Mban Thường trực Ủy ban MTTQ TP.HCM pambuak haong UB palih ruah Urang ka Quoc hoi mbang XVI saong HĐ bhap bini TPHCM mbang XI, birau peih bruk jao brei harak nyaom biai  mbang ka 3 saong angan 48 urang naih gheih hu palih ruah ka Quoc hoi mbang XVI saong 209 urang hu ginup tui kadha ba tabiak di HĐ bhap bini TPHCM mbang XI, vaktu 2026-2031. TPHCM hu 13 đơn vị palih ruah ka QH piah palih ruah 38 urang saong 42 don vi palih ruah ka HĐ bhap bini TPHCM piah palih ruah 125 urang.

Mban Thuong truc UBMTTQ Viet Nam tỉnh Vĩnh Long brei yar tangin saong njauk hatai padang sarak vak angan ka 22 urang hu ginup tanut chuan palih ruah ka Quoc hoi mbang XVI saong 139 urang hu ginup piah palih ruah ka HĐ Bhap bini tinh vaktu meng thun 2026 -2031.

Tet Nguyen dan nethak Athaik 2026, tinh Lam Dong peih bruk cuk phao bingu di 19 labik dalam melam akaok thun, mbang akaok meti hu peih ngak di rilo labik xã bhum taphia negar, bhum atah bayah ba mbuan lagaih ka bhap bini uan raok thun birau di bhum palei. Bruk cuh phao bingu hu taong yaom lac  bruk salih birau brei ka bhap bini mong iek sambai, njauk  ndem tal di dom labik daok rilo kan kandah, daong ka bhap bini mbang akaok meti hu iek cuh phao bingu uan raok thun birau bo oh cang nao atah.

Lien doan Lao dong TPHCM daok padang rilo kapol nyaom mai rivang, alin  ka urang doan, urang ngak raidiuk kan kandah. Kong doan TPHCM kuhria sangka ka labaih 350.000 urang ngak raidiuk kan kandah, tapa dom bruk ngak yau: alin pandap Tet, daong harakve ahaok, radaih apui, radaih oto ka urang nao pablei mbang Tet; sangka ka urang doan, urang ngak bruk kan ndah. Njauk ndem nan lac, thun ini, Lien doan Lao dong TPHCM daong ka urang kumei ngak gaok kan kandah, urang ngak njom ruak kan dhit…

Bingun Xuan nethak Athaik Waw, Bảo hiểm xã hội TP Cần Thơ peih ngak danak dak “ Ba Tet mai haong urang ruak hu raidiuk kan kandah” daok  jru ruak di dom sang iek ruak  dalam ban. Dalam nan hu lin 180 paok pandap Tet, yaok paok yaom 1 trieu dong, ka dom urang ruak hu raidiuk kan kandah brei taong ruak dalam tuk Tet. Urang ngak praong gah  Bảo hiểm xã hội TP Cần Thơ caong khin, dom kaya kan yaom lac sit min rik tame pachreih urang, daong mikva sahanang hatai taong ruak, pasiam prein yawa, gilac veik mai haong baoh sang  di drei.

Trung Quoc daok yam tame bruk panduan nao labik karei praong abih di dunya, daok lac Xuân Vận, dahlau Tet Nguyen dan thun ini, ralo abih 9,5 ti mbang kuhria dalam 40 harei padeih padei roya. Di dom  mblang radaih apui praong  yau Bắc Kinh, bak manuac ba tui kaya ngui  praong ralo, daok cang suai piah hu nao palei. Rilo urang ngak taduan blei harak radaih suai piah patak pataom jien, dalam tuk raidiuk kan kandah.

Rajaei An Do birau khan brei thau hukum birau, caong khin nen tang MXH brei atah klak asar kadha suan hukum dalam klau mon hadei tuk khan tabiak, katut jang dut saong dahlau di ini lac 36 mon. Tui hukum, rajaei An Do iew brei klak asar kadha ka an inh taneh ia, salamat bhap bini atau duis likei kumei. Dom thun jiak ini, taneh ia ini daok ba tabiak yaok ribau kadha brei atah klak  asar kadha angaok online.

Mentri Moi truong Nam Phi khan lac, bruk co klaik te giac di taneh ia ini trun 16%  dalam thun 2025, brei mboh thun ka 2 ngak hu siam. Nam Phi lac labik diukrai di jaik meteh dom drei te giac njuk daok ngak mbuan lahik ralo di chau Phi, tui nan po taneh taneh hu taphol te giac patih ralo abih di dunya. Take te giac, hu rilo keratin, janih protein hu dalam mbuk saong kakau tangin manuac, urang duah mek  dom taneh ia Dong A piah ba tame pandar y hoc saong ngak kaya ngui cuh.