1./Bruk daong anek pajaih saong phun pajaih bahrau tui danak dak 30a di Rajaei daok pachreih ba, peih tabiak jalan ka bhap bini bangsa tỉnh Lai Châu cakrok patagok kinh tế, patruh eik patrun kathaot khang kajap. Lingiu di nan, Lai Châu daok hu peih rilo bruk pathau khan tui jalan “pan tangin tacei bruk”, tapa dom mô hình ngak iek saong ginum biai di mbalng hamu, mikva urang nong hu maong iek, hu ngak tui. 

2 # Gah Hợp tác xã tong ikan  dunya song Liên đoàn pakat negar Hợp tác xã tong ikan  Hàn Quốc hu dong  10.000 Đô la Mỹ ka dom  Hợp tác xã tong ikan song urang tong ikan dom  tỉnh gah kreik negar di Việt Nam njauk khat lihik di mbang ribuk ka 12. Ni lac sa kapul di Liên minh Hợp tác xã dunya piah jhul patagok dom  Hợp tác xã tong ikan di dunya, pachreih padang dom  Hợp tác xã tong ikan bahrau; pato pakai song klah rabha ilamu patagok Hợp tác xã tong ikan; pablei salih; klah rabha khau tin di pakat dunya.

3# Gilang pariak ngak nong saong patagok palei pala (Agribank) dhar Bình Thuận peih ngak iek đề án điểm giao dịch gilang pariak lưu động meng radaih ô tô chuyên dùng. Ini lac mô hình gilang pariak lưu động akaok meti di bhum gah meraong. Gilang pariak lưu động angaok radaih nan hu pabak ginup dom bruk di sa labik giao dịch gilang pariak, ba mbuan lagaih di abih ka mikva bhum atah bayah, daong jhul patagok bruk ngak mbang, pala drak, patruh eik, patrun kathaot.

         4  # Chi cục khik ramik darak pasa  tỉnh Bà Rịa Vũng Tàu  brei thau, meng akoak thun  2017 tal ni, Chi cục hu chap mek, langyah 40 bruk pajeng ba  , pablei salih pakao  nhập lậu, tapa nan mek hu jiak 18 ribau pok pakao dom janih,  tong phạt jiak  1,5 tỷ đồng.Ong Nguyễn Văn Hải, Phó Chi cục khik ramik darak pasa  tỉnh brei thau, tuk vak anak tal, chi cục brei patagok bruk tui iek, duah thau, khik caga piah pacang cakak bruk pajeng ba, pablei salih pakao nhập lậu dalam tỉnh.

5 # Kuhria tal tukvak ini, dalam ban sitTây Ninh hu 1.340  menuac hu brei harak lac urang jaoh jo saong taong abih dom urang nan hu brei bảo hiểm y tế, hu mbang jien daong yaok bilan. Rilo urang jaoh jo hu phục hồi chức năng, ngak tangin takai ja, iek ruak, brei jru oh abih jien.

          6  # Tui sở ngak nong song patagok palei pala tỉnh An Giang, urang nong dalam tỉnh trun pajaih padai Vụ Đông Xuân 2017 - 2018 avar hu 7.256 ha/238.000 ha bruk ba tabiak. Dalam nan, huyện Tri Tôn trun pajaih rilo abih lac  5.836 ha, song dom palei dok veik lac ban sit Tân Châu, huyện Tịnh Biên, Phú Tân, An Phú. 

7 # Tui  Ủy Ban bhap bini huyện Nhơn Trạch, huyện hu tut angan haong UBND tỉnh Đồng Nai dalam tukvak tal meda ngak gac 4 khu sang daok xã hội ka urang ngak saong urang duah hu jien takik ngan saong taneh praong abih tih labaih 130 hécta, dalam nan hu 2 labik lac dom mblang taneh di  2 xã Long Thọ, Phước An; 1 labik daok kreh Hiệp Phước, Phước An; 1 labik daok dalam xã Phước An.

Patui di ni dom khau tin dunya:

          8 # Đại sứ Nga di Liên hợp quốc Va-xi-li Nê-ben-di-a ( Vassily Nebenzia) bahrau ni hu panuac lac liên quân kayua Mỹ dang akaok di  Xy-ri dok khin neh rabha negar Trung Đông ni meng bruk padang dom jabat  khik ramik puk palei di dom bhum kayua karja  (IS) khik iek dahlau daih di  Xy-ri.

9# Urang jakar ngak praong di ban sit Đức Dương, tỉnh Tứ Xuyên, Tây Nam Trung Quốc bahrau brei padang rilo jang dom thùng nerak thông minh angaok dom jalan piah daong ka bruk ngak di dom công nhân vệ sinh môi trường. Yaok thùng nerak yau ini caik hu tal 3 tấn nerak. Tuk nerak bak tal 80%, nyu eng drei kích hoạt tagaok, bloh payua tín hiệu tal dom urang vệ sinh môi trường mai pataom mek nao.

          10 # Harei di 3 harei kreik pambah mbang kayua thun mun meng ceik apui Agung pruh tabiak meda ngak kan kandah ka dom mbang par, bahrau ni, mblang kapan haoh dunya di palao  Bali hu peih pambah mbang  veik. Urak ni hu labaih  4.500 tuai damuai dalam labaih  120.000 urang dok gar veik labik ni hu ba tabiak truh palao kaoh ni/.