1./Patui mbang nyom ka 3, harei 13/6, Quốc hội peih bruk tangi sua saong javap chalei dom tangi sua. Bruk nan rah tabiak dalam 3 harei. Hu 4 akaok mintri tagok javap jalei dom tangi sua nan lac: Akaok mintri ngak nong saong patagok palei pala, akaok mintri Kế hoạch saong Đầu tư, Akak mintri Y tế, akaok mintri Ilamu, Thể thao saong Du lịch. 

 2/ # Mintri Y tế brei thau, 90% urang metai kayua ruak pandiak tabiak darah di negar drei rilo meng lac di gah merong, meblah 80% urang njauk ruak song 90% urang metai dalam negar. Urak ni hu 150 janih vi rút njom mbak tapa jamuk song côn trùng kaik, ba tal ruak ka menuac urang song athur rong. 

          3./Sở ngak Nông saong patagok palei pala tỉnh Đak Lak hu padang jalan pacang ribuk ia sua saong patrun pala meng lingik tasik di 600 công trình thủy lợi praong dalam tỉnh.Tỉnh hu buh tabiak meng kadung jien karha tỉnh jaik 8 tỷ đồng piah ramik pasiam 64 danao, binek khut trak piah khik caga siam mekre dom binek kavei dalam bilan hajan ribuk thun ini.

4/ # Peih bruk pachreih tui bilan ngak hacih saat pandap mbang  thun 2017, gah ngak nong ban Cần Thơ tacei pato dom gah chuyên môn pathau khan song tacei pato 66 cơ sở ngak mbangt sit sot dok pablei kaya ikan that mbaoh tangin tame harak sanya pablei kaya ikan hacih saat tui hukum 

5./Bharu ini, di An Giang, Ban Trị sự Trung ương Giáo hội Phật giáo Hòa Hảo peih bruk pahadar 78 thun harei Đức Huỳnh Giáo chủ padang tabiak đạo Phật giáo Hòa Hảo (18/5 thun Kỷ Mão 1939-18/5 thun Đinh Dậu 2017). Dalam rilo thun tapa, dom urang Phật giáo Hòa Hảo kham merat ngak siam bruk di agama, ngak siam dom bruk jak ba, pakacah gauk anit taneh ia. 

6/ # Tui kuhria mboh dahlau, thun ni ia sua mai avar, nan ye karja puk palei  dom huyện phía timun di  tỉnh Tiền Giang dok samar kuac krong ribong, pasiam veik dom ar pacang daok khut  , am pacang ia, rami ramik veik bilan padai ka siam lagaih, samar yuak padai hè thu. Abih di nyu nan lac ngan song yaok pluh labik glut jaleih prong sit karja song bhap bini dom puk palei peih bruk pasiam veik .

         7./Dom harei tapa, bhap bini palei tasik ban sit Gành Hào, huyện Đông Hải, tỉnh Bạc Liêu chreih chari anak bruk mehit lac sa urang taong ikan di labik ini patuah  taong mek hu sa asr ngọc ốc quý hiếm. Urak ini hu biak rilo menuac mai duah blei min sang oh ka khin pablei. Urang patuah nan angan Nguyễn Văn Nam daok di ban sit Gành Hào- po kapal ikan  BL 93196 TS. 

Patui di ni dom khau tin dunya:

8/ # Harei 12/6, di sa nyaom biai di  Italia, Akaok mintri Môi trường dom negar ngak ocng patagok  dang akaok dunya (G7) tabiak panuac lac daok brei jhul khang dom kham merat piah pacang bruk  biến đổi khí hậu yaom lac Mỹ tabiak truh Hiệp định Paris ka bruk cakak trun khí xả thải cac-bon.

         9./Gah Y tế dunya brei thau, dom urang medil lac njauk ruak aih craoh di Yemen urak ini labaih 100 ribau menuac saong hu 798 urang metai di19 dalam 22 tỉnh. Tui kapul ngak pahla Oxfam, kuhria meng tuk jit tamuh tabiak di puac bilan 4 meng bloh, yaok tuk tapa nao, hu sa urang metai ayua dịch tả

10  # Akaok mintri Quốc phòng Mê-hi-cô (Mexico) Xan-va-đô Xi-en-phiu-gốt (Salvador Cienfuegos) brei thau, quân đội negar ni dok kham merat duah takik di abih 7 urang lin dok lihik dalam mbang jaleih taneh, dalam tuk dahlau di nan  hu 2 urang lin karei metai kayua ia sua ba seik./.