Kein laba mo hinh salih phun pala di tinh Quang Binh

 Dom thun jaik ini, taneh ngak padai takik kein laba hu mikva urang nong tinh QUang Binh salih tapa pala dom janih phun tangei, bei, tam kai saong bingu…Tuk camrereip, dom bruk salih phun pala hu ba mai kein laba, urang nong mek jien tame hu rilo jang 3 mbang duk saong ngak padai. Kadha vak di Tuyet Le – urang vak di rayo sap ndom VN daok di gah kreh negar.

      Thun ini sang ông  Nguyễn Xuân Đường daok di phường Quảng Long ban sit Ba Đồn, tỉnh Quảng Bình hu salih 2 sào taneh padai tapa pala dom janih phun hu yaom glaong yau: baoh paya, tam kai saong bingu. Ông Đường brei thau ; pala njam saong bingu jien mek tame hu rilo jang 5 mbang duk saong ngak padai "Meng padai bo salih tapa laba jang 5 tal 6 mbang. Dahlak biak caong dom pakat karja di puk palei jeng daong ka adei saai pala njam patam hu phun jien, dui jalan menyek, ngak ka adei saai yaok sang sa baoh bingun, pato pathram alamu piah ka adei saai thau jalan pandar mek hu kein laba jang”

          Ban sit Ba Đồn, tỉnh Quảng Bình hu peih ngak iek bruk salih phun pala meng ngak padai takik kein laba tapa pala tangei, bei, bingu saong dom janih njam di 2 phường Quảng Long saong  Quảng Phúc. Karja palei jeng daong sa trieu dong jien pajaih yaok hecta ka dom sang salih. Ông Trần Văn Luận, akaok uy mban bhapbini ban sit Ba Đồn, tỉnh Quảng Bình brei thau : tapa taong yaom bruk salih vụ mùa akaok merreip brei mboh, di sa taneh ngak ini meyah urang ngak padai tok mek jien tame hu jaik 30 tal 40 tạ sa hécta, min salih tapa pala tangei, bei, jien mek tame tagok 60 triệu đồng sa hécta; daok pala bingu, njam dom janih,  jien mek tame hu jaik 250 triệu đồng sa hécta sa vụ: (Jeng hu dom sang salih janih phun pala meng phun padai tapa phun bingu, jien mek tame glaong, daong ka raidiuk bhapbini hu tani tanat. Daoh roh duah piah ba dom janih phun pala karei hu kein laba jang. Peih dom tan piah tacei pato alamu pala drak dom phun pala  barau, abih di nyu nan lac bruk tham canh caga halak halin.  

Urak ini, tỉnh Quảng Bình hu jak ba bhapbini salih 600 héc ta taneh ngak padai oh caga hu ia pruh tapa pala dom phun pala angaok thu. Tỉnh Quảng Bình jeng hu tabiak bruk daong 5 triệu đồng 1 hécta salih.  Ông Hoàng Văn Mịn, phó Giám đốc Sở ngak nong saong patagok palei pala tỉnh Quảng Bình brei thau : anak tal, sở ngak nong saong patagok palei pala daok tacei pato dom labik, dom palei pala jhul pakhang bruk salih taneh ngak padai kurang ia pruh saong taneh takik kein laba tapa pala dom janih phun pala angaok thu, katut harei, hu pren pacang tua riya yau tangei HN88, tamekai, paya, ritak aih kuh, linge, bei ..."dom labik halei oh hu ia salih tapa dom phun pala diuk hu dalam pandiak yau: ritak aih kuh, tangei, paya…tuk camereip jeng labe hu rilo jang 3 mbang duk saong padai, pablei  urak ini hu yaom, yau nan ye mikva urang nong mbuan pablei. Urak ini daok ba tagok uy mban tỉnh piah likau brei jien daong ka mikva urang nong, daong alamu, pajaih salih ka mikva urang nong.

Urak ini, Quảng Bình daok pataom tame ngak mblang hamu mẫu praong pala bei, tamekai, bei plom saong dom janih phun njam karei di bhum taneh cuah tapen tasik piah gam ramik pasiam taneh gam paglaong jien mek tame ka urang nong. Bruk salih janih phun pala di tỉnh Quảng Bình daok hu jalan nao siam, daong ka urang nong ngak meda meng bruk ngak nong tui jalan đa dạng hóa phun pala, rik daong praong tame danakdak bruk ngak negar padang ngak palei pala barau saong patruh eik patrun kathaot di puk palei../.