1# Harei 12/6, tui danak dak, Quốc hội nyaom di hội trường, biểu quyết brei tapa dom sarak; dự án hukum saong ginum biai di hội trường ka dự án Hukum pasiam, pabak dom paka di Hukum pato megru đại học. Mesup page,  QH biểu quyết brei tapa 2 sarak lac: ka bruk phê chuẩn quyết toán kadung jien karja thun 2016 saong ka danak dak pasang iek di Quốc hội  thun 2019. Biar harei, QH ginum biai ka dự án Hukum pasiam, pabak dom paka di Hukum pato megru đại học.

2 # Mintri ngak nong song patagok palei pala dok mek panuac rik daong di dom  chuyên gia, urang ilamu dok dalam song langiu negar jang yau dom palei daok pala iek mắc ca  piah tapa nan ba tabiak bruk patagok  mắc ca di Việt Nam. Tui nan, tal thun 2020, Việt Nam pala 10.000 ha song khik hu pajaih siam ka taneh pala ni . Tui Thứ trưởng mintri ngak nong song patagok palai pala Hà Công Tuấn, jalan ngak di gah ngak nong lac sangka song mong iek ka cambaih laih dalam bruk patagok phun mắc ca di Việt Nam.

3# UB bhap bini tỉnh Sóc Trăng bahrau peih Họp báo brei thau ka Nyaom biai xúc tiến đầu tư Sóc Trăng 2018. Tui nan, nyaom biai xúc tiến đầu tư tỉnh hu peih tabiak di harei 19/6 tal. Dalam nyaom biai ini, tỉnh Sóc Trăng hu jao Quyết định, harak chứng nhận đầu tư, harak hadar pambuak bruk đầu tư ka 47 dự án saong yaom phun jien abih tih jaik 123 ribau tỷ đồng. Dom dự án pataom tame dom gah cakrok patagok năng lượng tái tạo, điện ngin, điện ia harei; cakrok patagokbruk ngak nong  công nghệ glaong, dịch vụ patagok du lịch.

          4 # Melam kabroi  (11/6), dom urang quá khích pataom gauk ngak srau kadau anak  trụ sở Ủy ban bhap bini  tỉnh Bình Thuận. Hadei di nan, dom urang ini njauk gah chức năng giải tán. Tukvak 22tuk meteh , Thiếu tướng Nguyễn Văn Thân, Giám đốc Công an tỉnh Bình Thuận brei thau: bruk  an ninh trật tự di labik ngak bruk di Ubbhap bini  tỉnh Bình Thuận hu khik caga tani tanat. Langiu  lực lượng di tỉnh, Mintri  Công an hu ba dom đơn vị nghiệp vụ mai dong ka tỉnh Bình Thuận. 

          5# Chi cục Thủy lợi Cà Mau bahrau brei thau, tapa pasang iek, urak ini dalam tỉnh hu 27 labik glut jaleih takai kraong, atah abih tih jaik 38 km. Dalam nan hu labaih 1.000 sang njauk samar panduan nao. Ong Nguyễn Thanh Tùng, Phó Chi cục trưởng Chi cục Thủy Lợi Cà Mau brei thau: Kayua biến đổi khí hậu, ia tasik tagok glaong nan ye bruk glut jaleih takai kraong di tỉnh Cà Mau dak harei dak khang. Gah chức năng tỉnh daok kham merat jak ba mikva daok di dom labik glut jaleih nao daok labik karei piah khik caga siam mekre, salamat.

          Patui di ni dom khau tin dunya :

          6 # Urang dang akaok  Triều Tiên Kim Châng-un (Kim Jong-un) song Tổng thống Mỹ Đô-nan Trăm (Donald Trump)  urak ni jeng hu mbaok di  khách sạn Ca-peo-la (Capella), di angaok palao Xen-tô-sa (Sentosa), labik rah tabiak nyaom biai pakat glong  Mỹ- Triều. Ni lac mbang taom gaok camereip abih di Tổng thống Mỹ song urang pal akaok  Triều Tiên.

           7# Dom urang khảo cổ học Trung Quốc bahrau brei thau ka blah rup cih patau klak hu duah mboh di ceik Tiểu Hưng An dalam tỉnh Hắc Long Giang. Tui dom urang roh duah dalam Viện khảo cổ học di tỉnh Hắc Long Giang, blah rup cih nan hu cih tangin meng halukmeda hu mboh di di sa candaih patau di ban Hắc Hà. Asal kadha dalam blah rup cih brei mboh bruk man pateok athur di anek menuac. Rup binguk 3 drei lamen ma mút dalam blah rup cih yau brei thau lac blah rup cih patau klak ini hu cih dahlau di tuk lamen njauk tuyệt chủng, jeng hu makna lac nyu hu meng labaih 12 ribau thun.

          8 # Rajaei Tây Ban Nha khan lac meda taduan baoh kapan pajeng  629 urang di cư bahrau hu dong di langui tasik Libi, song MIN dok gar veik di angaok tasik kayua gah Italia song Man-ta jeng oh brei adat ka baoh kapan ni pataok tame cảng.Thủ tướng Tây Ban Nha Pê-đrô Xan-chét (Pedro Sanchez) tacei brei dom jabat pambuak tal di negar ni ngak tui  “sinya dunya” dalam tuk rah tabiak bruk  khủng hoảng  pahla song hu panuac lac brei adat ka baoh kapan hu angan  A-qua-ri-ớt (Aquarius) pajeng labaih 600 nurang di cư oh hei taduan di angaok tasik  Địa Trung Hải hu pataok tame pambah lamnge negar ni /.
                                                                                         Hanipha /VOVTPHCM