1 # Dalam 3 harei padeih lễ, vịnh Hạ Long (Quảng Ninh) raok labaih 340.000 mbang tuia dalam taneh ia saong dunya mai rivang me-in. Dalam nan, rilo meng lac tuai dunya saong labaih 280.000 mbang tuai mai meng Trung Quốc, Hàn Quốc, Đài Loan saong rilo taneh ia Âu Mỹ. Tui nan, tuai mai rilo jang 12% dut saong tukvak ini thun bloh. 

 2 # Thun  2018, Công ty cổ phần Thời trang Thiên Quang hu khan ka danak dak  labik rivang main du lịch tapen tasik hu angan Rosa Alba Resort Phú Yên hu padang ngak  di labik taneh tapen tasik di jalan Độc Lập (ban Tuy Hòa). Ong Văn Tấn Thắng, Chủ tịch HĐQT công ty brei thau, labik rivang main  du lịch hu yaom jien buh tame ngak abih tih labaih 600 tỷ đồng hu ngak salah bloh song peih pabah mbang dalam quý II/2019. 

3 # Harei 1/1, Sang ilamu dam dara tỉnh Bà Rịa – Vũng Tàu peih Harei pataom me-in Lân - Sư - Rồng tỉnh BRVT peih praong salam uan thun 2018. Thun ini hu labaih 1.000 võ sinh mai meng 43 kapul Lân - Sư - Rồng di dom tỉnh ban yau Tiền Giang, Bà Rịa – Vũng Tàu, Bình Dương, Đồng Nai, Tây Ninh, Cần Thơ, Long An saong TP Hồ Chí Minh. 

4 # Urak ni, yaok rituh boh sang urang nong dok di dom  xã Trung An, ban Mỹ Tho song Bình Đức,huyện Châu Thành, tỉnh Tiền Giang biak dut hatai anak bruk rilo doanh nghiệp ngak pandap mbang ka athur rong, ngak kaya ikan, tathuak thur mun,  jhak tal pren yava di menuac sia dalam bhum. Bhap bini  xã Trung An, ban Mỹ Tho cong khin  Ubbhap bini  tỉnh Tiền Giang samar hu jalan ngak pasiam  bruk ni.

5 # Tổng công ty Jalan pasei Việt Nam (VNR) brei thau, piah duh siam bruk nao mai di tuai damuai, meng harei 10/1, VNR hu ba  6 sruh radaih pui rai 3 tame peih di jalan pasei Thống Nhất.  Abih di nyu nan lac, dalam harei peih camereip, tuai blei harak radaih pui ini hu trun 10% yaom harak radaih. 

                                                         Nhạc cắt

Patui di ni dom khau tin dunya

         6  # Mbang ribuk bilan liar hu angan Ca-men (Carmen) tuh tame bhum Brittany – gah tinun negar Prang ngak ka labaih  40 ribau boh sang lahik  điện pandar. Enedis - công ty điện lực pabak điện ka bhum ni brei thau, hu ba  1.500 urang ngak bruk abih công suất piah pasiam veik điện ka bhap bini

7 # Pasak khik iek bala meng lingik tasik Xri Lan-ca (Sri Lanka) harei 1/1 brei thau, pandiak bhang tua riya ngak kan kandah tal raidiuk di jaik 300 ribau menuac di gah brak taneh ia ini. Dalam nan, 5 bhum lac: Pút-ta-lam (Puttalam), Kư-rư-mê-ga-la (Kurunegala), Va-vu-ni-ya (Vavuniya), A-mu-ra-ha-pu-ra (Anuradhapura) saong Ma-na (Mannar ) gaok kan kandah trak di abih.

8 # Rilo tuai dok gar di mblang kapan haoh song  sang  ga di ban ine Niu Đê-li (New Delh)- Ấn Độ dalam tuk rilo urang peih radeih njauk peih gom ô tô kayua ia kakua biak kapan dalam harei 1/1.Tui pathau khan, bruk  điều hành di mblang kapan haoh dunya Indira Gandhi di  Ấn Độ njauk padeih dalam rilo tuk vak gam, tuk meta mong ala 50 mét di dom jalan băng./.

    Hanipha/VOV- TPHCM