan pakacah THPT piah tut angan pilih ruah tame ĐH. Yau nan, thun ini karei jang dom thun dahlau lac anek saih pakacah hu pilih ruah 2 jalan tuk tut angan pilih ruah tapak saong online...

Di palei Thiện Cư (xã Thiện Hưng, huyện biên giới Bù Đốp, tỉnh Bình Phước), mBan tacei pato bruk ngak bangsa - agama huyện Bù Đốp bahrau jao bộ cồng chiêng alin hadiah bhap bini bangsa S'tiêng bhum tapen negar.. Bộ cồng chiêng hu 5 baoh, hu ngak meng ban, yaom jaik 30 triệu đồng meng jien urang daong brei. Ini lac bruk ngak piah patagok, piah khik ramik ilamu di bhap bini bangsa S’tiêng, saong piah patoa veik tal dom rai ranaih piah oh var lahik. Di tuk alin hadiah nan, mBan tacei pato bruk ngak bangsa - agama huyện Bù Đốp jeng hu tabiak mbaok kapul cồng chiêng palei Thiện Cư hu 10 urang piah pamere ka dom bruk di palei, dom rija, roya di bhap bini bangsa takik di huyện saong di tỉnh.

Muk Nguyễn Thị Ánh Hoa, Giám đốc Sở rivang me-in TPHCM brei thau, dalam thun 2021, sở ni meda pasang iek, padang ngak số hóa dom labik rivang main di ban raya TPHCM. Ngak cambaih meng giao diện thaot binguk 360, 3D, công nghệ thực tế ảo; gam tui di nan jeng patui daong veik ứng dụng công nghệ QR Code pambuak gauk di 100 labik rivang main, miuyim, inem krung ilamo di dalam ban raya.

Cao ủy Liên hợp quốc ka urang tị nạn (UNHCR) brei thau lac meda tal hadei di thun 2022 meng meda klauk vaccine caga COVID-19 ka kapul urang tị nạn mbuan gaok kan kandah abih di dunya kayua danak dak klauk jru biak suai damuai di dom negar taduan nyu. Tui yaok pataom bahrau di abih di UNHCR, di dunya hu labaih 80 triệu urang njauk klaak sang danaok piah nao plaih di bala. Dalam dom urang nan, hu jaik 46 triệu urang njauk klak sang nao plaik di bala di dom labik karei jeng dalam negar ni, 26,3 triệu urang tị nạn di negar karei saong 4,2 triệu urang daok likau nao tị nạn.

UB châu Âu daok caga ngak danak dak brei “harak lac salamat COVID-19' piah pasiam veik bruk nao mai di dom taneh ia  dalam UB saong dui tagok bruk kinh tế. Harak nan hu brei saoh piah daong ka rahra châu Âu meda nao du lịch veik dalam EU di bilan hè thun ini. Harak meda hu mã xác thực QR tui jalan kỹ thuật số pandar angaok phon tangin atau blah in ba-ar.  Thông tin angaok ba-ar kayua dom jabat y tế taneh ia (sang iek ruak, pasak dut iek, jabat y tế…) pabak brei. Urang hu brei ba-ar daok dalam 3 bruk lac: hu klauk blaoh vắc xin pacang COVID-19,  mboh lac oh njom  COVID-19 tapa dut iek, hu patagok bruk pacang ruak COVID-19 hadei di tuk abih ruak./.  

Urang lang: Thu Thảo -Mousaphuong -20/3