1# Bharau ini, Tổng cục Dân số-Kế hoạch hoá gia đình (Bộ Y tế) peih ngak "Dự án daong caga iek glang pren yava urang praong thun caga bru già hoá dân số" tui danak dak pambuak bruk patagok di jabat pambuak bruk dunya Japon Bản JICA. Dự án pamaong tal bruk padang jalan ngak siam ka iek glang pren yava urang taha praong thun dalam puk palei piah meng nan pambak praong tabiak dalam taneh iac, rik daong pabak bruk iek glang pren  yava suai livik di urang taha pak di puk palei.

          2 # Ong Nguyễn Quốc Tuấn, Phó Giám đốc Sở Kế hoạch song  Đầu tư tỉnh Quảng Trị brei thau, tỉnh dok hu rilo sarak  daopng ka urang đầu tư tame  Khu kinh tế Đông Nam. Nan lac,  miễn giảm jien pah taneh, ưu đãi jien je ka doanh nghiệp... saong daok caik tabiak labaih 1.000 tỷ đồng padang ngak  hạ tầng dalam khu kinh tế ni. Urak ni, dom  khu kinh tế, khu công nghiệp di tỉnh Quảng Trị dui pachreih hu 149 dự án ngak mbang, tong abih tih phun jien tut angan tame lac labaih  98.000 tỷ đồng; dalam nan hu 88 dự án daok ngak bruk, 50 dự án dok padang labik piah ngak bruk song 11 dự án dok ngak harak gar. 
         3# Kapul ngak bruk di Mintri Lao động, Thương binh saong Xã hội kayua akaok mintri Đào Ngọc Dung pan akaok kapul bahrau nao ngak bruk haong tỉnh Bình Thuận ka bruk peih ngak bruk di Gah Lao động - Thương binh - Xã hội saong peih tabiak danak dak bruk ngak di Ủy ban negar pacang caga AIDS, ma túy, kamei me-in. Bình Thuận urak ini daok dalam tốp ala 20 di taneh ia ngan saong bruk patrun kathaot samar dalam tuk daok rilo kan kandah. Gam saong nan, bruk pato bruk ngak ka urang nong hu sangka, kayua lac tuk hu bruk ngak, urang nong meng tabiak truh hu kan kathaot.

          4 # Tui  ông Trần Thanh Liêm, Chủ tịch Ubbhap bini  tỉnh Bình Dương, piah pasiam bruk ngak mbang song palei salih, tỉnh Bình Dương brei dui takik tuk vak padang bruk ngak mbang ka doanh nghiệp. Tui Ubbhap bini tỉnh Bình Dương, tuk vak tapa, bruk ngak di  doanh nghiệp  dalam tỉnh hu rilo salih bahrau.  Dalam quý I thun 2018, tỉnh hu  788 doanh nghiệp bahrau yam tame ngak bruk song yaom phun jien tut angan abih tih lac 7.913 tỷ đồng; dalam nan hu  755 doanh nghiệp ngak mbang dalam negar song yaom phun jien abih tih  4.469 tỷ đồng. 

5# Bilan pandiak thun ini, tỉnh An Giang hu jaik 215.000 menuac di 3 huyện Tri Tôn, Tịnh Biên saong Thoại Sơn mbuan kurang ia pandar dalam bilan 4, kayua ia mbak njom tame meng kraong Rạch Giá Long Xuyên saong kayua thu lagu. Piah caga bruk nan, dom gah chức năng di An Giang hu ngak 21 công trình ba ia pandar brei ka 65.000 bhap bini daok di dom labik pandiak thu, ia njom mbak, atah abih tih labaih 126km, saong yaom jien ngak abih tih lac 50 tỷ đồng.

          Patui di ni dom khau tin dunya:

6 # Dom urang jakar  ngak praong di Anh, Pháp song Đức bahrau brei thau, dom gah dok yam tal  sa  thỏa thuận dong langyah bruk huac kandah  di  Tổng thống Mỹ Đô-nan Trăm ( Donald Trump) ka bruk  thỏa thuận hạt nhân Iran. Brei panuac khan hadei di mbang taom gaok,  dom urang ngoại giao châu Âu brei thau, hu rilo siam lagaih bahrau song cong khin dom gah mek hu sa  thỏa thuận.

7# Thủ tướng Đức An-giê-la Méc-ken (Angela Merkel) hu panuac lac, Đức oh hu mbaok tame sa bruk quân sự, meyah hu peih tabiak, piah pamaong tame Xyri. Min Đức meda daong panuac lac, pandar vũ khí hóa học lac bruk oh chấp nhận hu.

         8  #  Thủ tướng Nga Đi-mi-tơ-ri Mét-vê-đép (Dmitry Medvedev) brei thau Nga dok ginum biai dom jalan ngak dong ka dom công ty gaok kan kandah kayua  bruk  trừng phạt di Mỹ ba tabiak bahrau ni . Brei panuac dalam ginum biai di rajaei,  Thủ tướng Mét-vê-đép chỉ trích dom jalan ngak di  Mỹ song ndom lac Rajaei dok kham merat khik kajap bruk ngak di dom  công ty oh gaok tal bruk nan./.

                                                                                         Hanipha/VOVTPHCM