#/ Jabat rajaei bahrau hu harak brei thau panuac tacei di thủ tướng rajaei ka bruk tut angan, cấp biển số 80A, 80B ka radeih di DN. Tui pathau khan di mintri CA, thủ tướng rajaei pandar mintri CA ngak  khang bruk cấp biển số ô tô ký hiệu 80, tui jalan ngak lac tok brei ka dom jabat TƯ, dom ban, dom mintri, dom gah, jang yau radeih hu blei meng kadung jien karja.

#/ Phaok Thủ tướng rajaei Vương Đình Huệ barau pandar mintri công thương dang tabiak tacei pato Tập đoàn Điện lực Việt Nam (EVN) saong pambuak bruk hong dom jabat pambuak tal ba tabiak kịch bản ramik veik yaom điện thun 2017 pok tagok thủ tướng rajaei dahlau harei 25/3. Tui nan, mintri công thương, EVN hu pasiam veik pathau khan ka bruk sản xuất, pablei slih, jienpadai, yaom phun saong yaom pablei điện thun 2016, jalan ngak ka thun 2017.

#/ Hadei di rilo bruk ngộ độc alak rah tabiak di rilo tỉnh, ban, ngak ka urang di tỉnh Yên Bái biak dut hatai. Anak bruk nan, tỉnh hu peih ngak  dom jalan ngak piah tui iek bruk alak lậ, alak oh thau asar di nyu. Urak ni, bruk pablei salih, pandar dom janih alak oh thau asar di nyu dok pambak di grauk labik di tỉnh Yên Bái, abih di nyu nan lac mik va di bhum ceik glong. Anak bruk nan, tỉnh hu padang tabiak kapul tui iek liên ngành tal dom huyện, ban sit, ban prong piah tui iek bruk ngak alak song pablei dom janih alak.

#/ Tỉnh Đoàn Quảng Trị peih bruk pahadar 86 thun padang Đoàn Tdam dara  cộng sản Hồ Chí Minh, pachreih tui bilan dam dara Việt Nam thun 2017, pok meyaom 86 Bí thư chi đoàn naih gheih. 86 Bí thư chi đoàn hu pok meyaom mbang ini lambaok ka jaik 2.500 Bí thư chi đoàn dalam tỉnh Quảng Trị. Ini lac dom kreih camin hadah nao dahlau dalam bruk dak padang chi đoàn khang kajap, ba dom sarak, danak dak, jalan ngak di đoàn tame rai diuk dam dara.

#/ Sở pato megru tỉnh ĐN pambuak bruk song Bộ Chỉ huy quân sự tỉnh peih  Hội thao Giáo dục quốc phòng – an ninh anek saih pakat trung học phổ thông tỉnh ĐN mbang ka 7 thun 2017. Hu mbaok di hội thao hu 384 vận động viên, mai meng 64 sang bac Trung học phổ thông dalam tỉnh. Dalam tuk vak meng ni tal harei 24/3, dom thí sinh meda pakacah 3 kadha, paglong akaok sahaneng ka bruk khik ramik palei negar, điều lệnh đội ngũ song nduac 100m.

#/ Tỉnh Bến Tre hu tapon limo jaik 200 ribau drei, dang ka 2 bhum taneran kraong Cửu Long. Min Bến Tre lac tỉnh hu taneh ngak padai takik abih khu vực saong kayua pandiak bhang, njom mbak di thun bloh, dom taneh padai hu salih tapa pala phun karei nan ye pon kurang. Meyah lac yaom biak glaong min urak ini urang raong limo daok jak gauk blei pon mai mepiah kayua tal bilan 8 meng hu pon di vụ hè thu.

 #/ Harei 22/3, akaok UB bhap bini ban raya HCM Nguyễn Thành Phong pan akaok nysaom ginum biai ka bruk langyah dom tavak tavaiy tiến độ dom labik pataok radeih di ban raya. Pok panuac tacei jalan di nyaom biai akaok UB bhap bini ban raya HCM Nguyễn Thành Phong pandar Sở Giao thông vận tải pambuak pakhang song Sở Quy hoạch kiến trúc peih jalan ngak ni.

Nhạc cắt

Patui di ini dom khau tin dunya:

#/ Dom urang ruah duah di Gah Y tế Dunya brei thau, njuk pakao dalam dunya trun hu 2,5% hadei di 10 thun Công ước Khung ka bruk pasang iek pakao hu ba tabiak ngak tui. 180 taneh ia tut angan tame njauk gauk brei patagok thuế pakao, padang dom labik oh njuk pakao, oh brei quảng cáo saong pandar mbat nhãn cảnh báo ka tác hại di pakao angaok paok pakao saong padang dom danak dak piah daong bhap bini klak njuk pakao.

#/ Dom urang ilamu di sang bac ĐH Các-lốt 3 (Carlos III) di ban  Ma-đrít  (Madrid), Tây Ban Nha, bahrau duah mboh sa janih mac in sinh học meda ngak tabiak klik nhân tạo nyu dreih yau klik di menuac sia. Bruk ngak ni, cong khin meda hu sa jalan ngak bahrau dalam bruk iek ruak meng klik song cấy ghép klik

# / Sa mbang megei baoh taneh khang 5,5 độ rích-te rah tabiak di harei 22/3  ngak tatuan pulao padeih padei Ba-li di In-đô-nê-xi-a. Yaom lac oh hu thei metai, min mbang megei baoh taneh ngak jaleih baoh kandi Kê-han saong ngak brei bhap bini jeng yau tuai damuai DL huac kanda./.