1./Patui mbang nyaom ka 3, harei 15/6, Quốc hội tangi sua Akaok Mintri Kế hoạch saong Đầu tư Nguyễn Chí Dũng. Phó Thủ tướng thường trực Trương Hòa Bình brei panuac ngak cambaih jang saong javap chaloi tapak panuac tangi sua dii urang QH ka dom kadsha pambuak tal bruk di Rajaei. 

  2/ # Harei patom Du lịch hè Bình Định 2017 hu angan “Quy Nhơn - Bình Định - Về miền biển nhớ” hu peih tabiak di melam  17/ 6 di mblang bein Nguyễn Tất Thành, ban sit Quy Nhơn. Harei patom hu rilo bruk chreih chrai, dong yaih khan thaot binguk, padang ngak angan je du lịch Bình Định tal tuai damuai dok dalam song langiu negar.   

3./Tal urak ini, urang ngak ikan tỉnh Phú Yên hu mbaoh tangin  pambuak bruk mesraiy jien di dom gilang pariak piah ngak bahrau  21 kapal ikan tui Nghị định 67 ka dom sarak patagok kaya ikan. Hu 12 kapan hu ngak bloh hu ba trun tasik. Dalam nan hu 8 kapan daok taong cap saong uu laba meng 90 triệu đồng tal jaik 1 tỉ,370 trieu đồng. 4 kapan daok veik daok dalam tukvak peih iek piah ngak pasiam veik.. 

4/ # Sở Lao động-Thương binh song Xã hội tỉnh Vĩnh Long peih ngak dự án “Dong boh sang kan rong limo pajaih paglong rai duik” piah dong ka dom boh sang kan hu jalan ngak mbang khang kajap.Dự án hu peih ngak di 7 huyện, ban sit di tỉnh Vĩnh Long meng thun 2017 - 2020 song 836 boh sang hu dong brei tapak  meng dự án ni. 

5./Bruk raong ada dalam rọ  mek baoh di tỉnh Đồng Tháp daok tagok khang di 2 huyện Tháp Mười saong Tam Nông tui jalan pambuak bruk hu dom công ty blei veik. Tui kuhria, yaok baoh pablei tabiak hu yaom  jang 200 đồng dut saong jalan raong klak, abih di nyu nan lac raong ada dalam rọ mebaoh laba labaih 100 triệu đồng/1.000 con/yaok thun. Kuhria rah tapa, yaok thun ralo ada hu pablei tabiak darak pasar labaih 5,4 ngàn tấn, baoh labaih 216 triệu baoh. Urak ini tỉnh Đồng Tháp daok tagok khang bruk raong ada dalam rọ ba mai kein laba glaong.

  6/ # Bahrau yam tame bilan hajan min di  huyện Châu Thành tỉnh Tiền Giang hu rilo mbang glut jaleih taneh di dom krong ribong, ngak khat lihik drap ar song menuac urang. Tui kuhria meng akaok thun tal ni di huyện hu 30 labik glut jaleih prong sit dalam nan hu 4 labik glut jaleih prong, yaok labik glut jaleih praong nan atah meng 35 m tal 60 m.

7./Ban raya Hồ Chí Minh hu  71.500 anek saih tut angan pakacah, rilo di abih dalam negar.. Sở Pato Megru ban raya hu pasang iek labik pakacah saong dom kadha karei duh ka bruk pakacah di 114 labik, pasram ka labiah 9 ribau urang jakar iek pakacah. Karei jang thun bloh, thun ini Sở Pato megru ban raya Hồ Chí Minh peih labik pakacah di 24 quận, huyện , oh pataom di  quận pasak piah ba mbuan lagaih ka anek saih mai pakacah. 

Patui di ni dom khau tin dunya:

8/ # Khau tin ngoại giao Nhật Bản harei 14/6 brei thau negar ni bahrau hu panuac ieu  Trung Quốc song Hàn Quốc kuhira bruk peih nyaom biai pakat glong 3 gah dalam puac bilan 7 anak tal. Meyah hu xác nhận, ni lac mbang camereip 3 urang dang akaok 3 negar ni taom gaok gauk kuhria meng thun 2015.

# Cảnh sát Bun-ga-ri pambuak bruk haong gah cảnh sát châu Âu (Europol) bahrau taong tayah sa băng nhóm tội phạm urang Bun-ga-ri saong Tây Ban Nha bhian ngak ja thẻ gilang pariak saong suak jien meng dom mac suak jien automatic  ATM. Cảnh sát Bun-ga-ri brei thau, urang peih abih tih 48 mbang duah mek saong cap khik, dalam nan hu 9 urang hu cap mek di Bun-ga-ri.

10 # Harei 14-6, di bang Oaxaca, gah merong Mêhicô hu sa mbang pui khuah khang di  cơ sở halang menyek Sa-li-na Crus (Salina Cruz)  di  công ty Pê-mếch (Pemex) ngak 9 urang njauk rambuac. Urak ni urang dok jiak labik nan hu paduan ba nao labik karei./.