1# Di jabat Rajaei, Thủ tướng Nguyễn Xuân Phúc taduan raok amuk Nena Stoiljkovic, Phó Chủ tịch Công ty Jien padai dunya (IFC) iek gah bhum Châu Á – Thái Bình Dương daok hu mbang rivang, ngak bruk di Việt Nam. Amuk Phó Chủ tịch brei thau, IFC daok pambuak bruk haong rilo doanh nghiệp saong gilang pariak di Việt Nam hu kein laba, rik daong jhul bruk patagok khang kajap di doanh nghiệp saong gilang pariak Việt Nam.

         2 # Tỉnh Ninh Thuận urak ni  bahrau rah tabiak pandiak bhang. Nan lac khau tin meng mbang họp báo kinh tế - xã hội quý 1 kayua Ubbhap bini tỉnh Ninh Thuận peih ngak beir harei 11/4 di ban Phan Rang – Tháp Chàm.  Ong Lê Văn Bình, Phó Chủ tịch Ubbhap bini tỉnh Ninh Thuận brei thau:

           “Tỉnh urak ni dok caga peih  nyaom biai piah peih bruk  pacang caga pandiak tal tong abih dom  sở dom ban, dom ngành, dom palei pala. Bruk pacang pandiak bhang lac bruk ngak prong song đột xuất dalam  quý 2 thun 2018.”

    3# Dalam mbang rivang saong ngak bruk di tỉnh Sóc Trăng, harei 11/4, Phó Chủ tịch Ủy ban Trung ương Mặt trận Tổ quốc Việt Nam Nguyễn Hữu Dũng ba akaok sa kapul nao tal baha Khleang (ban sit Sóc Trăng), rivang saong tadhau ayuh thun bahrau kapul jum pataom sư sãi anit ranam taneh ia tỉnh Sóc Trăng haong 10 ong bhik gheih di abih dalam ban sit tuk uan Tết Chôl Chnăm Thmây – Tết meng kan uan raok thun bahrau di bhap bini Khmer. 

         4  # Jeng dalam harei nan, di tỉnh Trà Vinh hu peih bruk taom mbaok salam uan Tết meng kan Chôl Chnam Thmây di mik va bangsa  Khmer Nam bộ. Jeng dalam mbang ni, urang pal akaok tỉnh Trà Vinh hu brei pandap ka dom boh sang sarak siam gheih lac bangsa  Khmer, boh sang mik va Khmer biak kan kandah; tadhau yuh mik va  Khmer uan raok  Tết Chôl ChnămThmây bui sambai, trei sil.

     5# Di baha Phổ Minh, ban raya Hồ Chí Minh, Liên hiệp các tổ chức hữu nghị ban raya Hồ Chí Minh haong mBan Phật giáo Dunya, Giáo hội Phật giáo Việt Nam ban raya Hồ Chí Minh peih bruk salam uan Tết meng kan Campuchia - Lào -Myanmar - Thái Lan thun 2018, lac Chôl Chnăm Thmây di Campuchia, Bun-pi-may di Lào, Thing-yang di Myanmar haong Song-kran di Thái Lan. Bruk salam uan rah tabiak dalam bui sambai chreih chrai, bak talei rohim jum pataom, ngan haong adat menei ia Phật caong ka thun bahrau siam mekre salamat, gam saong dom kadha daoh, dom ragu tamia bangsa di dom negar Việt Nam, Lào, Thái Lan.

          Patui di ni dom khau tin dunya:

6 #  Nga pamong tal  bruk trừng phạt tame dom pandap xuất khẩu di Mỹ song dom pandap panda di  Mỹ hu ngak di  Nga, mong ini yau phản ứng di Nga anak bruk Mỹ bahrau ni ba tabiak lệnh trừng phạt tame Nga. Nan lac panuac khan di Thủ tướng Nga Đmi-tri Mét-vê-đép (Dmitry Medvedev) di  mbang điều trần di Đuma quốc gia (ieu lac Hạ viện) harei 11/4.

7#Tổng thống Mỹ Đô-nan Trăm (Donald Trump) bahrau meyaom panuac sanya di Chủ tịch Trung Quốc Tập Cận Bình ka bruk daok brei peih pabah mbang nền kinh tế ka nyu laneing lanai jang. Angaok blah Tuýt-tơ (Twitter), Tổng thống Mỹ Đô-nan Trăm dhar phor dom panuac siam mekre di Trung Quốc”, ndom lac 2 gah ba gauk mek hu dom siam mekre jang.

         8  # Hội đồng Bảo an LHQ hu peih mbang  họp kín dalam harei ni  12/4 piah ginum biai ka bruk Tổng thống Mỹ Donald Trump (Đô-nan Trăm) đăng tải angaok  Twitter panuac  cảnh báo lac meda peih dom mbang  tấn công tên lửa tame Syria. Tui urang vak  TTXVN di LHQ, Bolivia, sa dalam 10 negar dalam HĐBA, hu panuac lac njauk peih mbang họp ni piah ginum biai ka  "bruk patagok dom panuac  kandah gauk  ka Syria song dom  đe dọa quân sự./.