1# Dalam mbang nao rivang, tadhau ayuh Tết Chôl Chnăm Thmây thun 2018 di bhap bini bangsa Khmer bhum ĐBSCL, harei kabroi10/4, ông Trần Thanh Mẫn, Chủ tịch Ủy ban Trung ương MTTQ Việt Nam hu nao rivang, tadhau ayuh Tết kapul jum pataom Sư sãi anit ranam taneh ia ban sit Cần Thơ.  Tapa nan, ong Trần Thanh Mẫn hu alin 10 paok pandap ka 10 ong bhik gheih di abih dalam kapul jum pataom Sư sãi anit ranam taneh ia ban sit Cần Thơ; mai rivang, alin pandap ka 2 sang urang jakar lac urang bangsa Khmer: ông Huỳnh Cương, dahlau daih ngak phó Chủ tịch Quốc hội saong sang ông Sơn Phước Hoan, dahlau daih ngak Thứ trưởng-Phó Chủ nhiệm Ủy ban Dân tộc.   

       2   # Bilan padai Đông Xuân 2017 - 2018, tỉnh Bình Định hu dong  330 tấn pajaih padai lai ka mik va bangsa takik dok dalam tỉnh. Hadei di tuk kaoh abih phun jien song pok jien dong di karja, sa hecta padai lai urang nong hu  laba  4,3 triệu đồng. Tui Sở ngak nong song patagok palei pala tỉnh Bình Định, meng bruk dong di gah  chức năng song karja dom pakat, mik va dak harei dak salih jalan sahaneng, jalan ngak. Adat cambat bhian pala padai hamu puh kein liba takik di mik va hu salih karei, bruk tah glai ngak hamu hu patrun, ohdaok hu bruk iek lipa jiak bilan yuak yau dahlau deih.  

           3#  Xã bhum ceik Phước Kháng, huyện Thuận Bắc, tỉnh Ninh Thuận lac xa biak kan kandah, hu taong abih menuac sia lac urang Raylai. Tukvak jaik ini, kayua pandiak bhang, rilo bingun ia nyu thu abih, mikva duh hatai, meyah daok hu pandiak bhang, bhap bini oh hu ia piah pandar saong raong glang. Tui khuria mboh dahlau, anak tal, daok hu pandiak bhang, kayua yau nan ye, lingiu bruk sangka langyah di gah chức năng, karja palei njauk patagok bruk pathau khan, jak ba bhap bini pandar ia patak pataom, khik piah pandap mbang ka athur raong, tani tanat raidiuk.

   4 # Urak ni, ban Cần Thơ hu labaih  1 triệu urang blei  BHYT, tagok labaih  78 % urang dalam ban. Thun  2018,  ban  Cần Thơ ba tabiak bruk  peih prong BHYT labaih 83%. Di nyaom biai patom iek veik  BHXH, BHYT tong abih bhap bini quý I di ban Cần Thơ bahrau rah tabiak ,  ong Lê Văn Tâm, Phó Chủ tịch Ubbhap bini ban  hu panuac ieu pasang iek dom  đơn vị, palei halei oh mek hu tanut  ka bruk blei  BHYT hu jao brei, ye palei nan hu maong lac oh ngak hu bruk hu jao brei, oh hu pok brei angan hacih saat khang kajap.

 5# Tui pasak ilamu tỉnh Đồng Nai, dalam 2 harei, harei 27 saong 28-4, Pasak hu peih danak dak “Taom gaok dom kalup kapul đờn ca tài tử, cải lương Đồng Nai haong dom tỉnh bhum Nam bộ saong taom gaok dom kalup kapul dalam saong lingiu tỉnh” thun 2018. Danak dak hu peih tabiak di Hội quán Trấn Biên, piah taom gaok dom kalup kapul đờn ca tài tử, cải lương mai meng 5 tỉnh: Bến Tre, Bình Dương, Đồng Nai, Long An saong Tây Ninh. mBan peih bruk peih pabah mbang brei ka dom urang takre nghệ thuật ini tame iek saoh.

        Nhạc cắt

          Patui di ni dom khau tin dunya:

           6 # Harei 10/4, Đại sứ negar  Việt Nam di  Liên bang Nga Ngô Đức Mạnh, song dom urang jakar  Đại sứ quán hu mai rivang  Đại sứ quán CHDCND Lào di Liên bang Nga salam uan  Tết   (Bun Pi May) di negar Lào.Di var taom gaok, Đại sứ Việt Nam Ngô Đức Mạnh hu caik panuac tadhau yhut siam mekre di abih tal tong abih urang jarka nhân viên Đại sứ quán Lào, tuk Tết Bun Pi May, tadhau yhuh negar  Lào yam tame thun bahrau 2018 mek hu rilo jak jeng prong glong jang dalam bruk dak padang taneh ia dak harei dak kaya meda song haniem phol.

    7# Ủy ban bầu cử Malaysia bahrau brei thau, taneh ia ini peih bruk tổng tuyển cử di harei 9/5 tal . Chủ tịch Ủy ban bầu cử Mốt Ha-sim Áp-đu-la (Mohd Hashim Abdullah) brei thau, bruk nan hu ba tabiak njauk tui adat bầu cử dalam 60 harei hadei di tuk giải tán Quốc hội. Bruk tổng tuyển cử mbang ka 14 anak tal di Malaysia hu pilih ruah tabiak 222 urang dalam Hạ viện tui quy định di Ủy ban bầu cử. Dom đảng atau liên minh brei hu 112 menuac di  Quốc hội piah meblah đa số.

       # A-rập Xê-út song Pháp bahrau mbaoh tangin tame 20 thỏa thuận kinh tế hu yaom labaih  18 tỷ đô la. Thỏa thuận mek hu  dalam mbang nao rivang mbang akaok meti  di  Hoàng Thái tử A-rập Xê-út Mô-ha-mét Bin San-man (Mohammed bin Salman) tal  Pháp.Tui  Văn phòng tổng thống Pháp, 2 urang pal akaok hu dom mbang ginum biai bak hatai, tui nan dong pambuak pagam talei rohim siam mekre di 2 urang pal akaok song bhap bini 2 negar./.                                                                                

                                                                                       Hanipha/VOV/TPHCM