Bruk mbang huak yaok harei hu đậu nành daong patrun huyết áp, cholesterol darah, pacang caga saong điều trị xơ vữa động mạch. Ralo urang ngak amaik ngak ame oh thau lac sữa đậu nành jeng pabak dom kein laba dreih yau nan saong gaok mai siam jang dut haong ia tasau limo ngan haong bruk cakrok patagok di rup babhap di uranaih. Kadha “Urang iek ruak” harei ini, hu kadha vak brei thau dom kein laba di  đậu nành ngan haong pren yava.

Ratak đậu nành (atau đậu tương) hu dom urang dinh dưỡng học taong yaom biak glaong kayua nyu hu ralo protein saong  lipid. Meng đậu nành meda ngak jeng ralo pandap mbang bingi, yau tapung, sữa, đậu phụ, tào phớ, tương...

Tui Viện Dinh dưỡng negar, dalam 100 g ratak đậu nành hu meng 34 tal 40g protein saong jaik 20 g lipid, ralo jang sa janih rilo anek athur halei. Protein đậu nành daok di dạng casein thực vật oh karei hagait haong casein động vật hu dalam ia tasau. Protein ini hu phẩm chất glaong, hu ginup abih dom axit amin brei ka bruk cakrok patagok saong khik rup babhap anek manuac yau glycine, valine, leucine, tyrosine, agrinine, histidine, lysine, tryptophane, cysteine…

Asar đậu nành daok lac sa janih pandap mbang hu ralo  vitamin saong muối khoáng. Dalam asar ratak đậu nành hu ginup jaik abih dom vitamin, gam dom vitamin ralai dalam aia yau B1, B2, PP... saong vitamin ralai dalam menyek yau A saong D, E, K, F.... Langiu di giá trị dinh dưỡng, ratak đậu nành saong dom janih pandap mbang hu ngak meng ratak đậu nành daok pacang caga saong pasiam hu ruak, abih di nyu lac ngak trun cholesterol dalam darah ngan haong dom urang njauk xơ vữa động mạch.

Makna saong jalan ruak xơ vữa động mạch biak phức tạp, dalam nan cholesterol darah tagok glaong lac sa biểu hiện prong di ruak. Roh duah brei mboh, dom urang hu cholesterol darah glaong mbang pabak protein đậu nành (salih ka protein anek athur) ngak brei patrun cholesterol darah. Bruk mbang pabak ratak đậu nành haong 150g đậu phụ, 80 g asar ratak đậu nành yaok harei hu ngak jeng dom janih pandap mbang karei gauk nyu ngak patrun cholesterol darah meng 10-20%. Bruk mbang ini daok ngak trun huyết áp di jaik 80% urang ruak hu cholesterol darah glaong gam tui glaong huyết áp.

Kayua yau nan ye dom urang prong thun njauk ruak glaong huyết áp, tagok cholesterol darah dalam bruk mbang huak yaok harei njauk pabak ratak đậu nành atau dom janih pandap hu ngak meng ratak đậu nành piah pacang caga ruak xơ vữa động mạch.

Dom roh duah hu tacei tabiak lac, bhian menyum sữa đậu nành meda ngak brei patrun biak ralo nồng độ triglyceride saong dom lipoprotein mật độ biar (LDL) dalam darah saong paglaong lipoprotein mật độ glaong (HDL). Tapa nan mboh lac sữa đậu nành lac sa janih pandap menyum biak siam ka urang hu cholesterol glaong atau dalam sang dahlau daih hu urang njauk ruak mạch vành.

Patagok hoạt động mạch darah. 

Daong patrun kilo.

Pacang caga ung thư tuyến tiền liệt.

Trun meneng triệu chứng mãn kinh.

Pacang caga lamin talang./.