1# Tui danak dak mbang nyaom ka 23, harei 13/4, Ủy ban Thường vụ Quốc hội brei panuac tame dự án Hukum raong glang saong dự án Hukum pala drak. Urak ini, gah raong glang bahrau hu Pháp lệnh 16 - thun 2004 di Ủy ban Thường vụ Quốc hội, gah la lac dom văn bản quy phạm pháp luật. Tapa 10 thun ngak tui pháp lệnh, tuk maong iek veik, dom văn bản quy phạm hu rilo labik oh daok lagaih haong bruk patagok di gah raong glang. Kayua yau nan ye, bruk padang hukum lac bruk njauk ngak chip. Kadha njauk caik hatai nan lac, Dự thảo hu ba tbaiak angan dom janih pandap oh brei pandar dalam raong glang. Meyah hukum hu tame dalam raidiuk, nyu hu yaom biak praong ka gah chăn nuôi.

          2 # Dalam dom harei 14,15 song 16/4, di dom puk palei di gah merong, labik hu rilo mik va urang bangsa  Khmer daok, bruk caga ka Tết meng kan Chol Chnam Thmây daok chreih chrai tagok. Kayua tui agama Phật giáo Tiểu thừa, yau nan ye bruk  uan raok  Tết Chol Chnam Thmay di mik va Khmer Nam Bộ jeng rah tabiak di baha. Ni lac sa kadha dalam ilamu raok Tết di urang Khmer, dom adat cambat prong hu rah tabiak di baha ngak ka harei raok tết tuk halei jeng bui sambai song jum pataom glong.

3# UBND ban sit Cần Thơ peih bruk pataom mbaok uan Chôl Chnăm Thmây di bhap bini Khmer thun 2018. Mai pataom mbaok, hu 120 urang lac Hòa thượng, Thượng tọa, Đại đức, Sư sãi, AChar, urang jakar, urang ngak bruk karja, urang lin saong bhap bini Khmer hadah krah dalam ban C.Thơ. Tukvak tapa, meng ngak siam dom sarak ka bangsa, raidiuk di bhap bini Khmer ban Cần Thơ hu siam tagok. Tui nan,  thun bloh, ban C.Thơ hu labaih 400 sang Khmer tabiak truh kathaot, dom sang kathaot trun hu rilo jang 7,8 % duk saong thun 2016.

     4  # Giám đốc Sở ngak nong song patagok palei pala tỉnh An Giang Trần Anh Thư brei thau, bilan thu thun ni, An Giang hu labaih 215.000 urang di  3 huyện Tri Tôn, Tịnh Biên song Thoại Sơn meda kurang ia pandar meng bilan 3 tal abih bilan 4, kayua njom ia mbak meng krong  Rạch Giá Long Xuyên song bilan thu. Piah caga bruk nan, dom gah chức năng di An Giang hu peih ngak 21 danak dak ba ia pandar pabak ka labaih  65.000 urang daok di dom labik gaok njom mbak , pandiak bhang  atah labaih 126km, jien ngak abih tih labaih 50 tỷ đồng. 

5   # Bahrau ini, Sở pato megru ban raya HCM brei thau bruk tuyển sinh tame tal bac 10 thun bac 2018 - 2019. Dalam angan dom sang bac Trung học phổ thông bahrau brei thau, Sở Pato megru TPHCM brei thau cambaih tanut thi tuyển, xét tuyển, jalan pato pakai, jien bac di yaok sang bac piah amaik ame anek saih thau. Tui kuhria, harei 4/5, Sở pato megru ban raya TPHCM brei thau tuk camereip hadom  anek saih tut angan tame yaok sang bac. Meyah khin, anek saih meda tut angan saih  nguyện vọng hu tut angan bloh..

Nhạc cắt

          Patui di ni dom khau tin dunya:

         6 # Harei  12/4, di  labik ngak bruk di Tổng Hội urang Campuchia asar Việt Nam di ban ine Phnom Penh, negar Campuchia, hu peih bruk rik dong ka bol lin palao tasik Trường Sa. Tapa nan, ong Châu Văn Chi, Chủ tịch Tổng hội urang Campuchia asar Việt Nam brei thau, bruk rik pataom piah dong song pachreih ba  urang lin song urang tong ikan dok tong chap di angaok tasik, rik dong dalam bruk dak padang song khik ramik tasik palao negar. 

7# Tổng thống Mỹ Đô-nan Trăm (Donald Trump) taong yaom glaong labik dang di Trung Quốc dalam bruk jhul patagok dom bruk ginum biai haong Cộng hòa dân chủ nhân dân Triều Tiên. Tui ong Đô-nan Trăm, dom gah daok padang sa bruk taom gaok pakat glaong di abih di ong haong urang dang akaok Triều Tiên lac Kim Châng Un. Dua gah Triều Tiên urak ini jeng daok kham merat kuhria caga ka bruk taom gaok pakat glaong di abih mbang ka 3 dalam dakrai sajarah di harei 27 bilan 4 ini..

         8  # Harei 12/4 Tổng thống Ba Lan An-đrây Đu-đa (Andrzej Duda) hu panuac ieu  pacang bruk bài urang  Do Thái song ieu jum pataom  tuk ong taom gaok tổng thống Ít-xra-en (Israel) di ban Kra-cốp (Krakow) di Ba Lan. Mbang taom gaokdi gah lingiu bruk tuần hành mbang ka 30 hu peih tabiak yaok thun piah hadar dom urang metai di Hô-lô-cót (Holocaust) kayua phát xít Đức dalam  mesruh metak dunya mbang ka 2./.