Anak bruk kurang kaya mbang  hadei bala kayua langik tathik saong tuk jaik yuak kuak, Rajaei  buh tabiak kabaih 14.500 tấn brah meng gilang khik piah di karja negar piah daong ka labaih 768.000 bhap bini sang urang kathaot mbang Tet nethak Athaik Waw 2026. Ini lac dpm baoh sang kathaot, kuhrang kaya mbang kayua bala meng langik saong tuk jaik yuak kuak. Urak ini, dom bhum palei  samar brei brah tal tangin mikva saong jak ba dom gah daong ka urang gaok kan kandah kayua gaok ribuk ia sua. Bruk pamong tal lac oh caik veik thei kurang mbang Tet di bangsa.

Mbang akaok meti hadei tuk pagam 3 tinh Vinh Long, Ben Tre saong Trà Vinh jeng tinh Vĩnh Long birau, danak dak Tet Bol lin - Bhap bini thun 2026 hu peih ngak pambak praong, sumu gauk di 4 tinh. Tet Bol lin - Bhap bini tỉnh Vĩnh Long thun ini oh lac bruk ndung bak makna chinh tri- xa hoi dalam, bo daok brei mboh bruk jum pataom  bol lin  dalam tinh birau hu ramik pagam tame. Bruk nan gheih ghang jang lac danak dak dom harei jaik Tet Nguyen dan saong pamong tal Tet Chol Chnam Thmay urang Khmer, piah bilan pataih hu siam mekre, ndung bak anit ranam.

Dong Nai ngak tui sarak padang ngak jalan Vanh dai atah 46 km pambuak TPHCM, kham merat tal thun 2028 hu salah blaoh. Danak dak Jalan Vanh dai 4 TPHCM atah  hu padang ngak labaih 159 km nao tapa dom tinh: Đồng Nai, Tây Ninh saong TPHCM. Dalam nan, jalan tapa tinh Dong Nai atah labaih 46 km. Vaktu ka 1, peih praong hu 4 jalan radaih, peih khang 100km/h.

Hadei 1 thun nao ngak mbang di tathik, dom harei ini, urang nao tathik Tay Nam mai sang mbang Tet.  Đại tá Phan Duy Cường, Phó Tư lệnh Cảnh sát tathik bhum 4, Cảnh sát Tathik Việt Nam khan lac: “ Di bhum tathik ini, bhian harei labaih 320-400 kapal gilai, min dalam tuk Tet daok labaih 120 sruh gilai. Kuhria rah tapa  4 bilan dahlau Tet, oh ka kuhria mbang nao tathik puac thun, yaok urang taduan hu jaik 60 trieu dong, jien mek tame glong. Dom urang nao ngak mbang di tathik Viet Nam, duah hu jien ralo.

Tuk jaik Tet Nguyen dan 2026, yaom ikan điêu hồng raong dalam bai long be di dom danao praong di tinh Dong Thap trun khang kayua ikan ngak tabiak rilo jang urang caong blei. Urak ini, yaom ikan  28.000 đồng sa kilo, trun 4.000 dong sa kilo dut saong bilan dahlau. Yaom nan urang raong khat lahik trak. Tui dom urang raong, bruk ngak ka yao ikan điêu hồng trun lac kayua ngak tabiak rilo samar dalam tuk urang blei suai.

Danak dak nang luong ia harei Bestari - danak dak đien ia harei praong abih di Malaysia, hu padang ngak. Sang mac kuhria ngak tabiak labaih 640 trieu kilowatt-giờ điện yaok thun, pabak dien năng di 150.000 baoh sang bhum palei. Danak dak ini jeng rik tame jhuk pakhang kinh te hijao di Xê-lan-go khan tapa bruk pandar taneh khang kajap, pachreih bruk buh jien tame saong kein lagaih kinh te - xa hoi suai lavik.

Kapol urang jakar pasang iek bruk jabat karja saong di bhum urang langiu karja  di Han Quoc khan lac hu labaih 33,6 trieu ho so urang pandar dalam negar blo tabiak gah langiu, dalam nan hu angan saong email di urang. Bruk nan rah tabiak  di thun 2025 di Coupang - kapol urang pablei salih dien tu hu jabat di Mỹ. Langiu di nan, angan bayar kaya ndap nda ka tuai di Coupang hu angan, laik taka phone, labik taduan ndap nda saong mat khau tame sang chung cu hu kandauk - hu manuac tame suan hukum tal 148 trieu mbang.

Birau ini, Ủy ban Châu Âu  cagar veik bruk ba tabiak di Rajaei Tay Ban Nha ka bruk ngak njauk labik daok ka labaih 500.000 urang di cu oh hu harak gal. Bruk nan di  Thu tuong Tây Ban Nha lac nao cagar veik haong Lien minh Chau Au dalam bruk pacang khik tani tanat urang negar langiu tame. Gam sahaneng lac dom urang nan hu brei harak tui hukum di Tây Ban Nha, urang hu brei adat nao mai di labik Schengen./.