Hu Cong ty brei bruk khik iek glai di 2 tieu khu 744 saong 748 praong labaih 2.200 hecta daok pak palei 1, xã Ia Tơi, huyện Ia H’Drai, tỉnh Kon Tum, sa-ai Phùng Chí Mạnh - urang khik iek glai daok ngak bruk di Balai khi iek glai ngầm 270, Kong ty TNHH sa thành viên lâm nghiệp Ia H’Drai brei thau, meng akok thun mbiah tal ini glai kayua sa-ai khik iek tok hu sa mbang urang jah tak glai labaih 200m^2.. Meng samar mboh, gam saong bruk jhul khang pathau khan tal mikva dalam palei 1, tapa nan mikva thau blaoh halan hatai mbaok tangin sanya oh jah tak glai suan hukum piah khik caga glai. Saong bruk praong jang tui sa-ai Mạnh sahaneng mboh nan lac, meng tuk hu sarak daong brei bruk khik iek glai, pachreih urang khik glai dalam đơn vị ngak bruk siam jang:

“ Adei sa-ai ngak biak siam bruk khik iek glai, bhian rivang saong tui iek hu sang halei tame glai blah taneh ye jak ba tabiak truh glai. Yaok harei nao tui iek dom labik glai drei taduan khik . Adei sa-ai pak ini ngak siam lo.”

Tu Mơ Rông lac huyen biak kan kandah di tỉnh Kon Tum. Raidiuk mikva ralo meng lac urang bangsa Sê Đăng daok kathaot rambah. Kayua Jien mek tame  meng ngak hamu ngak pauh yau nan ye bruk peih taneh dak harei dak ralo ba tal taneh glai tamuh eng mbuan lahik. Piah khik iek glai hu siam jang, brei ngak ka mikva mboh hu kein laba di glai ba mai ka sang drei, ka bhap bini drei. Ong Vương Văn Mười, Pho akok Ub bhap bini huyen Tu Mơ Rông brei thau, meng hu sarak daong jien khik iek glai, jaik 12.000 hecta glai di palei ini hu jao brei ka labaih 800 boah sang saong puk palei khik iek ye glai hu siam jang.

“ Dahlau diah, mikva oh sahaneng hagiat tal bruk khik iek glai min meng harei hu payar jien khik glai jeng yau brei pala phun di ala glai ram yau ye dom janih phun jru atau duah jien tame meng dom janih phun pala ala phun glai pabak ka raidiuk, meng nan bruk khik glai di mikva hu siam jang. Bruk khik iek glai di huyện hu siam. Oh daok bruk mikva jak tah glai.”

Gam saong 23 đơn vị po glai nan lac kapol nyaom, 74 xã, ban sit, hu 3.600 baoh sang saong 22 palei di tỉnh Kon Tum hu Karja jao brei khik iek jaik 45.000 hecta glai. Tui kuria rah tapa, jien mek tame yaok thun di yaok sa baoh sang taduan khik iek glai hu labaih 5 trieu dong, yaok palei hu labaih 88 trieu dong saong kapul dom baoh sang labaih 37 trieu dong. Ndem ka bruk siam lagaih di sarak daong jien khik iek glai, ong Hồ Thanh Hoàng, Akok Kadung jien Khik iek saong Patagok glai tỉnh Kon Tum brei thau:

“Bruk bayar jien khik iek glai hu ngak jeng sarak jien padai brei ka bruk buh jien tabiak khik iek glai saong cak rok glai hu tani tanat, khang kajap. Dom po glai, mikva tame khik iek glai patagok jien mek tame. Tapa nan ieu pataom hu jien padai, pren khang di xa hoi piah ngak siam bruk khik iek glai.”

          Anak meta mboh lac bruk bayar jien khik iek glai di tỉnh Kon Tum hu ngak brei pasiam raidiuk bhap bini, paglaong akok sahaneng di po glai, patagok baoh sang, bhap bini palei pala taduan khik iek glai saong daok jak ba hu rilo prein khang tame khik glai. Ini lac jalan peih tabiak piah jhul pakhang bruk jak ba abih gauk dalam xa hoi tame khik glai, rik tame patrun baoh sang kan kathaot, pagrap tamat bruk an sinh xa hoi, abih di nyu nan lac di bhum atah bayah, bhum ceik car dalam tỉnh./.