Kham merat yaok thun trun meng 1 tal 1,5% tỷ lệ urang dahlau thiah ngak cuu chien binh kathoat.

Sa dalam bruk praong hu nyaom urang jakar pakat negar urang dahlau thiah ngak bol lin Viet Nam mbang yaka 6 tukvak 2017 – 2022 brei thau nan lac “urang dahlau diah ngak bol lin njauk paglaong bruk kham merat, daong gauk ngak kinh te, pasiam raidiuk; yaok thun trun meng 1 -1,5% tỷ lệ sang urang dahlau thiah ngak bol lin kathaot”.  Kadha vak di nhom urang vak di rayo sap ndom Viet Nam brei thau ka bruk ini:

Tukvak tapa, bruk urang dahlau diah ngak bol lin daong gauk ngak kinh te gaok oh takik kan kandah, glaih glan min dom doanh nghiep, hợp tác xã kayua urang dahlau thiah ngak bol lin ngak po jeng dang kajap saong daok patagok, rik daong ba brei bruk ngak ka labaih 700 rabau urang dahlau thiah ngak bol lin saong urang anek di urang thiah ngak bol lin, sang sarak. Hu labaih 150 rabau urang dahlau thiah ngak bol lin mek hu angan ngak mbang pablei salih naih joi dom pakat. Paglaong hatai “hala siam tapaok hala taik tahak”, dom pakat kapul urang dahlau diah ngak bol lin hu peih ngak rilo bruk ye: urang dahlau diah ngak bol lin daong gauk patagok kinh te, patruh kathaot. Dalam nan ngak quỹ piah daong dom urang dahlau diah ngak bol lin patagok kinh te glaong ye”, kadung jien “daong urang bol lin”,  kadung jien “patruh eik patrun kathaot ka urang hoi”. 

-Ông Nguyễn Chính Hải, akaok kapul Doanh nhân urang dahlau thiah ngak bol lin tỉnh Bình Dương  brei thau: oh lac daong ka kinh te, dom urang dahlau thiah ngak bol lin naih joi bruk pablei salih bhian klak rabha ilamu, dom bruk ngak kein lagaih ka ayut sahabat piah daong dom urang nan duah jalan lasgaih patagok kinh te di drei: Urak ini, dahlak hu nao dom cơ sở piah klah rabha alamu patagok kinh te tapa harei taong iek veik, nyaom roya..pathau khan klah rabha ka dom mô hình ngak kinh te naih joi, dom bruk ngak kheih atau dom alamu barau ka urang dahlau thiah ngak bol lin dalam tỉnh. Ngan saong bruk pataom tame klah rabha dom jak jeng dalam patagok  kinh te piah dom urang dahlau thiah ngak bol lin yaom lac oh ka pablei salih mboh drei jak jeng lac sahaneng ngak mbang. Pabak hu jalan ngak di Đảng pachreih urang bhapnini jeng ye urang dahlau thiah ngak bol lin patagok kinh tế.     

-Bruk mboh anak meta, urang dahlau thiah ngak bol lin di rilo puk palei thau kham merat salih bruk ngak kinh te di drei, phun pala athur raong tui jalan pablei salih, patagok nong lâm, taong cap ikan saong dombruk raong glang sit praong, pambuak pagam doanh nghiep piah peih praong ngak mbang, duah hu bruk  ngak. Baoh sang mbiah saong meda di urang dahlau thiah ngak bol lin hu rilo jang. Đại Tá Trần Hậu Tám, Phó akaok kapul urang dahlau thiah ngak bol lin tỉnh Hà Tĩnh brei thau: bruk urang dahlau thiah ngak bol lin daong gauk patrun kathaot, ngak kinh te naoh joi hu jeng bruk bhapnini chreih chrai, praong grauk pakat kapul dalam tỉnh: Hu rilo bruk raong glang sa labik labaih yaok rabau drei pabui, pablei salih,  pala phun mbang baoh gam pala glai, raong menuk ada jeng  kaya ikan dalam ia, atau raong ikan  dalam lồng bè di kraong…TAPHIA BRUK PATAGOK KINH TE LAC RIK DAONG ka bruk patagok kinh te di puk palei. Praong abih lac dom urang dahlau thiah ngak bol lin daong gauk paytruh kathaot ngak kinh te naih joi, abih di nyu nan lac ba brei bruk ngak ka dom urang anek thương binh. Dalam tukvak tal, urang dahlau thiah ngak bol lin Hà Tĩnh daok roh duah, bac megru dom puk palei piah pandar tame puk palei drei.

-Di nyaom biai urang jakat pakat negar urang dahlau thiah ngak bol lin mbang yaka 6, kapul urang dahlau thiah ngak bol lin kham merat yaok thun trun meng  1 -1,5% baoh sang urang kathaot, kham merat ngak brei palahik 70% baok sang taik tahak ka sang urang dahlau thaih ngak bol lin. Tui Trung tướng Nguyễn Song Phi, Phó akaok kapul urang dahlau thiah ngak bol lin Việt Nam: piah patruh eik patrun kathaot, kapul pataom tame ngak 3 bruk: ba brei bruk ngak ka dom urang anek urang dahlau thiah ngak bol lin gaok kan kandah tapa bruk daong dom urang nan pambuak bruk saong dom doanh nghiệp; daong urang dahlau thiah ngak bol lin mesraiy jien meng Gilang pariak sarak saong xã hội saong daong jien ka hội vien urang dahlau thiah ngak bol lin meng kadung jien rik daong di “ Quỹ nghĩa tình đồng đội” dom pakat. Peih ngak sumu gauk 3 bruk ini meda ba jlalan mbuan lagaih paong dalam bruk daong dom sang urang dahlau thiah ngak bol lin patagok kinh te, patruh eik patrun kathaot.

-Ngan saong dom bruk ngak hu di tukvak tapa hu brei thau libik dang di urang lin angaok jalan barau. Jia lac, patagok jalan diuk rai “Bol lin Wa Hồ”, dom urang dahlau thiah ngak bol lin ngak siam rilo veik dom bruk daong đồng đội patagok kinh te, tani tanat raidiuk, patrun kathaot kajap./.