Bruk pruh jru pametai anek ruak hu peih ngak bhian randap 

Urak ini, jit ruak Covid-19 daok rah tabiak sraw kadau, di rilo tinh, ban dom urang njaom birau daok tagok rilo; urang ruak trak, urang metai di dom palei oh ka trun. Piah ngak hu siam bruk pacang caga jit  Covid-19, abih di nyu lac pacang biến chủng birau Omicron, Thủ tướng Rajaei Phạm Minh Chính ieu kakei: Akok Ban tacei jalan pacang caga jit Covid-19, akok UB bhap bini dom tỉnh tacei pato saong peih ngak samar drah jang bruk klauk jru vaccine pacang Covid-19. Dalam nan, suai abih  lac harei 31-12 brei salah blaoh bruk klauk jru mbang 2 ka urang umo 18 thun tagok langiu dom urang hu ruak saong dalam quý 1 thun 2022 brei klauk salah vaccine mang ka 3 ka urang umo 18 thun tagok.

Kayua rah tabiak sa sruh jit  COVID-19 dalam sang iek ruak Quân y 120 - Cục Hậu Cần, Quân khu 9 (di ban  Mỹ Tho, Tiền Giang) yau nan ye sang iek ruak  ni brei padeih taduan urang ruak  cấp cứu dalam  15 harei . Meng mbang jit ka 4  rah tabiak tal ni, sang iek ruak  Quân y 120 peih bruk “3 di labik”, urang jakar , urang ngak hu ngak siam dom bruk pacang cag jit  Covid-19. Urak ni, sang iek ruak dok iek ruak  ka labaih  50 F0 lac urang ruak mai iek ruak, mboh lac dương tính song SARS CoV-2; dalam nan hu jiak pluh urang ruak trak

Sở Dulich Ban raya HCM pambuak saong rilo gah peih ngak Adit Dulich “ Ban raya HCM – Ban raya dahlak ranam” mbang ka sa. Adit dulich  rah tabiak meng ini tal harei 31/12/2021, piah pambak tabiak bruk hadah  mbaok meta saong hatai ranam Ban raya HCM tal bhap bini, jeng yau pachreih dulich saong rivang iek, dauh thau labik main di Ban raya tal tuai damuai dalam saong langiu negar. Adit Dulich caong khin rik daong tame pasiam gah dulich  ban raya hadei di tuk jit ruak Covid-19 jeng yau daong ka dom D.N peih ngak rilo danak dak pachreih urang mai rivang main dulich puac thun dalam tuk vak diukrai salamat lagaih haong bruk jit Covid-19.

Rilo  doanh nghiệp di dom tỉnh gah merong brei thau, tanut  thưởng Tết Nguyên đán 2022 ka urang ngak  meda trun meng  30 - 50% dut song thưởng yaok thun. Jit ruak  COVID-19 ngak kan kandah tal rai duik di urang ngak song tuk vak ngak mbang pablei salih di  doanh nghiệp. Piah dong ka urang ngak, Tổng Liên đoàn Lao động Việt Nam kuhria buh jien tabiak labaih  2.400 tỷ đồng dong ka  8 triệu urang đoàn dalam doanh nghiệp tui yaom  300.000 đồng/sa urang. Taeng dom công đoàn cơ sở hu panuac ieu bruk  xã hội hóa piah patagok  jien ka urang ngak  dalam tuk Tết Nguyên đán 2022

Tui khaw tin meng Thương vụ Việt Nam daok di Bỉ saong EU, Ủy ban châu Âu (EC) birau hu harak brei thau lac pabak janih mì ăn liền di Việt Nam tame angan brei dut iek bruk kandaong labaih jru mek pakauk saong brei tagok mbang dut iek 20%. Kayua mì ăn liền lac pandap tổng hợp, meyah dalam mì hu baoh manuk ada atau limek athur ye brei hu harak gal dut iek di Cục Thú y. Meyah dom pandap ngak meng njam patam baoh karaoh ye D.N brei pambuak  saong Cục Khik caga phun pala piah mek harak gal.

Mintri jien ndua  Mỹ brei harak adat siam di abih  piah khik iek  ka Apganixtan taduan hu pok jien dong di dunya, dalam tuk gah kinh tế jaoh jaleih hadei di tuk  Taliban tagok rai di bilan  8 meng bloh.  Harak adat ni hu palagaih ka rajaei  Mỹ, song dom kapul dunya  meda  dong pahla  ka Apganixtan  yaom lac meda hu dom bruk tong  phạt. Dom urang Apganixtan dok di langiu hu payua jien mai ka boh sang  brei tapa kiều hối. Rajaei  Mỹ mong  iek Taliban song mạng lưới Ha-ca-ni (Haqqani) lac khủng bố, yau nan ye patrun  quyền taom gaok dom kapul  jien ndua dunya jang yau cakak pok jien gah langiu dong ka gah kinh tế Apganixtan.

Gah khik caga takai tasik Hy Lạp brei thau, hu takik abih 4 urang di cư metai hadei di tuk gilai pajeng dom urang nan gaok bala saong labaih 90 urang karei daok gar veik di sa kaoh pulao sit di Hy Lạp harei kabroi (23/12). Kadung jien Uranaih LHQ (UNICEF) jeng brei thau, dalam adit ini  hu labaih 70 urang di cư suan hukum, dalam nan hu uranaih, metai kayua blung ia saong 100 urang lahik langiu tasik Libya. Tui yaok pataom di Gah Di trú Dunya (IOM), meng akaok thun mbiah tal ini hu 31.456 urang di cư suan hukum, dalam nan  hu urang kumei saong uranaih, hu daong saong gilac veik Libya, dalam tuk yaok rituh urang metai saong lahik di langiu tasik.

Dom urang ilamu  gah  Y học Nhiệt đới di ban ine  Munich, Đức bahrau khan ka bruk roh duah mboh lac hu duah tabiak  inem mek di  biến thể Omicron dalam dom janih ia nerak .Tui nan nyaom roh duah hu langyah dom janih pandap hu mek meng ia nerak di  Munich meng di akaok bilan  4 thun  2020 song dom janih hu pasang iek  dalam balik ngak iek meng bruk pandar dut iek RT-PCR song langyah tự  bộ gen.Dalam nan, dom janih bahrau abih, hu langyah dalam harei 20/12 meng bloh, hu pataom mek di 4 labik karei di gauk brei mboh hu inem mek di  biến thể Omicron.Tui dom urang ilamu, bruk ni hu makna lac biến thể Omicron mbuan njom mbak hu mbaok di grauk labik dalam ban meng 2 adit dahlau./.

Urang lang: Ái Nghiêm -Hanipha- 24/12