1# Ủy ban Trung ương MT negar Việt Nam bahrau peih nyaom biai iek veik 2 thun saong ppato pasram, klah rabha ilamu dalam taneh ia ka bruk peih ngak danak dak pambuak bruk ka 90 khik caga siam mekre pandap mbang menyum tukvak 2016-2020. Urak ini dalam taneh ia padang hu saong pambak praong jaik 350 mô hình ka an toàn pandap mbang menyum, 41/63 tỉnh, ban pataom mbaok tame 169 kapul pasang iek liên ngành saong dang tabiak peih dom kapul nao pasang iek gah an toàn pandap mbang menum , tapa nan hu mboh saong langyah rilo bruk ngak suan adat .

          2/   # Urak ni, dalam negar drei hu labaih 15.000 urang ngak lac urang jaoh jo dok ngak bruk di labaih 400 labik sản xuất pablei salih di urang jaoh jo song labaih  16.000 urang ngak jaoh jo karei dok ngak bruk dalam dom labik sản xuất pablei salih, boh sang atau hu dong ba meng kadung jien ngak bruk . Muk Đào Hồng Lan Thứ trưởng Bộ Lao động-Thương binh song  Xã hội lac :

Mintri  Lao động-Thương binh song  Xã hội dok patagok bruk pato bruk ngak Meng bruk bac tal dong duah bruk ngak, urak ni mintri dok jhul pakhang dom danak dak dong duah bruk ngak ka urang jaoh jo.

              3 #Bộ Công Thương brei thau, hu adat di Thủ tướng Nguyễn Xuân Phúc ka bruk pablei lẻ điện thun 2017, yaom pablei lẻ điện hu ramik veik tui yaom bahrau lac 1.720,65 đồng/kWh (oh ka kuhria yaom thuế giá trị gia tăng), tagok 6,08% dut saong yaom oablei điện urak ini, lac (1.622,01 đồng/kWh). Tukvak tagok yaom meng harei 01/12/2017.

          4/# Ong Nguyễn Văn Bình, Ủy viên mintri  Chính trị, Bí thư Trung ương Đảng, Trưởng Ban kinh tế Trung ương hu jao pok jien 1 tỷ đồng di urang jakar, urang ngak bruk dalam Gilang pariak ngak nong song patagok palei pala  Việt Nam dong ka bhap bini bhum ribuk ia sua tỉnh Quảng Bình. Pok jien nan hu dong ka mik va pasiam veik dom khut khat, samar tani tanat rai duik.

 5# Harei 30/11, di Pasak ngak bruk dam dara uranaih tỉnh Ninh Thuận hu rah tabiak bruk tamat mbang pakacah “umo ranaih sang bac haong bruk siam mekre salamat angoak jalan mbak” tỉnh Ninh Thuận mbang ka X. Nyaom pakacah hu 23 kapul mai meng dom sang bac THPT, Pasak  giáo dục thường xuyên, Pasak kỹ thuật tổng hợp - hướng nghiệp, trung cấp chuyên nghiệp, cao đẳng dalam tỉnh. Dom kapul brei pakacah dom kadha nan lac: hukum jalan mbak, ilamu nao mai angaok jalan saong tiểu phẩm pathau khan ka an toàn giao thông.

        6/   # Darak pasa lịch 2018 yam tame bilan. Urak ni, dom nhà sách, cửa hàng văn phòng phẩm di tỉnh Bà Rịa Vũng Tàu dok parang pablei ginup janih lịch hu rilo mẫu mã song yaom kaom karei di gauk. Min urang blei lịch  dok takik, yaom lac dom nhà sách hu ba tabiak rilo danak dak khuyến mại siam. Makna lac kayua urang hu  điện thoại thông minh, ipad, máy tính… song dom phần mềm lịch vạn niên cài đặt, mbuan si  tui iek di angaok mạng Internet. 

7# Hiệp hội Raong glang tỉnh Đồng Nai peih cửa hàng khik tani tanat yaom kaya nong akaok meti dalam tỉnh. Ini lac cửa hàng pablei dom janih kaya nong hacih tui tanut VietGAP, duah thau hu asal di nyu. Bruk peih dom cửa hàng nan, lac jalan ngak di UBND tỉnh Đồng Nai piah daong khik tani tanat yaom kaya nong Hiệp hội raong glang tỉnh Đồng Nai ba tabiak bruk ngak praong lac, tapa cửa hàng meda peih talei pambuak bruk di tổ chức, doanh nghiệp piah ba kaya nong Đồng Nai nao pablei di darak pasar praong jang, pablei hu rilo jang.

          Patui di ni dom khau tin dunya:

          8/  # Thủ tướng Anh Thê-rê-xa Mây (Theresa May) hu nao tal  A-rập Xê-út. Tui kuhria amuk hu var taom gaok  Patau A-rập Xê-út, piah ginum biai ka bruk khủng hoảng di Yê-men song bất đồng ngoại giao hong Ca-ta. 

9/ # Sa kapul quân sự pakat glaong Apganixtan harei 30/11 nao tal Pakixtan piah ginum biai dom bruk gah an ninh, pambuak gauk pacang khủng bố. Bruk padang dom kapul nao mai rivang gauk lac bruk praong kayua 2 taneh ia daok dang anak dom cuang kandah khang gah an ninh. Pakixtan hu panuac ieu talei pambuak bruk di Apganixtan piah khik caga jalan biên giới, saong pacang cakak bruk nduac tame di kol phiến quân.    

         10  # Harei 30/11, sa mbang megei boh taneh khang 4,1 độ ríchte , ngak megei bhum Đê-la-oe (Delaware). Ni lac sa dalam dom mbang megei boh taneh takik mboh rah tabiak di bhum Đông Bắc negar  Mỹ./.