Thí sinh pakacah angaok mạng 

Di mbang nyaom ka 54 di UBTVQH rah tabiak tuk mesup ini (15/3), ong Nguyễn Hạnh Phúc - Tổng TK QH pathau khan dom bruk kuhria caga ka mbang nyaom 11, QH mbang XIV. Tui nan, abih tih tukvak ngak bruk di QH lac 12 harei, tamat di harei 8/4, min meda caga tapa harei 9/4. Di mbang nyaom ka 11 tal, QH mbang XIV brei ramik pasiam gah menuac ngak, dalam nan hu bruk brei padeih ngak saong pilih ruah menuac ngak akaok QH, akaok negar, Thủ tướng rajaei. Tui kuhria, harei 5/4, QH pilih ruah menuac pok ngak Thủ tướng rajaei tui jalan buh phiếu kandauk, hadei di nan Thủ tướng Rajaei tuyên thệ. 

Kayua jit Covid-19, tal urak ni Mintri pato magru jeng ka oh khan brei thau harei pacacah jang yau dom adat pacacah tamat THPT saong dom adat pilih ruah đại học thun 2021. Min tui bruk ba tabiak, urang pacacah meda tut angan pacacah tamat THPT meng harei 24-4 tal harei 10-5, gam tui di nan jeng brei tuta angan tame pilih ruah đại học dalam tukvak ni. Mbang pacacah tamat THPT tui kuhria hu peih tabiak di harei 7 saong 8-7. Thun ni karei jang dom thun dahlau lac urang pacacah hu pilih ruah 2 jalan tuk tut angan pilih ruah tapak saong tapa jalan online.

Mesup ini (15/3), CSGT TPHCM tabiak bruk tabung glaong langyah radaih oh khik hu siam mekre salamat, oh njauk kỹ thuật, radaih ngak eng 3-4 kong peih angaok jalan. Dom kapul CSGT An Sương, Bình Triệu, Tân Túc hu mbaok di grauk dom jalan dalam labik khik iek di kapul. Mabng tabung glaong hu dui atah tal abih harei 14-6. Urang jakar, urang lin pasang iek dom janih radaih mô tô, radaih jamriak 3 kong, radaih klak, bruk, radaih ngak eng, langyah catang meyah urang peih radaih oh hu harak adat peih radaih, radeih oh hu harak gar, oh hu pandap trun sap, trun sauk, ngak suan gah caik biển số, pagam dom jnaih karei tame min oh hu kein lagaih hagait…

Dah page ni, jabat iek gah pajeng ba jalan tasik Bình Thuận brei thau daok pambuak bruk haong dom gah sraong mek gilai pajeng 1.500 tấn bau par di nhiệt điện Vĩnh Tân karam di bhum tasik Mũi Né, ban Phan Thiết. Tui panuac khan tuk camereip, gilai pajeng pandap Bạch Đằng, trak 2.500 tấn, hu 7 urang, nduac meng dah page harei 14/3 meng sang mac nhiệt điện Vĩnh Tân, huyện Tuy Phong nao pabah lamnge Nhơn Trạch, Đồng Nai. Tuk nao tal labik tasik gah likuk vịnh Mũi Né ye tableik, karam. Taong abih dom urang angaok gilai hu daong chip dalam melam nan.

Dalam bruk pacang, pametai takuh bahrau hu UBND TP Cần Thơ patabiak, kadung jien karja meda buh tabiak labaih 22 tỷ meteh, jaik 7 tỷ meteh daok veik lac jien đối ứng di urang ngak nong. Bruk nna hu peih tabiak ngak meng ini tal thun 2025, piah daong ka urang ngak nong khik ramik siam hamu, bein, patrun patakik dom khat lahik kayau takuh palai kaik. Cần Thơ hu labaih 80.000 ha taneh ngak padai, labaih 20.000 bein phun mbang baoh, jaik 15.000 ha njam patam. Dom thun tapa, urag ngak nong brei thau bruk padai, njam patam njauk takuh kaik palai biak rilo.

Rajaei Japon daok pasang iek bruk brei adat ka bhap bini padeih ngak min hu mbang jien bilan piah khik siam ka prein yava tuk klauk vắc-xin Covid-19. Bruk ni jeng hu pandar ka dom urang ngak bruk gaok njauk hagait hadei di tuk klauk jru. Langiu di nan, rajaei Japon jeng daok pasang iek bruk caong lac klauk vắc-xin Covid-19 pak di labik ngak bruk piah patagok parilo menuac hu klauk jru.

Hãng AstraZeneca brei thau lac hu pasang iek veik dữ liệu di labaih 17 triệu menuac di negar Anh haong Liên minh châu Âu (EU) hu klauk vắc xin di hãng ini saong oh mboh hagait ba tal bruk khal darah. Dahlau di nan, urang jakar y tế di Ireland, Đan Mạch, Na Uy, Iceland haong Hà Lan brei padeih pandar vắc xin di AstraZeneca dalam bruk klauk pacang Covid-19 kayua dom bruk pambuak tal khal darah. Urak ini EU saong rilo negar karei hu brei adat pandar chip ka vắc xin di AstraZeneca.

Ban ine Bắc Kinh, Trung Quốc harei ni me-om bak dhur mun par meng  sa mạc Gobi saong dom labik gah Tây Bắc Trung Quốc. Ni hu maong lac mbang ribuk cuah praong abih dalam 1 piluh thun tapa di negar ni. Jabat kuhria mboh dahlau bruk langik tasik hu tabiak panuac báo động ngan haong dom mbang ribuk cuah, kakei bhap bini, abih di nyu nan lac urang taha saong uranaih brei takik tabiak langiu mayah oh hu bruk hagait.Di negar Mông Cổ jaik taphia, dom mbang ribuk cuah hu par tal rilo tinh, ban, ngak ka labaih 340 urang  lahik./.

Urang lang: Thu Thảo -Mousaphuong -15/3