Urak ini, dalam mbang menyum yaok harei di anek manuac njauk mbang ralo njam patam baoh karaoh, abih di nyu nan lac njam hijao gam haong dom janih pandap karei. Nyu hu mong lac dom pandap siam  hu abih dom asal dinh dưỡng khang kadang, siam ka rup babhap yau vitamin, khoáng chất, canxi, sắt, chất xơ...Dalam kadha urang iek ruak harei ini, hu kadha vak angaok báo Khoa học đời sống brei thau ka kein laba di njam patam baoh karaoh.

Dom chất xơ dalam njam patam baoh karaoh nyu puh "bah"  cholesterol labaih, daong ka rup babhap pacang cakak xơ vữa động mạch.

Tui tiến sĩ Nguyễn Thị Lâm, Viện Dinh dưỡng, dak harei dak hu ralo roh duah brei mboh tác động di chất xơ dalam bruk mbang huak mbuan ba tal ruak tim mạch. Bruk mbang ralo chất xơ jeng pambuak pagam tal chỉ số BMI saong hàm lượng insulin dalam darah. Langiu di nan, nyu jeng daong ngak patagok bruk nhạy cảm di insulin di urang ruak me-ik saradang tuýp 2, trun tryglycerid saong nyu daong pasang iek teik trak.

Kayua yau nan ye khaol drei njauk mbang ralo dom janih pandap hu ralo chất xơ. Njam patam baoh raoh nyu pabak chất xơ ralo. Dalam njam, cellulose daong pacang táo bón (aih gar), pacang ung thư đại trực tràng, puh bah cholesterol tabiak rup babhap caga cholesterol dalam darah glaong.

Dom chuyên gia kakei yaok urang njauk pandar takik abih 300 g njam saong 100 g baoh tasak yaok harei. Dom menuac njauk mbang ralo njam nan lac:

Urang prong thun

Urang prong thun njauk mbang ralo njam patam piah hu chất xơ kích thích hatung pruac, plaih di aih gar. Njam patam baoh karaoh nyu pabak ka rup babhap dom chất dinh dưỡng biak siam ka urang prong thun yau vitamin saong dom vi lượng: K, MG, Zn, Cu, Fe, Se... saong dom chất pacang cakak ôxy hóa. Dom chất xơ hu dalam njam patam baoh raoh daok hu daong puh bah cholesterol labaih tabiak tui khak, daong ka rup babhap pacang caga xơ vữa động mạch.

Urang lamek, ma-ik saradang

Mbang ralo njam patam ngak brei drei mboh trei tian min năng lượng van mbang oh tagok, dom vitamin saong khoáng chất jeng hu pabak ginup. Kadha ini daong ngak brei trun kilo biak siam ka urang lamek saong khik hu saradang dalam darah bình thường di urang ruak ma-ik saradang.

Urang ruak tagok darah saong cholesterol dalam darah glaong

Njauk mbang ralo baoh karaoh njam patam (jaik 500 g yaok harei) piah pabak ralo kali, daong ngak brei trun huyết áp. Lingiu di nan, urang tagok huyết áp bhian hu gam ruak tagok cholesterol dalam darah, nan ye bruk mbang ralo njam patam baoh karaoh, meda daong tathuak cholesterol dalam pruac tabiak langiu, daong ngak brei trun cholesterol dalam darah./.