#/ Patui danak dak mbang nyaom ka 2, QH mbang 14, harei 22/11, QH ginum biai tong abih di Hội truong. QH njauk hatai brei tapa sarak ka bruk peih ngak iek cấp thị thực điện tử ka urang negar langiu tame VN, tapa hukum pasiam veik, pabak phụ lục 4 ka Danh mục ngành, nghề đầu tư pablei salih hu điều kiện di hukum đầu tư. Jeng dalam mesup harei ni, QH hu ginum biai di hội trường ka dự án hukum dong ka DN mbiah song sit.

#/ UB bhap bini tỉnh Bình Định barau quyết định daong labaih 31 tỉ đồng ka dom doanh nghiệp hu mbaok tame tani tanat darak pasar tuk tết nguyên đán anek sak menuk. Tui nan. Siêu thị Co.opmart Quy Nhơn, siêu thị Co.opmart An Nhơn, Công ty Trách nhiệm Hữu hạn pablei salih , sản xuất, xuất nhập khẩu Anh Nhật, ban sit Quy Nhơn saong 3 doanh nghiệp pabak pandap di 3 huyện bhum ceik Vân Canh, Vĩnh Thạnh, An Lão hu daong mbang ini. Thun ini, danak dak tani tanat yaom kaom di tỉnh Bình Định peih ngak dalam 3 bilan, meng harei 15-12-2016 tal harei 15-3-2017. 

#/ Piah tagok bruk khik ramik darak pasa dalam tuk lễ, tết, Chi cục khik ramik darak pasa tỉnh Đồng Nai hu jalan tui iek darak pasa dahlau, dalam song hadei Tết Nguyên đán anek sak menuk 2017. Tui nan meng harei 1/12/2016 tal harei 12/3/2017, dom kapul khik ramik darak pasa tagok bruk tui iek, duah thau piah pacang bruk pajeng ba song pablei salih pandap cấm, pandap nhập lậu, sản xuất, pablei salih pandap ja, yau jang kham merat pambuak bruk song dom jabat khau tin đại chúng dok dalam tỉnh song dom jabat, đơn vị pagam njauk tuk vak pathau khan, jak ba DN, urang pandar oh tiếp tay ka dom bruk  gian lận thương mại.

#/ Barau ini, bruk jaleih haluk di labik takai tasik di xã pulao Tam Hải, huyện Núi Thành, tỉnh Quảng Nam rah tabiak dak harei dak khang. Di ralo labik, riyak tasik hu taong pacah ar lih tame dalam baoh taneh. Ralo baoh sang bhap bini klak sang danaok pandual nao labik karei. Anak bruk ia tasik njom tame dak harei dak dalam tame baoh taneh, xã Tam Hải caong khin hu đầu tư padang ngak dom labik takai ar khang kajap ngan saong abih tih atah 4,5 km. Bhap bini saong karja palei di labik ini hu kuhria, kham merat pala glai dauk mbak ngan saong abih tih taneh pala barau lac 17 ha

#/ Ngan song bruk kham merat meng ni tal thun 2020 taduan tuai du lịch tui kuhria meng 7 tal 9% dalam sa thun, tỉnh Vĩnh Long peih bruk tui iek 5 labik quy hoạch du lịch, 4 danak dak ieu patom đầu tư  patagok du lịch prong  ngan song phun jien abih tih 890 tỷ đồng song 3 danak dak ieu patom đầu tư labik du lịch sinh thái tui jalan XH hóa. Tỉnh hu tacei jalan ka dom gah chức năng pataom iek bruk khả thi di dom danak dak gam song bruk đầu tư nâng cấp cơ sở jalan mbak piah pabak tuai du lịch. 

#/ Harei 21/11, Giám đốc Sở Y tế tỉnh Bà Rịa - Vũng Tàu brei thau, Viện Pasteur ban raya Hồ Chí Minh hu kết quả ka urang kamei ruak, umo 22, daok di khu phố Tân Phú, ban sit Phú Mỹ, huyện Tân Thành dương tính saong virut Zika. Yau nan, tal tukvak ini, Bà Rịa-Vũng Tàu hu 2 urang njom  Zika. Gah Y tế tỉnh Bà Rịa - Vũng Tàu khoanh vùng sruh jit, pasang iek dịch tễ saong langyah abih sruh jit. Taphia di nan, khám, tacei pato ka 72 urang kamei metian di ban sit Phú Mỹ saong 8 urang kamei metian di khu phố  TA^n Phú, huyện Tân Thành.

#/ Sở Y tế tỉnh Bình Phước brei tha, meng akaok thun tal ni, dalam tỉnh hu labaih 3.600 urang ruak pandiak tabiak darah, dalam nan hu 1 urang metai. Tong abih 11/11 huyện, thị di Bình Phước hu urang ruak pandiak tabiak darah. Di dom huyện, thị hu urang ruak pandiak tabiak darah glong yau ban sit Đồng Xoài huyện Chơn Thành, Đồng Phú song Bù Đăng...Anak bruk tamuh ruak, gah y tế tỉnh Bình Phước samar peih ngak bruk pacang cag ruak pandiak tabiak darah. Gah Y tế jhul pakhang bruk pathau khan piah ka urang pametai jamuk, lăng quăng , pacang caga kayua vi rút Zika song pandiak tabiak darah. 

Nhạc cắt

Patui di ini dom khau tin dunya:

#/ Mesup harei ini 22/11, hu rah tabiak sa mbang megei baoh taneh khang 7,3 độ rích-te ngak megei labik brak di NB. Jabat Khí tượng Nhật Bản hu tabiak panuac cảnh báo riyak paoh ngan saong tỉnh Phư-cư-xi-ma saong dom labik karei. Công ty điện lực Tô-ki-ô (TEPCO), Nhật Bản brei thau mbang megei baoh taneh oh ka ngak khat lahik tal dom sang mac điện hạt nhân di Phư-cư-xi-ma, min hu ngak lahik điện di dom khu vực. Dom jalan pasei cao tốc njauk padeih peih.

#/ Cảnh sát di ban Bơ-gien (Bergen)- ban raya prong ka 2 di Na Uy bahrau triệt phá hu sa đường dây lạm dụng uranaih prong di abih dalam negar ni. Cảnh

sát chap kreik song buộc tội 51 urang likei peih bruk vi hiếp dâm song tấn công tình dục ngan song uranaih, hadei di tuk peih bruk tui iek dui atah sa thun. Dom urang ni lac thành viên di dom mạng lưới mại dâm uranaih, hu pambuak pagam song gauk tapa sa blah web njuk .

#/ Akaok mintri jalan pasei Ấn Độ Xu-rét Pra-bhu sanya peih dom jalan trừng phạt catang ka dom urang taduan trách nhiệm rah tabiak bala jalan pasei di mban U-ra P-ra-đét di taneh ia ini di harei 20/11, ngak takik di abih 142 urang metai saong labaih 200 urang karei njauk rambuah. Ấn Độ lac taneh ia sở hữu hệ thống jalan pasei praong ka pak dunya, min dom jalan pasei di taneh ia ini ralo meng lac klak saong khut./.