#/ Thủ tướng rajaei bahrau mbaoh tangin tame sarak buh ngak danak dak “ Dong ba thiết bị sang iek ruak dã chiến pakat 2 meng rajaei Mỹ” kayua Rajaei Hợp chủng quốc Hoa Kỳ dong oh bayar veik. Jalan ngak di danak dak peih bruk pasram megru ka gah khik ramik hòa bình Liên hợp quốc, dom janih pandap thiết bị di sang iek ruak dã chiến pakat 2, dong patagok bruk iek ruak, pabak dịch vụ y tế ka dom nhân viên khik ramik hòa bình Liên hợp quốc.

#/ Dua mintri Công Thương – Jien padai hu quyết định ramik veik  yaom xăng menyek meng 15 tuk harei 21/3/2017. Tui nan, yaom xăng khoáng RON 92 trun 708 đồng/lít saong xăng E5 trun  661 đồng/lít. Ini lac mbang trun ka 2 ngan saong yaom xăng  saong mbang trun ka 3 ngan saong dom janih menyek dalam thun 2017.

#/ Piah patagok bruk khik caga chủ quyền, an ninh tapen negar, Bol lin biên phòng tỉnh Quảng Ninh pambuak bruk song dom puk plaei  labik tapen negar, palao kaoh dalam tỉnh peih rilo bruk ngak cambaih laih, dalam nan hu ngak iek danak dak ba urang jakar, urang lin biên phòng hu mbaok tame pakat ủy dom huyện, ban sit tapen negar, palao kaoh.

#/ Di huyện Điện Biên, tỉnh Điện Biên hu peih khai hội đền Hoàng Công Chất, peih Lễ hội thành bản phủ thun 2017 saong harei pataom ilamu, TT, DL dom bangsa huyện Điện Biên mbang ka 6. Lễ hội Thành Bản Phủ lac lễ hội meng kan hu peih ngak yaok thun meng harei 24 tal harei 25 bilan 2 tui saka ia bulan yaok thun piah hadar dhar phon urang anh hùng áo vải Hoàng Công Chất, gam saong dom tướng sỹ nghĩa quân hu buh pren yava taong pataok kol khamang Phẻ, khik caga bản Mường.

#/ Huyện ủy Bình Sơn, tỉnh Quảng Ngãi peih bruk rik dong padang ngak “ boh sang pakat ủy” piah klah rabha dong ka dom boh sang hu buh pren yava ka CM atau dom boh sang urang đảng hu rai duik kan kandah ka sang dok. Urak ni di huyện Bình Son hu jiak 3000 boh sang hu dong pasiam veik, padang ngak sang dok. Kayua yau nan ye, dalam thun ni, huyện ủy brei ngak hu 50 “ boh sang pakat ủy” hu yaom 40 triệu đồng sa boh sang.

#/ Di ban sit Đăk Hà, huyện Đăk Hà, tỉnh Kon Tum hu rah tabiak mbang parang iek bản đồ saong parang iek tư liệu Hoàng Sa – Trường Sa di VN – dom bằng chứng sajarah dak rai saong pháp lý. Bruk ngak ini kayua Sở thông tin saong tuyền thông tỉnh pambuak saong UB bhap bini huyện Đăk Hà peih tabiak.

#/ Tinh Bà Rịa – Vũng Tàu bahrau mbaoh tangin tame danka dak “ iek ruak njein jru phien halan hatain oh mek jien di cơ sở Tư vấn song iek ruak njein jru phien Tỉnh”. Đề án meda ngak iek dalam 2 thun, tuk vak 2017-2019. Tui nan, danak dak hu peih ngak ka urang njien hu rai duik kan kandah, hu hộ khẩu thường trú, KT3 dok di tỉnh hu dong tong abih jien chi phí, iek ruak song mbang ngui.

Nhạc cắt

Patui di ini dom khau tin dunya:

#/ Mintri lao động TL hu brei thau pandar taong abih urang lao động nhập cư dalam gah thủ sản brei tut angan piah taduan mek harak brei adat lao động dahlau harei 31/3 tal. Urak ini TL hu jaik 47 ribau lao động nhập cư hu tut angan tabiak harak brei adat lao động. Daok jaik 99 ribau urang meda lac urang lao động  sung hukum. Mintri lao động TL ieu dom po pandar lao động daong urang lao động nhập cư ngak veik harak brei adat dahlau harei 31/3, meyah oh urang lao động nhập cư njauk trục xuất.

#/ Đại sứ quán Nhật Bản di  Braxin harei kabroi hu khan lac, negar ni brei padeih bruk blei tame menuk ada song dom pandap karei karei meng 21 sang mac sik ngak rilaow di Braxin. Mbang bê bối rilaow oh hacih di Braxin hu báo chí brei thau, hadei di tuk cảnh sát negar ni duah mboh sa labik mek hối lộ piah brei harak chứng nhận ka dom janih rilaow mbau bruk, oh hu chất lượng, piah ba tabiak darak pasa pablei, jang yau brei adat ka dom cơ sở sx pandar jru mek ba tal ruak ung thư, piah ngak dom janih pandap ngak meng rilaow hu sambo siam song pahe.

#/ Piah pacang cakak bruk khủng bố, Mỹ hu khan brei thau lệnh oh brei tuai damuai ba thiết bị điện tử praong dalam hành lý pan tangin tal taneh ia ini. Lệnh hu pandar ka dom tuai damuai nao tal Mỹ meng dom mblang kapal haok di Gioóc-đa-ni, Ai Cập, Thổ Nhĩ Kỳ, A-Rập Xê-út, dom taneh ia  Ả Rập thống nhất, Cô-oét, Ma-rốc saong và Ca-ta. Tui nan, dom thiết bị điện tử praong yau máy tính pan tangin, máy tính bảng,máy quay phim…. Brei caik dalam hành lý payua./.