1 # Patui danak dak mbang nyaom ka 5, harei 14/6, Quốc hội ginum bai di hội trường ka dự án Hukum Công an bhap bini saong và dự án Hukum raong glang. Dahalu di nan, Quốc hội ginum biai ka dự án Hukum pacang caga tham nhũng (pasiam veik), dom panuac ginum biai taong yaom glaong mban soạn thảo hu caik hatai tui pang panuac rik daong di urang Quốc hội dalam mbang nyaom ka 4 saong dom gah chức năng piah pasiam veik dự án hukum, khik ka hukum peih ngak hu, lagaih haong bruk di anak meta.

          2 # Tỉnh Quảng Trị bahrau njauk hatai brei ka Công ty cổ phần Tân Hoàn Cầu peih ngak dự án padang ngak sang máy điện gió ka 5 dalam tỉnh ni. Dự án ni hu taneh prong labaih 8 ha dok di huyện Đakrông, hu 12 tua-bin điện gió, yaok  tua-bin 2,5MW (mê ga oát), abih tih công suất thiết kế lac 30MW. Sản lượng điện pabak điện tagok jalan điện negar tui kuhria yaok thun hu labaih  126 triệu kwh (ki lô oát giờ). Dự án hu yaom jien buh tame ngak abih tih lac 1.555 tỷ đồng.  

          3# Di nyaom biai "Khik kajap jien padai ka jru pacang HIV saongpamaong tal bruk taong abih urang njom HIV hu blei bảo hiểm y tế” kayua Mintri Y tế peih tabiak di Cần Thơ, kadha praong hu ba tabiak  di nyaom biai nan lac, tal thun 2020, dalam taneh ia hu taong abih urang njom HIV hu blei Bảo hiểm y tế. Ini lac bruk hu Cục pacang caga HIV/AIDS - Bộ Y tế, ba tabiak dalam var peih mbang nyaom.

          4 # Di xã Đất Mũi, huyện Đất Mũi, tỉnh Cà Mau bahrau rah tabiak bruk glut jaleih trak, 3 boh sang  bhap bini laik trun krong lahik abih. Min, langiu di 3 boh sang jaleih nan, daok ngak khut dom boh sang karei song khut labaih 30 mét jalan bê tông. Tui kuhria tuk camereip, bruk glut jaleih nan khat lihik labaih 1 tỉ đồng. Anak meta, Ubbhap bini  huyện Ngọc Hiển hu dong ka yaok boh sang jaleih abih 5 triệu đồng song dong  2 triệu đồng ka dom boh sang khut.

          5# Sang iek ruak quân y 120 (tỉnh Tiền Giang) bahrau daong hu ka sa urang njauk bala radaih paoh oh ka bhian mboh. Nan lac amuk Châu Thị N, ndih tapui thun 1950, daok di xã Thạnh Phú, huyện Châu Thành, Tiền Giang, tame sang iek ruak harei 13/6, dalam tuk njauk dua mbaik pasei hu đường kính 0,65 cm, lauk tapa takai. Dom bác sỹ sang iek ruak quân y 120 brei blac raih chip. Hadei di 30 minit, bruk blac raih hu salah bloh. Urak ini, pren yava di amuk daok tani tanat veik saong daok hu pasang iek.

                   Patui di ni dom khau tin dunya:

             6 # Thái Lan khin dang tabiak peih bruk padang ngak sa quỹ khu vực song dom negar dok jiak tapen lac  Campuchia, Lào, Myanmar song  Việt Nam piah pabak phun jien ka dom dự án padang ngak  hạ tầng song patagok dom bruk ngak karei, dong patrun bruk pagam pambak tame phun jien ngak mbang di dom negar  gah langiu, tui kuhria  quỹ khu vực hu peih ngak meng thun 2019.

7# Rajaei Cô-lôm-bi-a harei 13/6 brei thau, dalam 15 bilan tapa, labaih 1 triệu bhap bini Vê-nê-xu-ê-la nao tapa Cô-lôm-bi-a daok piah plaih bruk khủng hoảng kinh tế dalam taneh ia. Tui kuhria, daok hu rilo menuac tapa jang di anak tal. Rajaei Cô-lôm-bia brei thau yau nan piah pabak ka dom dịch vụ học đường, y tế saong dom gah karei ka bhap bini. Dom urang oh hu harak gar saong oh tut angan ye njauk pateok nao palei veik.

8 # Harei 13/6,  takik di abih 13 urang metai song  8 urang karei lahik tuk sa kapan pajeng tuai kram di  langiu tasik palao Xu-la-uê-xi (Sulawesi), In-đô-nê-xi-a. Tui  Jabat khik caga bala pakat negar In-đô-nê-xi-a, sruh kapan kram tuk bahrau tabiak truh pabah lamnge Pao-ê-tê-rê (Paoetere) di pasak Ma-cát-xa (Makassar di tỉnh Nam Xu-la-uê-xi labaih 8 ki-lô-mét, kayua riyak khang song langik jhak. Urak ni bruk dong duah urang lihik daok hu peih tabiak./.

                                                                          Hanipha/VOVTPHCM