# Page ini (24/7), TA bhap bani bal raya HCM ba vụ án “Cố ý ngak suan adat hukum di karja  ka bruk khik iek kinh tế ba mai hậu quả trak” rah tabiak di dom gilang pariak hu ba tabiak xét xử sơ thẩm. Tui nan, dom bị cáo njauk ba tabiak xét xử dalam nan hu: Phạm Công Danh (ndih tapui thun 1965, urang dahlau diah ngak Chủ tịch HĐQT VNCB; Chủ tịch HĐTV kiêm TGĐ Tập đoàn Thiên Thanh), Trầm Bê (ndih tapui 1959, urang dahlau diah ngak Phaok akaok thường trực HĐQT, Chủ tịch HĐTD Sacombank) saong 44 bị cáo karei pambuak pagam tak vụ án. Phiên toà kayua thẩm phán Phạm Lương Toản (Chánh tòa Hình sự TA bhap bani bal raya HCM) ngak chủ tọa, tui kuhria peih tabiak di harei 24/7 saong dui atah tal abih harei 15/8.

       # Tuk vak tapa, dom bruk nerak  môi trường song biến đổi khí hậu dak harei dak tagok, bruk ni dok ngak jhak tal gah  kinh tế negar drei. Tui roh duah ka tong abih khat lihik  di gah kinh tế kayua nerak  mô trường rah tabiak di Việt Nam mboh lac, dom khat lihik kayua nerak môi trường hu meng  1,5 tal 3% GDP. Langiu di nan, yaok thun  Việt Nam thiệt khat 800 triệu đô la Mỹ dalam dom bruk iek glang pren yava bhap bini  kayua nerak  môi trường rah tabiak  

       # Kapul urang ngak bruk di Gilang pariak sarak karja Việt Nam kayua ong Nguyễn Đức Hải, Phaok Akaok gilang pariak karja Việt Nam ba akaok bahrau jao brei 300 triệu đồng ka bhap bani njauk khat lahik kayua ribuk aia sua dalam tỉnh Yên Bái. Urak ini dom jabat, ban ngành, puk palei dalam tỉnh Yên Bái jeng peih bruk jak ba, daong brei dom baoh sang njauk khut khat kayua ribuk aia sua, yaok urang jakar, urang ngak, bol lin dalam tỉnh rik daong takik abih 01 harei jien bilan; yaok baoh sang pak bal rik daong 20.000 đồng tagok, yaok baoh sang di palei pala rik daong takik abih 10.000 đồng.

          # Ong Đặng Vũ Tuấn Sơn, Akaok  Hội thiên văn học ranaih  Việt Nam brei thau, nguyệt thực toàn phần hu rah tabiak di mesup harei  28/7 di dom bhum palei  Việt Nam jeng mong iek hu. Di dunya, abih  châu Phi, rilo meng lac châu Á song châu Âu mong iek mbuan lagaih, bhum palei jiak tapen karei karei khu tui iek  sa binah hiện tượng. Karei song nhật thực, urang meda mong meng meta  piah iek nguyệt thực, Min dom urang chuyên gia hu panuac kakei lac meyah hu dom  thiết bị yau  ống nhòm, kính thiên văn atau jamriak thoat ye bruk ni  jeng pachreih hatai jang.

              # Dom harei tapa, hajan prong gam haong angin khang kayua angin bilan Tây-Nam biak khang, pambuak pagam haong ribuk ka 3 ngak khat lahik trak tal yaok ribau ha padai hè Thu daok sraoh, tasak saong padai thu đông bahrau trun pajaih  di ralo tỉnh bal dalam bhum taneran kraong Cửu Long. Pak Hậu Giang, urak dalam tỉnh yuak hu jaik 40 ribau ha angaok labaih 77 ribau ha padai hè thu. Jaik 800 ha njauk jaleih, tui kuhria khat lahik tal năng suất meng 3% tal 20%. Daok pak tỉnh Bạc Liêu, kayua hajan prong ralo harei, pagam haong angin ribuk ngak ka jaik 8 ribau ha padai jaleih abih, khat lahik oh sit tal năng suất.

          #  Kapul urang kamei tỉnh Đắk Lắk urak ini daok khik iek jaik 1.400 tỷ đồng phun jien mesre tapa ralo nguồn karei di gauk yau: ủy thác, tín chấp haong gilang pariak sarak karja, mboh tangin mesre phun jien ưu đãi ngan haong gilang pariak thương mại, kadung jien patak pataom... Meng phun jien ini hu daong ka labaih 52.000 mbang baoh sang hội viên, urang kamei di puk palei taom gaok haong phun jien piah cak rok patgaok kinh tế, patruh iek, patrun kathaot, dak padang mbang angui. Tapa nan, hu daong ka labaih 2.250 baoh sang kathaot kayua urang kamei ngak chủ hộ tapa truh kathaot dalam thun 2017.

Nhạc cắt

          Patui di ni dom khau tin dunya

            # 25%  urang Mỹ pachreih Tui bruk oh brei jhuk pakao hala, ni lac tỷ lệ glong di abih meng dahlau deih mbiuah tal harei ni. Bruk roh duah ni kayua Viện Gallup bahrau khan di harei kabroi hadei di tuk peih bruk  phỏng vấn tapa talei phone  ngan song labaih 1000 urang  umo meng  18 thun tagok , di  50 tiểu bang di Mỹ dalam  10 harei akaok bilan 7. Bruk duah thau jeng brei thau, rilo urang umo meng 55 thun tagok  pachreih tui adat oh brei jhuk pakao di dom labik công cộng.

# Dom urang khoa học bahrau khai quật di tỉnh Xan Hoan (San Juan), Tây Bắc Ác-hen-ti-na dom bộ talang hóa thạch di dom janih khủng long prong hu thau tal avan di abih, sa janih anek athur 4 takai hu takoi atah trung bình saong iku atah, nan lac tiền thân di janih anek athur angaok thu praong abih thời đại. Dom urang roh duah hu iew janih khủng long ini ngan haong angan iew lac In-gien-ti-a Pri-ma (Ingentia prima), hu makna lac "sinh vật khổng lồ akaok meti" – atah tal 10 mét saong trak jaik 10 tấn, diuk jaik 210 triệu thun dahlau diah dalam saman Tri-át-xích (Triassic).                                                                             

          # Harei 23/7,  hu mong lac harei pandiak abih di Nhật Bản tuk  nhiệt độ dalam harei tagok 106 độ F( samu  41,1 độ C). Mbang pandiak bhang dui atah di  Nhật Bản kuhria tal harei ni ngak takik di abih 40 urang metai  . Dalam dom harei tapa, hu 11 urang metai kayua sốc nhiệt song dom janih ruak pagam tal langik pandiak. Yaok pluh ribau urang tame sang iek ruak kayua langik pandiak dui atah dalam bilan ni. Dalam tuk nan, tui pathau khan ye pandiak dok dui atah tapa bilan 8