Kham merat yam tapa kan kandah di nai sinh vien bangsa Cam

Pathau mikva saong grauk yut !

Thập Thị Diệu Thu, bangsa Cam, sinh vien thun 4, tal bac su pham Sử, Khoa Sư phạm Khoa hoc xa hoi, sang bac Đai hoc Sài Gòn ban raya HCM lac kreih camin yam tapa kan kandah, bac daa naih joi, hu ayut saong gru pato anit ranam. Salam uan harei truyen thong anek saih, sinh vien 9/1, Ai Nghiem urang vak di rayo sap ndom VN hu kadha vak ka kreih camin ini : 

Menek tabiak saong praong tagok dalam sa sang hu rilo adei saai, lac sang kan kathaot di palei Ram, (Văn Lâm), xã Phước Nam, huyện Thuận Nam, tỉnh Ninh Thuận, dom thun bilan daok sit di Thập Thị Diệu Thu lac sa var nao bac, sa var nao hamu daong ame ngak padai atau daong amaik ngak bruk sang, glang iek tapon menek. Glaih glan yau nan min 12 thun gam Diệu Thu tuk halei jeng lac anek saih naih joi. Kan kandah meng tuk Dieu Thu yam tame dom thun bac puac pakat pho thong. Dom thun nan, pala drak oh njauk, jit ruak njom mbak ngak ka tapon athuar di sang adei metai. Jien patak pataom di sang buh tame raong glang jeng lihik abih. Kinh te sang laik tame kan kandah jang. Mboh sang yau nan, adei oh khin pakacah tame đại học bo nao duah bruk ngak. Min tuk sahaneng tal caong khin di amaik ame lac hu maong mboh anek mek hu bằng đại học, Thu kham merat nao pakacah. Blaoh Thu hu tame ngành Sư phạm Khoa học xã hội, sang bac Đại học Sài Gòn ban raya Hồ Chí Minh. Harei Thu taduan hu harak khan trúng tuyển, dalam sang gam bui sambai gam duh hatai. Bui sambai kayua anek hu tame đại học, min duh hatailo oh hu jien piah raong Dieu Thu mbang bac 4 thun atah bayah. Harei tame sang bac, Diệu Thu tok hu dom ratuh rabau đồng ba tui gam saong baok balo sit saong sruh radaih juak.

Piah hu jien mbang bac, tame bac hu 2 bilan Dieu Thu nao ngak them, abih nao pato bac di sang tal phat tờ rơi, pablei sim dien thoai, ngak pah quan pablei lisei…Labaih 3 thun tapa, meng bruk ngak them, Dieu Thu hu ginup jien mbang bac, piah amaik ame di sang sahanang hatai raong dom adei kamei nao bac. Yaom lac pren yava oh siam, gam bac gam ngak glaih glan, min Dieu Thu tuk halei jeng kham merat bac megru, điểm trung bình hu 8.0. Yaok học kỳ Diệu Thu jeng mek hu jien bac di sang bac kayua bac megru naih joi, daok dalam tốp dang akaok tan bac saong lac sa dalam dom sinh viên hadah krah di khoa. 

Ngan saong dom ayut, Diệu Thu tuk halei jeng halan hatian klah rabha dom alamu dalam bac megru jeng ye kan kandah dalam raidiuk. Phú Lưu Tuyết Anh lac urang ayut hu Diệu Thu daong biak rilo dalam bac megru, pachreih ba tuk ruak kik. 

Lac Phó bí thư Chi đoàn. Diệu Thu biak gheih bruk ieu pataom dom ayut sinh vien, hu ba rilo bruk di tan bac mek hu rilo thành tích, hu Đoàn sang bac pok meyaom. Võ Thiện Tâm, Ủy viên Ban Thường vụ Đoàn khoa Sư phạm Khoa học xã hội, sang bac Đại học Sài Gòn ban raya Hồ Chí Minh ndom ka Diệu Thu yau ini : Meng thun bac ka sa tal urak ini, dalam ndom puac Thu biak hòa đồng, Thu lac sa dalam dom ayut xuất sắc dalam Chi đoàn meng bruk bac da-a tal pasram megru. Daok bruk sư phạm tuk ayut nan  tame pakacah jeng hu giải, daok bruk halan hatian, Thu hu mbaok tame Xuân tình nguyện, daong pren bilan pakacah… 

Yaom lac raidiuk sinh vien daok rilo kan kandah, min meng dom kham merat, sahaneng lac Diệu Thu meda yam tapa cuang kandah piah ngak hu dom caong khin di drei ./.