1./ “Ba gauk ngak kayua pren yava di bhap bini” lac danak dak  iek ruak ngak pahla saong iek glang pren yava bhap bini thun 2017 kayua Hội Chữ thập đỏ Việt Nam pambuk haong Mintri Y tế, Tổng cục Chính trị bol bala bhap bini Việt Nam, Kapul urang gru jru pakat negar Việt Nam peih tabiak ngak. Hadei di 3 thun, danak dak hu iek ruak, brei jru ka labaih 4,4 triệu mbang urang; tacei jalan iek glang pren yava ka jaik 2 triệu mbang urang; jak ba alin hadiah labaih 2,5 triệu pok pandap, saong yaom jien abih tih ka dom bruk ngak nan labaih 900 tỷ đồng.

2/ # Gah ngak nong Thừa Thiên - Huế hu panuac kakei dom puk palei song urang nong tagok bruk pacang caga dom  halak halin palai pajoa phun pala meng akaok bilan Hè Thu 2017.Bilan Hè Thu ni, tỉnh Thừa Thiên – Huế tam drak labaih 25.000 ha padai. Tal puac bilan 6/2017, padai dok dalam tuk vak tabiak dhar, dalam tuk langik hu pandiak gam saong hajan di rilo labik, lagaih ka dom janih halak palai kaik. 

       3# Di xã Phước Đại, huyện Bác Ái, Pasak pachreih công saong Xúc tiến thương mại pambuak bruk haong Ủy ban bhap bini huyện Bác Ái, tỉnh Ninh Thuận bahrau peih mbang darak pandap Việt mai bhum ceik thun 2017. Pataom mbaok tame mbang darak hu 18 cơ sở, doanh nghiệp dalam saong lingiu tỉnh gam saong 32 gian hàng. Ini lac tuk piah ka mikva daok di bhum ceik hu blei pandap Việt siam, yaom mbiah lap saong daok hu mbang tui dom danak dak pachreih blei di dom labik ngak pandap. 

4/ # Sở Lao động, thương binh song  Xã hội, Sở pato megru, Sở ilamu - thể thao song du lịch, Nhà Thiếu nhi, Rayo papar sappapar  binguk   Đồng Nai pambuak gauk  peih ginum biai ka uranaih ngan saong kadha "Pacang caga bạo lực, xâm hại uranaih'' tỉnh thun 2017. Hu 84 adei uranaih gheih lambaok ka  11 huyện, ban sit dalam tỉnh mai hu mbaok. Jeng tapa nan, Ban peih bruk hu alin brei yaok adei uranaih hu mbaok dalam di  diễn đàn sa pok pandap  yaom 200 ribau đồng.

5#Di Cần Thơ, mBan tacei jalan pataom iek bruk kinh tế thun 2017 hu ginum biai ba tabiak jalan ngak ka mbang 2 (meng 1/7 tal 30/7). Ong Lê Ngọc Bảy, Akaok Cục Thống kê, Phó mBan tacei jalan brei thau, mbang 2 di danak dak nan di Cần Thơ, hu pataom tame duah thau gah khối tôn giáo, tín ngưỡng saong baoh sang ngak mbang tui jalan cá thể. Tui nan, C.Thơ brei menuac tabiak ngak bruk nan  harei  1/7 di 9 quận, huyện. Abih tih dom labik ngak mbang pablei salih hu pasang iek, duah thau lac 73.570, cơ sở tôn giáo lac 480. 

6/ # Kapul urang Quốc hội khóa XIV tỉnh An Giang pambuak song kapul  The Dariu Foundation (Thụy Sĩ) peih bruk jao brei 70 sruh radeih juak (yaok sruh hu yaom  2 triệu đồng) ka dom anek saih kan di 2 xã Mỹ Khánh song  Mỹ Hòa Hưng, ban Long Xuyên. Tong abih yaom jien mbang jao radaih juak ini, lac 140 triệu đồng, kayua kapul The Dariu Foundation dong brei. 

7# Di mblang bein palei bingu Gò Vấp, ban raya Hồ Chí Minh,  nyaom darak kaya nong mbang ka VI, thun 2017 kayua Kapul urang ngak nong ban raya.Hồ Chí Minh pambuak bruk haong Sở Công thương saong Sở Ngak nong patagok palei pala ban raya  peih ngak hu peih mbaok ngan saong kadha “Bruk ngak nong đô thị ban raya tagok khang kajap”. Hu labaih 100 đơn vị, menuac urang mai meng 19 tỉnh, ban gah meraong. Ini lac dom urang nong ngak mbang pablei salih naih joi, dom hợp tác xã, dom dhar kapul bruk ngak meng kan saong dom doanh nghiệp ngak nong. 

Patui di ni dom khau tin dunya:

       8/ # Japon song Trung Quốc bahrau hu mbang ginum biai pakat chuyên gia ka dom bruk hàng hải di tỉnh Phư-cư-ô-ca, Japon. Tapa nan hu ginum biai ka dsom jalan ngak PLAIH srau kadau di bhum tasik. Kadha prong abih di mbang ginum biai lac ngak hu halei oh bruk peih ngak "Cơ chế thông tin hàng hải song hàng không", patagok siam lagaih di jalan talei pandiak quốc phòng, klah meriak gauk di angaok tasik.

9# Karja Italia khan lac meda pacang oh brei dom kapan gilai pajeng menuac nhập cư mai meng dom taneh ia karei tame pabah lamnge di taneh ia ini Panuac nan hu gah Italia ba tabiak dalam tuk urang lambaok ka Italia di Liên minh châu Âu Mô-zi-ô Mát-xa-ri (Maurizio Massari) dalam sa blah thư payua tal Liên minh châu Âu hu vak lac, bruk khik ramik khủng hoảng menuac nhập cư dak harei dak oh khang kajap.

         10 # Quốc hội Mỹ dok pasang iek  dự luật pacang cakak urang negar ni nao du lịch tal Cộng hòa Dân chủ bhap bini Triều Tiên. Bruk ni hu ba tabiak hadei di bruk metai di sa sinh viên Mỹ njauk karja  Bình Nhưỡng chap kreik tame guk. Meyah hu brei tapa, tuk nan urang halei khn tal  Triều Tiên brei hu adat di mintri jien padai. Min harak adat ka tuai du lịch oh hu ngak brei./.