1 # Tỉnh Đăk Nông urak ini hu labaih 1200 urang njauk jru mek kalik kruac dioxin ngan haong dom di chứng yau: dị tật rup pabhap, sup meta, thiểu năng trí tuệ, ruak tim, vô sinh… Kayua nan ye, jaik abih dom urang njauk jru mek kalik kruac thei jeng kathaot rambah. Meng dom bruk ngak cambaih laih, dalam 5 thun tapa, Kapul  urang njauk jru mek kalik kruac Dioxin tỉnh Đăk Nông jak ba hu labaih 11 tỷ đồng meng dom kapul nyaom, manuac urang, urang jakar piah pandar tame bruk mong iek saong daong ba urang njauk jre mek dalam tỉnh ngan haong ralo jalan ngak yau: daong padang ngak 278 baoh sang ranam ka dom urang njauk jru mek; brei mesre phun jien ngak mbang dalam 5 thun oh mek jien jung; pok brei pok jien bac ka dom urang njauk jru mek daok tui bac di dom sang bac cao đẳng, đại học dalam negar.

          2# Bruk bleik saleik dalam pakacah mboh lac daok hu di rilo sang bac, học viện di quân đội, công an gah brak hu thủ khoa saong á khoa đầu vào lac thí sinh di dom tỉnh hu bruk bất thường dalam chấm thi yau  Hòa Bình, Lạng Sơn, Sơn La. Javap jalei báo chí ka bruk ini, ông Mai Văn Trinh, Cục trưởng Cục Quản lý chất lượng, Bộ Giáo dục và Đào tạo brei thau:  Urak ini, Bộ Giáo dục và Đào tạo, Bộ Công an daok kham merat abih drei piah samar duah mboh, meng nan hu dom jalan langyah lagaih ngan saong dom urang ngak suan. Kayua yau nan ye, anak meta Bộ jeng daok công nhận kết quả di dom adei, bruk tuyển sinh tui jalan ba tabiak di dom sang bac đại học, học viện saong bruk khik hu chất lượng tuyển sinh lac kayua dom sang bac trách nhiệm peih ngak.

3 # Tui kuhria mboh di mentri Tư pháp, hu labaih 5.600 văn bản suan adat hukum hu brei tabiak. Luật sư Nguyễn Văn Hậu, Phaok akaok Hội Luật gia thành phố Hồ Chí Minh ndom lac, dom văn bản ini oh lac tok ngak jhak tal bruk cakrok patagok kinh tế, an ninh xã hội bo daok ngak jhak tal bruk pandar  quyền anek manuac, quyền công dân hu brei thau dalam Hiến pháp. Bruk patabiak văn bản suan adat hukum ngak jhak tal bruk peih ngak dom jalan ngak dak padang saong pasiam abih hệ thống adat hukum samu gauk, yasa haong gauk, khả thi, công khai, minh bạch; ngak pambak oh siam tal trật tự, kỷ cương dalam bruk patabiak, peih ngak văn bản quy phạm pháp luật; Kayua yau nan ye, dom jabat njauk paglaong jang trách nhiệm di urang dang akaok dalam bruk dak padang saong pasiam veik adat hukum.

           4#Biar harei 9/8, mBan tacei jalan Trung ương ka pataom iek veik bruk peih ngak Sarak 26 di Nyaom biai Trung ương 7 khóa 10 ka bruk ngak nong, urang nong, palei pala hu ngak bruk haong Thành ủy Thành phố Hồ Chí Minh ka bruk peih ngak sarak 26 di ban raya. Ndom biai dalam var ngak bruk, ong Nguyễn Thiện Nhân, Bí thư thành ủy TPHCM brei thau: Peih ngak sarak ka 26, jien mek tame di urang nong ban raya hu tagok 200%, samu 49 triệu đồng sa urang sa thun. Ban raya jeng daok hu dom tavak tavaiy, kurang labaih yau ye: bruk ngak nong cakrok patagok oh ka biak khang kajap, pren meriak gauk daok biar, oh ka samu haong pren khang khoa học công nghệ saong dom pren khang karei di ban raya; bruk ngak nong daok sit sot ngak kan kandah tal bruk dak padang bhum bhum pala praong. Lambaok mban tacei jalan mboh lac, ban raya njauk patagok gah công nghiệp chế biến tui jalan pataom sa labik praong, pandar công nghệ glaong, pandar veik chất thải nông nghiệp, patrun patakik nerak môi trường.   

5 # Tui kuhria mboh dahlau di Đài Khí tượng thủy văn gah meraong, dalam dom harei anak tal mbaok aia di akaok halau kraong  Cửu Long daok tagok, harei ini (10/8), hu mboh mbaok aia di Tân Hưng, Vĩnh Hưng glaong tal 2,5m; di Mộc Hóa 1,5m – glaong jang 30 tal 50cm dut haong puac thun 2017. Meng ini tal harei  20/8 – tukvak yuak abih padai Hè Thu, tỉnh Long An kham merat khik siam mekre, oh caik ka mblang taneh padai halei njauk lahik nao kayua aia ndik, abih di nyu lac labaih 12.000 hecta dalam bhum mbuan hu ia ndik glaong.

Patui di ni dom khau tin dunya:

6# “Quân đội không gian” tui yau sanya di Tổng thống Mỹ Đô-nan Trăm (Donand Trump) hu peih tabiak ngak meng thun 2020 saong meda lac dhar lin ka 6 di dom tapon pan phao kraong di Mỹ. Ini lac panuac brei thau hu ba tabiak harei kabroi (09/08) di phó Tổng thống Mỹ  Mai Pen-xơ (Mike Pence).

7 # Ban tổ chức Oscar hu brei thau bruk salih 3 kadha prong piah pachreih urang mong iek saong ba giải thưởng điện ảnh ini nao jaik jang haong urang mong iek.  Tui nan, Ban tổ chức Oscar brei pakatut jang tukvak rah tabiak van peih rayak papar binguk ka lễ pok brei giải oh tapa 3 tuk đồng hồ. Tui nan, Oscar meda hu peih ngak dalam harei 9-2-2020. Ta-eng tukvak peih ngak lễ pok brei giải mbang ka 91 jeng daok hu khik tamo nan lac dalam harei 24-2-2019. Tiêu chí puac abih njauk caik hatai tuk ban tổ chức pabak hạng mục bahrau brei ka dom bộ phim nổi bật hu ralo urang takre iek.

8# Radaih brei ka 1 urang, meda peih hu 40km/giờ, ndik hu 30km dahlau di tuk nạp nhiên liệu lac ôxy nén –Nan lac sruh radaih hu roh duah, patagok meng dom sinh viên Trường Đại học Helwan, Ai Cập.  Yaom di sruh radaih nan, lac 1.008 USD. Dom sinh viên nan brei thau, daok padang kadung jien piah patagok bruk daok kuhria ngak saong b atame ngak praong. Saong daok jia lac, meda pasiam hu radaih, ngak ka nyu peih hu 100km/giờ, peih 100km meng tame nhiên liệu./.