#/ Mesup harei 15/8 di Tòa nhà Quốc hội, mbang nyaom ka 2 di UB thường vụ QH hu peih tabiak. Di mbang nyaom ni hu ginum biai dom kadha yau tong yaom bruk peih ngak mbang nyaom ka sa song bruk kuhria caga ka mbang nyaom ka2. Brei panuac ka dự án hukum cảnh vệ; dự án hukum  công an xã song dom kadha prong karei karei. Tui kuhria mbang nyaom hu rah tabiak dalam 2 harei 15 song 16/8.

# Barau ini, gilang pariak sarak karja hu văn bản 2526 tacei pato bruk brei mesraiy piah blei, pah sang daok xã hội; padang ngak bahrau saong ramik pasiam sang piah daok…tuk mesraiy jien di gilang pariak, van ban ini hu ba tabiak ngak tui meng harei 15/8. Tui nan, urang mesriay jien njauk pabak  ginup điều kiện: payua jien patak pataom yaok bilan di Gilang pariak sarak karja ngan saong tukvak payua takik abih 12 bilan kuhria meng harei tut angan tame hợp đồng tín dụng saong gilang. Tanut payua yaok bilan takik abih sumu tanut bayan sraiy yaok bilan di urang mesraiy jien. Tui quy định ini, menuac urang mboh lac, daok ngak kan kandah ka urang hu mesraiy jien lac urang hu jien mek tame bair.

#/ 6 bilan akaok thun ni, huyện Sông Mã, tỉnh Sơn La ngak hu jaik 34 km jalan mbak puk palei, saong yaom jien abih tih jaik 32 tỷ đồng. Urak ni, jalan prong tame palei song dom jalan jiak puk palei hu padang ngak abih, dong palagaih ka bruk pajeng ba pandap panda song nao mai ka urang. Thun 2015, boh sang kan trun dok 24,5% jien duah hu tui kuhria hu 14 triệu meteh ka sa urang dalam sa thun. Huyện Sông Mã kham merat tal puac thun ni jeng sa xã mek hu 17 tanut, 8 xã mek hu meng 5 tal 8 tanut padang ngak palei pala bahrau song boh sang kan kathaot dok 24% .

# Meng vụ mùa thun ini, Sở ngak nong saong patagok palei pala tỉnh Bắc Cạn daok peih bruk daong urang nong taong abih padai pajaih, meteh luong khak drak; 600 rabau  đồng/sa ha piah blei jru khik caga phun pala ; tacei pato kỹ thuật piah ngak mo hinh pala padai barau. Hu labaih 2.660 sang, rilo meng lac dom sang bhapbini bangsa takik hu daong, pala padai salih barau dalam 500 ha taneh. Peih ngak mô hình ini, meda trun meteh lượng pajaih, trun takik khak drak saong jru khik caga phun pala, min năng suất, chất lượng padai glaong jang duk saong pala drak mengkan .

#/ Hội đồng bhap bini (tỉnh Quảng Bình bahrau tabiak Sarak ka bruk brei mesraiy song bayar sre phun jien di gilang pariak dunya piah peih ngak danak dak padang tatua sinh dân song khik ramik jalan mbak puk palei. Tui nan, danak dak hu tong abih tih phun jien 22,45 triệu USD samu 506, 5 tỷ đồng, dalam nan gilang pariak dunya brei menyim 15,94 triệu USD samu 360 tỷ đồng, phun jien di karja VN lac 6, 51 triệu USD, samu 146, 5 tỷ đồng. Danak dak hu 2 hợp phần lac patagok pasiam veik jalan puk palei ( buh tabiak padang ngak 11 jalan mbak song tong abih tih atah 54,4 km) song padang 22 tatua dân sin, dalam nan hu dom tatua tual.

# Công ty Thiên Tân barau hu Ủy ban bhapbini tỉnh Quảng Ngãi jao brei ngak  Dự án pasiam kraong Trà Khúc, saong yaom jien dau tu abih tih labaih 1.860 tỷ đồng. Dự án hu quy hoach pacang caga xua saong pasiam kraong Trà Khúc meng tatua tràn, gah  hạ lưu đập Thạch Nham tal Cửa Đại di xã Nghĩa An, ban sit Quảng Ngãi. Ông Nguyễn Mậu Văn, Phó Giám đốc Sở ngan nong saong patagok palei pala tỉnh Quảng Ngãi brei thau :

“Piah ngak brei ia nduac siam dalam bilan ia xua, pagloaong  bruk nao mai di kraong saong caga gluh jaleih kraong piah khik caga dân sinh, khik caga  hạ tầng kỹ thuật di karja saong bhapbini; rik daong psiam đô thị saong alam  môi trường sinh thái.”

#/ Tui pasak y tế dự phòng ban raya Hồ Chí Minh, urak ni di gah merong negar dok yam tame bilan hajan yau ye ruak pandiak tabiak drah dok patagok tui yaok thun, urang ruak dok tagok. Dalam bilan 7 song akaok bilan 8, yaok adit, di ban raya hu 200 mbang urang tame sang iek ruak, glong jang 5 mbang dalam adit, dut song bilan 6. Tui kuhria dalam bilan 9, bilan 10 urang ruak pandiak tabiak drah tagok glong. Di huyện Hóc môn, hu sa urang kamei umo 43 thun metai kayua ruak pandiak tabiak drah.

Patui di ni dom khaw tin dunya

8# Akaok mitri jien padai Thái Lan, Api-sắc (Apisak Tantivorawong) barau ini brei thau, patagok kinh tế dalam quý 2 thun ini kuhria mek hu tanut 3,5% saong tagok 1% duk saong dom bilan ini thun dahlau.  Thái Lan, pandar cai kadung jien karja quý 2 thun ini tagok 8,7%  duk saong quý 1. Tui chuyên gia kinh tế Tim Li-la-ha-phan (Tim Leelahaphan), tui jalan patagok yau urak ini, quý I hu 3,2%, quý II lac 3,5% ,kuhria mboh dahlau lac bruk patagok  kinh tế thun 2016 di Thái Lan hu  4%, glong rilo duk saong tanut kuhria mboh dahlau lac 3%.

# Ban Luân đôn brei patagok parilo cảnh sát khik melam di dom mblang kapan điện ngầm tuk dom kapan điện ngầm di Luân Đôn tagok tuk vak nduac luac harei melam meng harei 20/8 anak tal. Thị trưởng ban Luân Đôn Sadiq Khan (Xa-đi Khan) brei thau, ban  hu buh tabiak 3 triệu bảng anh ka bruk patagok an ninh, khik caga siam ka tuai damuai tuk nao kapan điện ngầm di tuk melam.

# 100 urang lính cứu hỏa hu brei nao padam mbang khuah glai barau di hạt San Lu-i Ô-bi-xpô (San Luis Obispo) di bang Ca-li-phoóc-ni-a (California) pak Mỹ. Tui hãng tin NBC, mbang khuah nan patuh tabiak meng bair harei 13-08 saong drak samal mbang takik abih 850 mẫu taneh. Urak ini oh ka thau urang bi thuong, metai di mbang khuah glai ini. Min mboh lac, asak tapal meng khuah glai meda ngak ka bhapbini dom labik taphia njauk nao plaih di libik karei. Gah chức trách Mỹ daok peih bruk duah thau makna rah tabiak mbang khuah glai barau ini./.