# Beir harei18/5, di Hà Nội, Akaok mintri ilamu  Thể thao song  Du lịch Nguyễn Ngọc Thiện hu cakak băng peih pakak parang iek  "Pandap alin di Chủ tịch Hồ Chí Minh – dom dalikan oh ka ndom". Ni lac sa dalam dom bruk pahadar 127 thun harei menek  Chủ tịch Hồ Chí Minh (19/5/1890 - 19/5/2017), pahadar 40 thun harei dunya muinyim (18/5/1977 - 18/5/2017) kayua Muinyim Hồ Chí Minh peih ngak, duah thau ka rai duik, bruk ngak, jalan diukrai siam mekre di Hồ Chí Minh. Dom pandap panda parang iek jeng lac tặng phẩm siam gheih hu yaom dakrai ilamu glong

    # Tapa nan, di Quảng trường Nguyễn Tất Thành, ban sit Quy Nhơn, tỉnh Bình Định jeng hu peih ngak dalam praong prang bruk pahadar 127 thun harei ndih tapui Chủ tịch Hồ Chí Minh (19.5.1890 - 19.5.2017) saong khánh thành Tượng đài Nguyễn Sinh Sắc - Nguyễn Tất Thành. Bình Định lac sa dalam 5 puk palei dalam taneh ia hu Nghệ An, Thừa Thiên - Huế, Bình Định, Bình Thuận saong ban raya Hồ Chí Minh hu vinh dự khik dom dấu tích ka dom bruk pambuak tal anek menuac saong bruk ngak di Wa Ho tuk daok ranaih. Pataom mabok di harei pahadar, ông  Đinh Văn Thuận, sa urang bhapbini di ban sit Quy Nhơn drut drui khan lac :

 "Kol dahlak mboh drut drui  Bình Định padang hu tượng đài di Wa pak ini piah kol dahlak hu si maong. Di ini, kol dahlak puk palei Bình Định atah gah Brak, yau nan ye oh hu dieu kien mboh Wa Ho saong Ame Wa Ho lac ini nan bruk vinh du di urang bhapbini Bình Định."

# Di  ban Cần Thơ, Ban thường vụ thành đoàn Cần Thơ pambuak bruk song Sở, ban, ngành song Công ty cổ phần Dược Hậu Giang, peih harei rija prong  “Dam dara Cần Thơ ngka tui panuac Wa”, pachreih hu jiak 3000 urang đoàn, dam dara hu mbaok.Tapa dom bruk ngak, dom ayuh urang đoàn, dam dara tagok hu bruk ngak nao dahlau dalam bruk pabak ilamu, pathau khan dom kadha bac megru ngak tui jalan hadah krak di   Hồ Chí Minh tal dam dara ranaih umo ban Cần Thơ.

# Page harei 18/5, di jabar rajaei, Thủ tướng Nguyễn Xuân Phúc, akaok  Ủy Ban Quốc gia ka biến đổi khí hậu dang akaok mbang nyaom di Ủy Ban mbang yaka 8 piah taong yaom ka bruk ngak hu di thun 2016 saong biai bruk ngak di tukvak tal. Ka bruk ngak dom bilan daok veik di thun ini, Thủ tướng pandar dom mintri, nganh, puk palei njauk padang ngak bruk cambaih, peih ngak dom bruk hu jao brei tui Thỏa thuận khí hậu Paris COP 21. Dalam bruk ngak njauk pambuak pagam dom bruk ứng phó biến đổi khí hậu saong tal harei 31/10/2017, dom mintri, nganh pambuak tal khan brei thau bruk ngak hu ka Jabat Ủy ban Quốc gia ka biến đổi khí hậu.

 # Tỉnh Quảng Ngãi dok ngak pasiam Đề án pok tagok Thủ tướng rajaei  phê duyệt brei padang Khu nông nghiệp ứng dụng công nghệ cao Quảng Ngãi. Ni lac sa dalam 12 Khu nông nghiệp ứng dụng công nghệ glong hu Thủ tướng rajaei tabiak sarak padang ngak dalam tuk vak 2020- 2030. Khu nông nghiệp ứng dụng công nghệ glong Quảng Ngãi dok dalam Khu Kinh tế Dung Quất, praong 190 hecta dok di palei 2 song palei  4 xã Bình Hòa, huyện Bình Sơn, abih tih phun jien buh tame ngak labaih1.000 tỷ đồng.

# Urak ini dalam tỉnh Ninh Thuận hu 77 labik sik ralo athur, menuk ada daok ngak bruk. Min rilo lò, libik sik rilo quy mo sit, parabha dalam libik bhapbini daok di 33 xã, phường, ban sit ngak kan kandah ka bruk khik ramik. Chi cục raong glang saong Thú y tỉnh hu văn bản đề xuất karja puk palei ramik ramik veik dom libik sik sit, lẻ piah khik caga an toàn hacih saat thú y, dut iek chất lượng panda panda saong asal di jit ruak. Tỉnh ngak catang bruk kareik ba mbang, mek veik harak phép pablei salih dom cơ sở, libik sik oh pabak dom tiêu chí ka an toàn pandap mbang, khik caga alam môi trường.

          # Mesup18/5, di Khu liên hợp Thể dục Thể thao ban sit  Châu Đốc – An Giang, rah tabiak harei pataom pakacah limo Châu Đốc. Hu mbaok di giải mbang ni, hu  24 gu limo hu palih ruah meng dom labik yau Tịnh Biên, Tri Tôn, Châu Đốc…  pakacah njauk tui adat cambat di limo Bảy Núi An Giang song pakacah tapak. Tapa nan, gu limo  ka11 di ong Lê Văn Phăn, (huyện Tịnh Biên) hu giải Nhất song phần thưởng 10 triệu đồng.

          Khaw tin dunya

# Dah page harei 19/5 tui tukvak Việt Nam, Quốc hội Hi Lạp hu ba tabiak sa bruk kak pakhang chi tiêu barau bo rajaei taneh ia ini jia lac meda khik caga sa sanya dui atah sraiy saong brei dom khoảng mesray barau meng dom po sraiy Liên minh châu Âu (EU) saong Quỹ Tiền tệ dunya (IMF) dalam bilan ini. 

          # Bruk pabak dom janih asar meng phun hạnh nhân, hồ đào, hạt dẻ song  asar paaok blait meda dong patrun bruk "tái xuất" di dom tế bào ung thư ruột kết. Ni lac kết quả roh duah bahrau hu khan bloh anak  nyaom biai ka  ung thư jiak hu peih ngak di Chicago (Mỹ) di bilan anak tal. Nyaom urang ilamu peih bruk roh duah song 826 urang ruak dok dalam tuk vak iek ruak ung thư ruột kết tuk ka III, bhian brei tapa bruk blai dreih song hóa trị.

          # Tổng thống Philippines Rodrigo Duterte (Rô-đri-gô Đu-téc-tê) harei 18/5 hu mbaoh tangin patabiak lệnh pakauk jhuk pakao di libik công cộng dalam taneh ia. Tui nan, bruk ngak suan lệnh pakauk ini meda ciuk tanut phạt tagok tal 4 bilan kareik guk saong 5.000 peso (jaik 265 USD), pakauk njuk pakao dalam haduk saong gah langiu. Meda hu libik njuk pakao karei ka urang praong, praong oh tapa 10 mét vuông, atah di jalan tame dom sang praong takik abih 10 mét./.