# Thủ tướng Nguyễn Xuân Phúc  bahrau mbaoh tangin brei tabiak Chỉ thị 06/CT-TTg pandar pasiam veik bruk khik ramik, peih ngak rija, harei pahadar. Tui nan, thủ tướng jao ka mintri ilamu  Thể thao song  Du lịch, dang tabiak pambuak bruk song dom mintri, jabat pagam tal, pasiam veik, tacei ba dom puk palei  ka bruk brei adat, peih ngak rija meng kan, oh luai rah tabiak  domm bruk oh siam, oh mekre yau chen lấn, ngak srau kadau, cuh ngui khan aow oh lagaih, mê tín dị đoan, main mbia, likau mbang.

# Harei 21/2,gah lingiu nyaom meyai Thứ trưởng jien padai saong phaok Thống đốc gilang pariak TƯ APEC 2017, di ban Nha Trang, tỉnh Khánh Hòa, mintri jien padai dang tabiak peih nyaom meyai: “Sarak jien padai saong bảo hiểm pacang caga rủi ro thiên tai”. Tui nan, ilamu ka sarak jien padai saong bảo hiểm pacang caga rủi ro thiên tai dalam khu vực APEC hu ghi nhận saong brei tapa kayua dom akaok mintri jien padai APEC di bilan 10/2017.

#/ Tui akaok UB bhap bini tỉnh Bình Dương, danak dak salih bahrau song taduan urang đầu tư tuk vak 2016-2020 di tỉnh BD hu ba tabiak bruk lac ieu pachreih hu gac 23.000 doanh nghiệp bahrau tut angan tame, ngan song phun jien tut angan labaih 110.000 tỷ đồng.Piah mek hu bruk nan, tỉnh BD peih rilo jalan ngak piah pasiam bruk đầu tư.

#/ Tui kuhria bilan 7/2017, mbang akaok meti pandap chế biến meng ức menuk raong di Đồng Nai hu pablei nao Nhật Bản. Labik dang tabiak padang chuỗi liên kết lac công ty TNHH Koyu & Unitek (daok di khu công nghiệp Long Bình, ban Biên Hòa). Công ty ini gam saong 11 trang trại raong glang di Đồng Nai saong dom tỉnh jaik taphia daok kuhria padang chuỗi liên kết meng akaok thun 2016, meda pabak yaok thun jaik 15 triệu drei menuk mek ức piah ngak, pablei nao Nhật Bản.   

#/ Tỉnh Sóc Trăng, urak ni , dok patagok bruk rong limo rilaow tui jalan paglaong giá trị gia tăng tal thun 2020 song pamong tal thun 2025. Tỉnh Sóc Trăng hu rilo anek pajaih piah tagok tapon, dalam nan bruk rong limo hu urang nong njauk hatai kayua nyu lagaih, hu jien mek tame dalam tuk biến đổi khí hậu.. Kuhria tal puac thun 2016,  abih tih tapon limo di tỉnh tagok tal 43.600, dalam nan hu limo rilaow lac labaih 33.700 drei.

#/ Piah dui urang mai sân khấu kịch, abih di nyu nan lac thể loại chính kịch, ngan saong bruk dàn dựng gheih, Nhà hát Kịch Việt Nam parang iek 10 melam vở kịch “Kiều” di sân khấu ka 1 Tràng Tiền, Hà Nội dalam harei 8/3 jaik tal. Kadha nan mai meng “Truyện kiều” di Nguyễn Du, kayua Nghệ sỹ ưu tú Anh Tú đạo diễn.    

 #/ Phó Giáo sư Tiến sỹ Trần Như Dương, Phó Viện trưởng Viện Vệ sinh dịch tễ Trung ương (mintri  Y tế) brei thau, tui kuhria yaok thun di VN hu labaih 1.000 urang ruak viêm não vi rút, dalam nan viêm não Nhật Bản hu labaih 10%. Jiak 60%  urang ruak di dom tỉnh gah barak . Anak bruk nan, piah samar pacang ruak, tuk vak 2017 – 2018, dự án klauk jru pakat negar meda peih klauk  vắc xin viêm não Nhật Bản ka uranaih umo meng 6 tal 15 thun. Dom Urang nan hu klauk 3 mũi vắc xin. 

Patui di ini dom khau tin dunya:

#/ Kuhria tal urak ini hu 683 bhap bini Cuba njauk trục xuất mai veik taneh ia hadei di tuk Mỹ padeih bruk miễn thị thực ka bhap bini Cuba. Tui panuac khan di jabat Hải quan saong khik caga taphia negar Mỹ, hu labaih 50 ribau bhap bini Cuba nao tal Mỹ dalam thun 2016.  

#/ Thứ trưởng mintri Môi trường Brazil Everon Lucero brei thau taneh glai Amazon di negar ni njauk palai pajoa atau am cuh di thun 2016 tagok tal tanut báo động song 8.000 km2, tagok jiak 30% dut song thun dahlau. Tui ong Lucero, bruk tak  glai tagok kayua rilo makna, min rilo meng kayua srau kadau chính trị song khủng hoảng kinh tế ngak ka bruk khik ramik song tui iek di karja dalam bruk ni takik siam lagaih.

#/ Patrun ô nhiễm không khí lingiu lingik hu daong pacang cakak 2,7 triệu urang menek oh tal bilan yaok thun  di dunya. Tui ruah duah đăng angaok tạp chí Môi trường dunya (Environment International), dom asar thur mur sit par dalam không khí lac khí thải meng radaih ô tô, khuah glai, atau bruk am pol, am njuh… meda ngak brei menek oh ka tal bilan gam saong dom makna karei yau pren yava saong umo di amaik./.