Kham merat yam tapa kan kandah di sa urang Cam dahlau thiah ngak bol lin

Yau dom urang dahlau thiah ngak bol lin, tuk mai veik sang, ong Nguyễn Văn Mưa gaok biak rilo kan kandah, glaih glan. Yaom lac oh daok hu bom đạn mesruh metak, min bruk pacang kan kathaot dalam saman hòa bình jeng biak catang saong biak glaih glan.

Dahlau thiah, sang ông tuk halei jeng kandah dalam baok sang hala taik tahak. Diuk pasang ông ngak bruk glaih glar meng raong hu 6 pabah mbang. Menek tabiak saong praong tagok di bhum Cam Tuy Phong, Bình Thuận, ong  thau cambaih bruk kan kandah di bhum taneh takik hajan rilo pandiak ini. Lingiu bruk pandar mac bơm piah mek ia meng bingun khoan, ong daok nao duah dom pajaih padai katut harei, diuk siam dalam lingik pandiak saong pandar njauk khak drak, jru pametai halak. Yau nan ye nang suất padai di sang ông thun hadei glaong jang thun dahlau. Pambak tame ia meng binek Lòng Sông, ông peih praong taneh ngak padai meng 1ha dahlau thun 2000 tagok jeng 5 ha di thun 2005 saong 3 vụ mbang chắc. Yaom lac lingik thu lagu, yaom kaom kaya nong oh tani tanat, min meng alamu di urang dalam palei gam saong bản lĩnh di urang lin, ông Mưa kham merat ngak mbang, ba kinh te sang dak harei dak patagok.

Langiu ngak padai, sang ông daok peih bruk pablei salih pajaih padai, khak drak, jru halak, brei mikva kathaot dalam palei nyim dahlau phun jien. Yaok thun, kaoh bloh jien buh tame, ong mek tame hu meng 300 tal 350 triệu đồng. 

Oh lac thau ngak kaya meda ka sang drei, ông daok sangka pachreih ba, daong dom hội viên, klah rabha alamu ngak mbang. Tal urak ini, chi hội kayua ông dang akaok oh daok hội vien kathaot, jaiik si kathaot. Chi hội di ông tuk halei jeng ba akaok nao dahlau, kham merat hu mbaok tame rik daong kadung jien “ ngak dhar phuan”, “baok sang đồng đội”, “ kayua urang kathaot”… Ndom ka labik dang di ông Nguyễn Văn Mưa dalam bruk xã hội di palei, ông Lê Văn Cường – akoak kapul urang dahlau thiah ngak bol lin xã Phú Lạc, huyện Tuy Phong, tỉnh Bình Thuận lac :  Ông Mưa lac akoak chi hội biak hadah trah. Urak ini chi hội ini oh daok hội viên kathaot. Adei saai thau bac megru gauk dalam bruk salih phun pala, kaya raong. Meng phun padai salih tapa phun medar, blaoh meng medar salih tapa thanh long. Saong urak ini phun thanh long daok tani tanat. Ong Mưa biak ngak siam bruk ngak di kapul 

Meng dom bruk ngak hu dalam pala drak, pablei salih, ông Mưa taduan mek hu rilo harak meyaom di Trung ương kapul urang nong saong rilo harak meyaom karei di uy mban bhapbini tỉnh Bình Thuận dalam bruk urang dahlau thiah ngak bol lin hadah trah, urang nong ngak mbang pablei salih naih joi. Oh lac kham merat ngak mbang, abih hatai ka bhapbini, urang Cam dahlau thiah ngak bol lin ini daok sangka tal dom urang rambah rambup dalam palei. Ông saong dom urang jakar karei hu daong ka anek kamuan di dom hội viên metui atau jaoh jo 200.000 đồng sa adei yaok bilan. Nguyễn Hữu Pháp – Phó akaok kapul urang dahlau thiah ngak bol lin tỉnh Bình Thuận brei thau : Saai Nguyễn Văn Mưa urang bangsa Cam, sang saai diukrai meng bruk ngak nong. Piah patruh hu kathaot di mblang hamu, saai kham merat roh duah, meng jien mesriay hu gam saong menuac urang dalam sang, saai peih dịch vụ brei nyim dahlau jru tavao, khak drak ka mikva. Saai rilo thun hu brei angan lac urang dahlau thiah ngak bol lin ngak mbang kinh te naiy joi. Langiu bruk saai ngak meda ka sang, saai daok hu daong jien ka dom adei jaoh jo dalam palei, blaoh daong ka dom adei sang kan kandah hu nao bac.

Ông Nguyễn Văn Mưa – urang likei bangsa Cam takai haluk dahlau deih ceik glaong glai ram, anh dũng mesruh metak ka độc lập taneh ia, urak ini mai sang jeng daok khik hu hatung hatian gheih mekre di saai “Bộ đội Cụ Hồ”, jeng daok nao dahlau dalam dom bruk xã hội, kham merat yam tagok ngak keya meda angaok bhum palei di drei.