Pathau mikva saong taong abih gauk!

Hu jeng bhian randap, darak xã Vĩnh Yên (Bảo Yên- Lào Cai) nyaom sa adit sa mbang di mesup harei car. Bhap bini Mông, Tày angaok ceik glaong nao drak yau nao rija.. Luac adit chreih chrai kuhria caga yaok janih piah trun darak. Mbang halei jeng yau nan, bhap bini Mông ba tui khan bai ngak hadah tanyak nyaom darak . Kadha vak di Thế Lượng angaok harak báo Tin tức tabiak jaik di ini hu ndom ka bruk ini:

Darak daok di pasak xã Vĩnh Yên, hu padang ngak khang kajap tapen jalan. Darak hu sap janih yau ye ralo pabui, menuk, ada, dom janih har, njam patam baoh karaoh… min oh kurang khan bai. Urang Mông di labik ini jeng lac: nan đặc sản” di palei drei.

Piah hu dom gian hang hadah tanyak dom khan, ao, tanyaik khan bai, dom harei angaok ceik glaong, dom kamei dara Mông daok dom palei Lùng Ác, Tổng Kim, Nặm Xoong jhik pứt dom blah khan bai bak bingu la piah bat run darak pablei. Dom harei pandiak siam, urang ba dom blah khan bingu, dom blah khan bai tabiak pambu angaok dom patau angaok ceik maong biak mekre.

Khan bai  tui urang Mông trun dadak. Tapen jalan meng palei trun ceik, dom urang kamei Mông cuk khan ao khan bai hadah tanyak sambo. Meng blah khan kak angaok kaok, khan pambar takuai, ao khan, sà cạp papaok takai, taong abih jeng biak mekre saong bak sambo khan bai. Takai yam nao di dom urang kamei dara biak drah samar piah dil trun ceik, sap kaong takuai, parik lai tame takai menuac, takai saih gam saong sap daoh di dom urang kamei dara ngak jeng sa blah rup cih palei ceik biak chreih chrai.

Nyaom darak chreih chrai saong rilo sambo màu min hadah tanyak di abih lac labik khan bai di bhap bini Mông ba mai meng dom tabung ceik bak ia kakua. Yaok kapul urang kamei dara Mông yam tame pabah mbang drak ngak ka darak bak hadah mekre meng yaok blah khan Mông bo urang cuk angaok rup hu sambo biak karei. Hu sambo meriah pablak dom jalan cih kanyik hadah. Hu sambo hijao jhuk pablak dom sọc cih sambo kanyik… Taong abih lai tame gauk ngak jeng sambo khan bai.

Sambai di abih lac dom urang kamei Mông nao palih ruah khan bai. Urang nao dom labik pablei khan, tanyaik khan bai gam saong dom panuac meyaom oh padeih. Plak tangin urang pok dom blah khan bai tagok sah sah, bloh caik tagok rup iek nyu lagaih saong drei halei oh piah blei. Daok urang pablei pandap ye chreih chrai saong cambuai tuk halei jeng ndom klao ieu da-a tuai damuai. Dom adei sit bui sambai nduac tui amaik nao maong khan bai.

Hadah krah di kreih mbang darak lac dom urang kamei dara Mông, mieng hu đồng tiền, cambuai hồng chúm chím, cuk angaok rup dom blah khan ao ralo sambo. Mot gul hu brui angaok akaok dak ngak brei mekre jang. Urang ba gauk nao maong khan bai. Gaok tuk maong min oh blei atau nao maong khan bai yau nao rija! Sambo màu khan bai labik drak phiên Vĩnh Yên meng dom samar ini mai jeng daok yau sa labong craok li-ar atah ngak jeng dòng chảy ilamu mbak carak./.