1# Jabat Rajaei bahrau peih bruk rik daong bhap bini dom tỉnh bhum kreih negar pasaim dom khut khat kayua ribuk ka 10. Hu mbaok Thủ tướng Nguyễn Xuân Phúc, dom Phó Thủ tướng rajaei. Dahlau di nan, Thủ tướng hu ngak bruk haong dom urang dang akaok dom tỉnh Quảng Bình, Hà Tĩnh saong dom mintri, dom gah piah tacei jalan daong, yau brei brah ka dom puk palei, samar pabak điện veik piah pasiam veik bruk ngak mbang, ngak huak.

          2/  # Bahrau ni, di pasak papar sap pakat negar, labik (58 Quán Sứ, Hà Nội), Rayo sap ndom Việt Nam peih tabiak bruk song pachreih dong bhap bini gah kreih negar  gaok bala ribuk ka 10. Tổng Giám đốc Rayo sap ndom  Việt Nam Nguyễn Thế Kỷ ndom lac, dalam mbang ribuk ni, dom gah di  rayo ngak siam bruk pathau khan. Rilo urang vak hu mbaok di bhum ia sua piah brei thau, vak kadha, ngak phóng sự… ba tagok song papar sap di tong abih dom jalan di rayo sap ndom Việt Nam yau papar sap, papar binguk, báo điện tử, báo in, nao tapak pachreih ba mik va song hu pren pambak parong dalam xã hội. 

          3# Piah samar daong ka bhap bini gaok kan kandah trak kayua ribuk ka 10, bahrau ini, kapul ngak bruk di Central Group Việt Nam saong dom siêu thị Big C pambuak bruk haong Ủy ban Mặt trận Negar tỉnh Hà Tĩnh, Hội Chữ thập đỏ tỉnh Hà Tĩnh nao alin hadiah pandap tal tangin bhap bini daok di 2 xã Kỳ Tiến saong Kỳ Giang, huyện Kỳ Anh, abih tih hu 500 pok pandap, yaom 250 triệu đồng.

           4/ # Harei 20/9, Ủy ban Mặt trận negar ban Cần Thơ tabiak bruk rik dong bhap bini bhum kreih negar pasiam veik khat lihik kayua ribuk ia sua. Tapa jak ba mbang camereip hu jiak 3 tỷ đồng. Mbang jak ba hu dui atah tal abih harei  30/9 tal.

5# Meng ini tal abih harei 20/2/2018, mBan peih ngak danak dak brei thau “Kayua siam mekre salamat bruk nao mai angaok jalan ban ine” daok taduan dom kadha báo chí payua tame bruk pakacah vak “An toàn giao thông Thủ đô” thun 2017.  Kadha bahrau di bruk pakacah lac lingiu di bruk pakacah vak yau dahlau daih, mBan peih bruk daok brei pakacah trắc nghiệm duah thau adat hukum saong ilamu nao mai di jalan angaok internet piah pachreih rilo jang urang tame pakacah lac anek saih dom sang bac di ban ine, rik daong paglaong bruk hu thau, ngak njauk tui adat hukum di menuac sia tuk nao mai angaok jalan, abih di nyu nan lac dom dam dara, urang daok ranaih.

6/ # Danak dak 135, tuk vak 2017- 2020, tỉnh Trà Vinh hu Trung ương buh brei labaih 58 tỷ đồng, piah patagok  kinh tế, xã hội bhum bhap bini bangsa takik  . 24 xã song  52 palei biak kan kandah hu buh jien brei mbang ni rilo meng lac bhum hu rilo urang khmer daok. Dom danak dak sit hu peih bruk dong brei, lac danak dak padang ngak khik ramik jalan mbak, danak dak peih prong mô hình patrun kathaot, danak dak pato pakai urang jakar puk palei.

7# Rilo bilan tapa, urang blei salih nao tal dom bein di Sóc Trăng, Hậu Giang, ban sit Cần Thơ… duah blei paneng meda that yaom meng 9.000-10.000 đồng yaok kg (teik gam dhar), ba mai bluh thu pablei tapa Trung Quốc yaom meng 100.000 tal 130.000 đồng sa kg, tui janih. Hu thau, 6 kg paneng that, hadei di tuk bluh thu jeng 1 kg paneng thu. Bruk ini, urak ini daok ba mai kein laba ka urang pala paneing jeng ye dom urang pablei salih paneng.

          Patui di ni dom khau tin dunya!

8/ # Tổng thống Mỹ Đô-nan Trăm tabiak panuac lac Mỹ meda pasang iek pambuak veik dom bruk dong gah quân sự ka Ai Cập. Bilan dahlau , rajaei Mỹ oh taduan bruk dong 95,7 triệu đôla song dui atah bruk daong  195 triệu đôla  ka Ai Cập kayua dom kadha pambuak tal nhân quyền.   

          9# Takik di abih 4 urang metai saong labaih 40 urang karei njauk rambus kayua radaih paoh gauk di mbang U-ta Pra-đét (Uttar Pradesh), gah brak Ấn Độ. Ấn Độ lac taneh ia hu bala radaih paoh gauk rilo di jalan, kayua jalan saong radaih oh siam.

          10 # Dom urang roh duah di đại học Nót-tinh-ham (Nottingham), Anh bahrau patagok sa janih jamriak  quét não hu ngak kayua công nghệ in 3D. Janih jamriak quét ni hu độ nhạy jang  4 mbang dut song hệ thống chụp từ não (vak katut lac MEG) dok hu  pandar biak rilo./.