1# Beir harei 21-6,  di sang Quốc hội rah tabiak “Ginum biai patagok bruk urang jakar kamei, urang jakar bangsa takik”. Dang aokak mbang ginum biai hu akaok Quốc hội Nguyễn Thị Kim Ngân.   Urak ni hu dom jabat hu urang jakar kamei rilo yau  Thông tấn xã Việt Nam, rayo sap ndom Việt Nam, Gilang pariak karja Việt Nam. Min, urang jakar kamei, urang jakar urang bangsa takik  dok hu takik.

2# Bair harei 21-6,  Phó Thủ tướng, akaok mintri ngoại giao Phạm Bình Minh hu raok ông Giôn Kê-ri (John Kerry), dahlau daih ngak Ngoại trưởng Hoa Kỳ dalam mbang ông tapa ravang Việt Nam meng harei 20 tal 21/ 6/2017. Phó Thủ tướng, akoak mintri Phạm Bình Minh  caong khin ông Giôn Kê-ri daong jhul khang pambuak bruk ka bruk patagok dua taneh ia, dalam nan hu bruk paglaong pambuak ngak mbang kinh te – pablei salih dat tu, pato megru, alamu – cong nghe, ramik pasiam hau qua meng mesruh metak, daong cakak saong biến đổi khí hậu…

     3# Harei  21-6 di  Hà Nội rah tabiak Hội nghị Đoàn Chủ tịch Ủy ban Trung ương Mặt trận negar Việt Nam mbang ka 12. Kadha prong di nyaom biai mbang ni lac ginum biai, brei panuac ka harak pathau khan di  Ban Thường trực ka hiệp thương cử Chủ tịch Ủy ban Trung ương Mặt trận negar Việt Nam song harak pathau khan hiệp thương pabak menuac tame mBan Thường trực, Đoàn Chủ tịch Ủy ban Trung ương Mặt trận negar Việt Nam (mbang 8) piah pok tagok nyaom biai ka 7 Ủy ban Trung ương Mặt trận negar Việt Nam hiệp thương rah tabiak harei  ni  22/6.  

       4# Harei ini 22-6,  labaih 866 rabau thí sinh dalam taneh ia yam tame harei pakacah akaok mereip mbang pakacah Trung học phổ thông pakat negar thun  2017. Var pagaiy, dom thí sinh pakacah Ngữ văn tui jalan tự luận, tukvak ngak bài 120 minit. Var baiar harei, thí sinh pakacah môn Toán tui jalan trắc nghiệm, tukvak ngak bài 90 minit. Dalam taneh ia jak ba labaih 90 rabau urang jakar nhan vien pataom tame mbang pakacah.

        5# Harei 21/6, Mintri ngak nong song patagok palei pala brei thau bruk padang Cục Chế biến song patagok kaya nong , di mintri. Cục Chế biến song patagok  darah pasa kaya nong lac labik dang akaok gah pablei salih, patagok darak pasa kaya nong di mintri ngak nong song patagok palei pala. Cục hu brei bruk tham mưu ka rajaei  padang jalan ngak gah darak pasa kaya nong dalam negar song darak pasa kaya nong dunya.

6# Piah pabak rilo mblang mein saim lagaih ka dom adei uraniah dalam tuk hè, di dua harei kabroi saong harei ini 22/6, Tỉnh Đoàn Kon Tum peih ngak Hội trại thiếu nhi dom bangsa tỉnh thun 2017.  Pataom tame Hội trại hu labaih 200 trại sinh lac dom adei uraniah bac daa naih joi, lambaok ka labaih 57 rabau đợi viên dalam tỉnh. Di dua harei rah tabiak hoi trai, dom adei hu pataom tame rilo bruk chreih chrai ye: hareo pataom cong chieng saong sap daoh uraniah dom bangsa; mbang pakacah Nét đẹp đội viên; bruk trại kỹ năng…

          7# Jiak 15 tuk beir 1/6, hajan khang ngak ka rilo jalan di ban raya Hồ Chí Minh dauh dalam ia. Hajan khang gam tui hangin ribuk ngak ka rilo urang labuh trun jalan tuk dok peih radeih. Hangin khang ngak ka rilo boh sang di  quận Thủ Đức par tabung. Tui urang vak, dauh dalam  abih di jalan Huỳnh Tấn Phát, Quận 7 song xa lộ Hà Nội labik Quận 9. Di labik ni, radeih peih rilo, ia dauh dalam labaih meteh kon radeih, bruk nao mai di menuac urang gaok rilo kan kandah. 

          Khaw tin dunya

8# Tổng thư kí Liên hợp quốc An-tô-ni-ô Guê-tê-rết (Antonio Guterres) hu tacei sa urang ngoại giao Nga dang akaok jabat pacang caga khủng bố di Liên hợp quốc. Ini lac jabat barau hu padang tabiak di Liên hợp quốc.

          9# Thứ trưởng Ngoại giao Nga Xéc-gây Ri-a-cốp (Sergey Ryabkov)  brei thau lac klak mbang ndom biai nao mai haong  Thứ trưởng Ngoại giao Mỹ, hadei di tuk Mỹ ba tabiak dom jalan trừng phạt bahrau tame Nga.  Dahlau di nan sa harei, Rajaei di Tổng thống Mỹ Đô-nan Trăm (Donald Trump) brei thau bruk  áp đặt dom jalan trừng phạt tame 38 urang  song dom công ty di Nga pambuak tak bruk di Ucraina. Mintri jien padai Mỹ brei thau, dom jalan trừng phạt ni piah khik sức ép tagok Nga, pachreih sa jalan ngak gah  ngoại giao ka bruk srau kadau di Đông Ucraina.

 10# Thủ tướng Anh Thê-rê-xa Mây (Theresa May) harei 21-6 payua panuac likau am pul ka bruk suai damuai di bruk daong dom sang gaok bala di mbang khuah chung cư di gah Pai Luân Đôn adit dahlau. Khan brei thau anak Quốc hội, Thủ tướng Mây ndom lac, bruk daong ka dom sang daok diuk rai dalam libik chung cư di tukvak akaok mereip rah tabaik khuah jeng oh ka siam. Trách nhiem di karja puk palei lac njauk daong urang bhapbini di tuk dom urang nan cần abih. Meng tư cách lac Thủ tướng, amuk Mây mek trách nhiem ka dom thieu sot ini, taphia nan nan khan lac meda hu dom bruk ngak piah daong ka sang njauk bala drak samal abih.