1# Di palei Bình Thắng, xã Phan Hòa, huyện Bắc Bình, tỉnh Bình Thuận hu rah tabiak bruk peih pakak bimaong Po Patao At (pô pa-tao át), lac urang hu buh pren ka bruk peih taneh bilau, ba ia tame hamu di palei Bình Thắng (Palei Panat) dalam dom thun 60 di abap XVI. Bimaong ini hu padang di labik taneh praong 1.000 m², saong yaom jien ngak abih labaih 1,5 tỷ đồng. Ini lac jien hu ieu pataom meng bhap bini pak ini saong dom mạnh thường quân. Ong Mai Văn Tiền – sa dalam dom urang hu mbaok tame bruk padang ngak meng tuk camereip chreih chrai brei thau: 

2 # Caga tame bilan eik Ramadan di mik va  Chăm tui agama Islam,  Ủy ban MTnegar Việt nam ban rayo .HCM  hu peih kapul nao rivang song brei pandap ka labaih  100 sang mik va  Chăm hu rai duik kan kandah. Yaok pok pandap hu yaom  1.500.000 đồng, dalam nan hu pandap panda hu yaom  500.000 đồng song jien mbaok 1 triệu đồng ka dom boh sang. Urak ni, di ban raya  .HCM hu labaih  7.000 urang  Chăm,  dalam nan dok  110 boh sang hu rai duik kan kandah.  Saai Ro-ny, sa urang  Chăm di  quận Bình Thạnh ndom lac:

           Harei ni hu Đang song karja brei pandap mbang ...

3# Tỉnh Trà Vinh daok pataom tame ngak rilo jalan piah paglaong ilamu meuac ngak, ba brei bruk ngak, ieu pataom dom pren khang piah patrun kathaot samar saong khang kajap, abih di nyu nan lac dom xã biak kan kandah, xã bãi ngang, xã hu bhap bii Khmer daok, tukvak 2018 - 2020. Tỉnh pataom tame dom jalan ngak yau ye: Paglaong akaok sahneng di dom pakat, dom ngành, dom kapul nyaom saong bhap bini ka chất lượng menuac ngak, ba bruk ngak saong patrun kathaot; ngak siam bruk pato bruk ngak, daong phun jienbrei mesraiy piah ngak mbang ka dom sang kathaot, sang jaik si kathaot.

     4 #Ủy ban An toàn giao thông pakat negar brei thau dalam 4 harei padeih lễ, meng harei 28-4 tal 1-5, dalam negar  rah tabiak  113 mbang tai nạn giao thông ngak brei  79 urang metai,  79 urang njauk rambuac . Di dom sang iek ruak, cơ sở y tế di ban raya HCM hu  8 ribau mbang  tame sang iek ruak  cấp cứu, dalam nan hu labaih 950 mbang  tai nạn giao thông. Jeng dalam 3 harei ni , hu  26 urang metai, dalam nan hu 4 urang kayua tai nạn giao thông.

5# Dalam dom harei 30/4 - 1/5 thun ini, tuai mai tal Cần Thơ biak rilo, tuai meng ban raya Hồ Chí Minh saong dom tỉnh gah barak tuh mai ralo. Tuai mai tal Cần Thơ thun ini ralo, dom labik ndih daok, dom labik du lịch pabak hu hatai caong di tuai. Abih di nyu nan lac, bruk an ninh trật tự, pacang khauh padam khuah, hacih sa-at pandap mbang menyum di dom labik ndih daok saong dom labik du lịch hu khik kajap, ngak ka tuai damuai mboh sahanang hatai tuk mai du lịch di Cần Thơ.

              Patui di ni dom khau tin dunya :

          6 # Tổng thống Pháp Em-ma-nu-en Ma-crông bahrau nao rivang Ôxtrâylia. Ni lac mbang nao rivang piah patagok talei pambuak bruk kinh tế, quốc phòng song pambuak bruk pacang biến đổi khí hậu.  2 gah hu ginum biai dom bruk karei yau bruk ginum biai sa Hiệp định tự do thương mại di Ôxtrâyla song Liên minh châu Âu, bruk pacang caga biến đổi khí hậu di  Nam Thái Bình Dương.

7# Gah Y tế dunya harei kabroi (1/5) brei thau, ô nhiễm không khí ngak brei 7 triệu menuac metai yaok thun, dalam nan, ralo meng lac dom taneh ia kan kathaot di châu Á, châu Phi. Tui kuhria mboh bahrau di abih, dalam yaok 10 urang ye 9 urang angaok baoh taneh ini daok suak yava dalam không khí ô nhiễm.  Gah Y tế dunya daok kuhria peih nyaom biai ka ô nhiễm không khí saong pren yava akaok meti di bilan 10 thun ini.

8 # Akaok mintri năng lượng Ấn Độ  Cu-ma Xinh (Raj Kumar Singh) brei thau, 82% dom boh sang di  Ấn Độ hu  điện pandar .Brei panuac anak gah truyền thông,  ong Cu-ma Xinh dom lac, Rajaei daok kham merat ngak ka dom sang dalam negar hu ginup  điện pandar, dalam nan hu dom boh  sang  dok ala tanut kathaot . Rajaei Ấn Độ daok pamaong tal bruk pabak  điện ka tong abih dom boh sang  dalam harei  31/12/ thun ini/.