Pathau mikva saong taong abih gauk!

          Hu padang tagok meng thun 2013, tal urak ini, klup kapul “urang kamei Chăm daong gauk ngak kinh tế”, phướng 1, quận 8, ban raya HCM hu 30 adei saai kamei bangsa Chăm hu mbaok tame. Klup kapul hu daong ka dom urang kamei bangsa Chăm kan kathaot patagok kinh tế, yam tagok tani tanat rai diuk, kham merat hu mbaok tame dom bruk ngak di puk palei. Kadha vak di Ái Nghiêm, urang vak di rayo sap ndom VN hu ndom tal dom siam lagaih di klup kapul daong  gauk ngak kinh tế di adei saai kamei Chăm quận 8, ban raya HCM. Daa mikva saong taong abih gauk tui pang:

          Phường 1, quận 8, ban raya HCM lac labik hu ralo urang bangsa Cam daok, dalam nan hu jaik 700 urang kamei. Jaik abih adei saai kamei bac da-a takik, oh hu bruk ngak tani tanat, ralo meng nao ngak mbang pah atau pablei salih sit nan ye jien mek tame oh tani tanat. Piah daong ka hội viên urang kamei Chăm ngak kinh tế, tani tanat rai diuk, mbang ngui, bac da-a… kapul urang kamei phường 1 hu padang klup kapul “urang kamei Chăm daong gauk ngak kinh tế”. Klup kapul ngak bruk tui jalan halan hatian, daong gauk tui jalan “klah rabha lisei huak, ao cuk”. Yaok urang dalam kalup kapul rik tame 500 ribau đồng yaok bilan daong ka 3 urang hu taduan mek yaom jien 5 triệu đồng yaok mbang, brei ka adei saai gaok kan kandah atau ruak đột xuất hu mek dahlau.

Saai Salygiah, urang hội di chi hội urang kamei phường 1, quận 8, ban raya HCM daok dalam baoh sang kan kathaot. Sang hu 3 urang anek, anek taluac njauk ruak gila. Dua diuk pasang jeng oh hu bruk ngak tani tanat, pasang saai bhian ruak kik pandik harao nan ye yaok bruk dalam sang kayua ta-eng saai Salygiah ngak abih. Akaok thun 2013, pambuak phun jien di klup kapul saong phun jien mesraiy meng gilang pariak sarak karja brei ka urang kamei kan kathaot (5 triệu đồng), saai patagok bruk ngak mbang kinh tế. Tal urak ini, saai Salygiah hu quầy tạp hóa saong jien mek tame tani tanat yaok bilan hu 4 triệu đồng. Yaom lac jien duah hu nan oh praong, min ngan saong baoh sang saai, nyu hu daong ka sa-ai paglaong rai diuk. Saai Salygiah khan lac:

“Sap chăm”

Langiu di baoh sang saai Salygiah, tal urak ini, jaik 24 mbang urang kamei Chăm kan kathaot karei di phường 1, quận 8 jeng hu klup kapul daong phun jien abih tih jaik 100 triệu đồng. Saai Thị Siti Nore Tơ daok di 231 D/29 Dương Bá Trạc, phường 1, quận 8, ban raya HCM jeng hu mbaok tame klup kapul meng tuk camereip. Thun 2013, saai blei dua jamriah jhik công nghiệp, daong duah jien tame ka dua saai daok dalam phường. Saai Siti Nore Tơ brei thau, urak ini saai jeng daok kan kandah, biak caong phun jien rilo jang:

“sap chăm”

Yaom lac jien daong di klup kapul oh ralo, min nyu hu daong ka dom urang dalam kalup kapul hu phun jien piah ngak mbang pablei salih, blei hu jamriah sản xuất meng nan paglaong jien mek tame. Meng bruk gam daong, gam tui iek nan ye dom adei saai ngak mbang jeng hu laba. Taphia di nan, klup kapul daok hu tacei ka adei saai kamei jalan patak pataom pandar cai dalam baoh sang. Saai Aysah, chủ nhiệm klup kapul “urang kamei chăm daong gauk ngak kinh tế”, phường 1, quận 8 brei thau:

“Sap chăm”

Piah daong ka urang kamei Chăm kan kathaot hu jalan patruh kan kathaot khang kajap, kapul liên hiệp urang kamei daok patui bruk daong ka adei saai kamei. Saai Cao Ngọc Xuân, akaok kapul liên hiệp urang kamei phường 1, quận 8, ban raya HCM brei thau:

“Sap chăm”

          Patagok bruk ngak hu, klup kapul “urang kamei Chăm daong gauk ngak kinh tế” hu kapul liên hiệp urang kamei phường 1, quận 8, ban raya HCM khik ramik, daong ka dom adei saai kamei bangsa Chăm gaok kan kandah yam tagok dalam rai diuk, daong khik kajap an sinh xã hội di puk palei./.