1 #  Thủ tướng Nguyễn Xuân Phúc  brei padeih bruk mek jien radaih tapa Trạm thu phí BOT Cai Lậy tỉnh Tiền Giang  meng 1 - 2 bilan piah ka Mintri Jalan mbak Pajeng ba saong dom gah karei pambuak tal bruk nan ngak brei cambaih laih saong ba tabiak jalan ngak ka nyu lagaih haong bruk di nyu.

          2 # Di xã Đèo Gia, huyện Lục Ngạn, tỉnh Bắc Giang, Hội Liên hiệp Dam dara  tỉnh Bắc Giang  peih  bruk ba tabiak danak dak Halan hatain bilan liar thun  2017 song Xuân halan hatain 2018.  Danak dak hu rah tabiak meng bilan  11/2017 tal abih bilan 2/2018. Jalan ngak di danak dak lac alin brei phui, pandap Tết ka dom boh sang kan kathaot song pasram megru ka 1.000  urang bruk sơ cấp cứu cơ bản song tacei jalan  pabak dinh dưỡng ka uranaih di dom bhum atah bayah .

         3 # Tỉnh Nghệ An pataom tame ngak hu siam 3 xã điểm palei pala bahrau tal thun 2020. Nan lac xã Kim Liên (huyện Nam Đàn), x Sơn Thành (huyện Yên Thành), x Quỳnh Đôi (huyện Quỳnh Lưu). Dom puk palei jeng ba tabiak bruk alin hadiah taneh, rik taneh piah peih praong jalan palei, jalan hamu saong padang ngak dom bruk karei ba mai kein laba ka bhap bini. 

        4 # Mintri ngak nong song patagok palei pala bahrau pok panuac likau  Thủ tướng rajaei brei adat salih bruk pandar 50 ha glai đặc dụng, glai pacang caga piah padang ngak jalan khik iek tapen negar tỉnh Đắk Lắk song  Đắk Nông. Danak dak ni, piah peih prong jalan di tapen negar Việt Nam – Campuchia, lac danak dak pabak ka bruk an ninh quốc phòng, saong yaom jien buh tame ngak abih tih lac 950 tỷ đồng

         5  # Harei ini  5/12 , Báo Đồng Nai peih bruk jao jien bac "Yam tapa kan kandah kayua harei hadei" mbang ka XV kayua Công ty cổ phần ô tô Trường Hải (Thaco) dang brei. Tui nan hu 100 anek saih tiểu học saong THCS taduan hu pok jien bac yaom 2 triệu đồng yaok pok. Jien bac nan piah pachreih anek saih kan kathaot kham merat yam tapa kan kandah angaok jalan pamaong tal harei hadei hadah hadai di gah anak.

                   6  # Bahrau ni, di  huyện Tân Biên, Tỉnh đoàn Tây Ninh  peih bruk brei limo pajaih ka 2 boh sang urang đoàn kan kathaot dok dalam huyện. Abih 2 boh sang ni jeng lac sang sarak karja. Hu thau yaok drei limo pajaih hu yaom 25 triệu đồng. 

         7  # Bilan raong hadang thun 2017 - 2018, tỉnh Trà Vinh daok kuhria palao raong 2 tỷ drei pajaih hadang sú ngan saong danao praong abih tih 18.000 ha saong 4 tỷ drei pajaih hadang takai patih di danao praong abih tih  6.000 ha. Tỉnh pamaong mek hu sản lượng 40.000 tấn. Gah ngak nong hu panuac kakei urang raong hadang blei pajaih di dom labik hu angan je, hu dut iek drei pajaih piah patrun patakik dom khat lihik dalam tuk raong.

          Patui di ni dom khau tin dunya:

        8# Labaih  15 ribau tuai damuia harei  4/12 njauk gar veik di sa mblang kapan haoh di ban Thành Đô –tỉnh Tứ Xuyên (Trung Quốc) kayua ia kakua kapan pacang abih bhum Tây Nam ban. Bruk Langik oh siam nan, tui kuhria  ngak ka 44 mbang par klak abih song  185 mbang par dunya brei padeih.

         9  # Blah thời báo Nhật Bản (Japan Times)  bahrau brei thau bruk duah thau di sa công ty pabak bruk sanya gauk angaok mạng mboh lac, hu tal 60% urang kumei dalam umo tok pasang di Japon oh khin caik tukvak piah duah pasang saong yam tal likhah caga. Dom urang kumei ini brei thau, bruk caik tukvak piah duah saong sanya taom gauk lac bruk kan tuk bruk ngak meblah abih tukvak nan ye bruk meyut gauk oh daok lac bruk pachreih urang.

10  # Urang jakar  Phi-líp-pin (Philippines) harei  4/12 hu peih bruk duah thau danak dak klauk  jru vắc-xin pacang caga pandiak tabiak darah ka 730 ribau uranaih negar ni song min tapa nan nyu jhak jang ka pren yava di dom adei. bruk duah thau hu rah tabiak hadie di tuk   công ty jru  Sanofi di Prang khan lac, janih vắc xin  Dengvaxia di công ty ni meda ngka trak jang ruak pandiak tabiak darah. Mintri Y tế Phi-líp-pin hu panuac ieu  padeih pandar  janih  vắc xin nan ./.