1# Patui danak dak mbang nyaom ka 5, harei 13/6, Quốc hội ginum biai di hội trường ka dự án Hukum pacang, caga tham nhũng (pasiam veik).  Dự thảo Hukum pacang, caga tham nhũng (pasiam veik) pok tagok Quốc hội mbang ini hu taduan mek panuac di dom urang QH di mbang nyaom ka 4. Ralo kadha dalam dự thảo Hukum hu pasiam veik piah peih ngak hu, lagaih haong bruk di anak meta, njauk haong dom adat hukm.

            2 # Thủ tướngNguyễn Xuân Phúc njauk hatai brei quyền ka akaok mintri  Lao động - Thương binh song  Xã hội pok tagok akaok negar pasang iek alin pandap ka urang hu buh pren yava ka  cách mạng dalam tuk pahadar  71 thun harei  Thương binh - Liệt sĩ (27/7/1947-27/7/2018). Abih tih yaom jien piah alin pandap lac labaih  355,4 tỷ đồng. Pok jien ni hu parabha dalam kadung jien karja  thun 2018.

 3# Meng akaok thun tal ini, Hội Chữ thập đỏ huyện Cư M'gar Daklak hu pambuak bruk haong dom mban, ngành, kapul nyaom ieu pataom  jien, pandap hu labaih 4,1 tỷ đồng, samar daong ka 12.745 urang kan kathaot, jaik si kan kathaot, urang gaok ralo kan kandah, urang njauk jru mek klik kruac, urang bangsa takik... tani tanat raidiuk. Anak tal, Hội daok patagok dom bruk anit ranam gauk aong ba gauk, hu mbaok tame bruk jak ba “yaok kapul nyaom, yaok menuac urang kak kajap haong sa labik ngak pahla”.

          4   # Kadung jien dong urang nong  tỉnh Ninh Thuận bahrau pambuak bruk song kapul urang nong huyện Ninh Phước  peih bruk brei mesraiy jien di  2 dự án ka 20 urang hội daok di  2 xã Phước Thái song  Phước Hải ngan song yaom jien 600 triệu đồng. Tui kuhria yaok boh sang urang nong hu mesraiy  30 triệu đồng piah tagok bruk rong limo, pabe. Lingiu di nan, kapul urang nong xã Phước Thái hu tabiak mbaok Chi hội nghề nghiệp rong limo ka 10 urang lac  mik va  Chăm daok pak ni.

5# Tui Sở Y tế tỉnh Vĩnh Long, dalam ban sit Bình Minh (tỉnh Vĩnh Long) hu 5 urang medil lac njom cúm A/H1N1, dalam nan hu 1 urang dut iek mboh dương tính haong cúm A/H1N1. Nan lac amauk Nguyễn Thị Mười Ba daok di ban sit Bình Minh, tỉnh Vĩnh Long. Hadei di ralo harei iek ruak, urak ini pren yava di amuk hu tani tanat veik. Ông Trần Văn Út - Giám đốc Sở y tế tỉnh Vĩnh Long lac: 

  "Di Bình Minh hu 05 urang, dut iek hu 1 urang dương tính saong hu 1 urang hu ba tapa Cần Thơ. Pasak mek mẫu nao dut iek di 5 urang ini saong daok 4urang daok veik daok cang kết quả."

            Patui di ni dom khau tin dunya:

6 # Karja Nga song Anh hu panuac ka kết quả nyaom biai pakat glong  Mỹ - Triều Tiên. Akaok mintri  Ngoại giao Anh Bô-rít Giôn-sơn (Boris Johnson) ndom lac, panuac sinya  phi hạt nhân hóa di Triều Tiên lac sa bruk brei mboh urang dang akaok  Triều Tiên Kim Châng Un (Kim Jong Un) hu caik hatai tal thông điệp hadei di mbang taom gaok Tổng thống Mỹ Đô-nan Trăm (Donald Trump). Ni hu mong lac sa takai yaom biak prong pamong tal bruk tani tanat di khu vực, dong jhul patagok  kinh tế dunya. 

7# Harei 12/6, Văn phòng Tổng thống Ba Lan ba tabiak 15 câu hỏi piah duah thau hatai sahneng di bhap bini ka bruk pasiam veik hukum negar tui kuhria hu peih tabiak di bilan 11 thun ini. Dom câu hỏi nan ndom tal dom kadha praong di taneh ia yau ye bruk khik kajap bruk lac thành viên di Ba Lan ngan saong Liên minh châu Âu (EU) atau Tổ chức hiệp ước Bắc Đại Tây Dương (NATO), jeng yau quyền tối thượng di hukum negar ini ngan saong dom hukum di EU.

8 # Bahrau ni, sa mbang khuah glai mbang abih 100 hécta glai di  Ta-ri-ra (Tarija), ban sit di gah merong  Bô-li-vi-a min hadei di nan pui hu pacang padam.  Akaok mintri Nội vụ Các-lốt Rô-mơ-rô (Carlos Romero) brei thau, urang jakar hu ba  300 cảnh sát mai dong pacang padam khuah . Urak ni, oh ka thau metai lihik kayua khuah glai. Labik ni, jeng hu khuah glai khang di thun bloh./.