1# Thủ tướng Rajaei bahrau mbaoh tangin brei ngak danak dak peih ngak Nyaom roya  dom bangsa takik pakat  huyện, pakat tỉnh mbang ka III thun 2019 song nyaom roya pakat negar dom bangsa takik Việt Nam mbang ka II thun 2020. Bruk ngak di nyaom roya lac pok meyaom pren rik dong prong di bhap bini bangsa takik dalam bruk patruh eik patrun kathaot, padang ngak palei pala bahrau, patagok jalan mbak, peih ngak sarak bangsa, dak padang, khik caga palei negar song ba drei tame dunya, pok meyaom dom kapul nyaom, menuac urang naih ghieh dalam bhap bini dom bangsa takik Việt Nam tuk vak ba drei tame song patagok taneh ia meng thun  2009-2019. Gam song bruk mbaoh tangin brei ngak, Trung ương jeng hu padang  Mban tacei jalan Nyaom roya  pakat negar kayua  Phó Thủ tướng Thường trực rajaei ngak Trưởng ban; Akaok mintri, Chủ nhiệm Ủy ban bangsa  ngak  Phó Trưởng ban Thường trực.

2 # Tui Pasak Dự báo khí tượng - thủy văn negar, ia sua meng gah ngaok kraong Mê Công daok tuh mai kraong Cửu Long. Dalam tuk di gah ala kraong Cửu Long daok hu ia ndik,  nan ye ngak ka ia di dom kraong daok tagok samar. Dom harei anak tal, ia kraong Tiền di Tân Châu, An Giang tagok jaik 4,2m, kraong Hậu labaih 3,7m. Dom labik dhaong, tapen kraong saong langiu ar pacang di dom tỉnh An Giang, Đồng Tháp, Long An dang anak bruk mbuan dauk dalam ia.

3 # Hadei di tuk thau lac  đội tuyển Rowing Việt Nam mek hu Huy chương Vàng akaok meti ka kapul  Thể thao Việt Nam di  ASIAD 2018 dok rah tabiak di  In-đô-nê-xi-a, Rayo sap ndom Việt Nam brei thưởng jip  200 triệu đồng ka dom urang kamei  vận động viên đội Rowing Việt Nam. Meng jak jeng di tuyển Rowing bo kapul thể thao Việt Nam yam tagok dhang dhi 13 dalam bảng tổng sắp huy chương.

4 # Meng harei 31/8, Tập đoàn Xăng dầu Việt Nam (Petrolimex) peih ngak danak dak  “Harei ameh Petrolimex 2018”  trun yaom 300 đồng sa lít xăng, điêzen. Tui nan, 5 harei ameh hu peih ngak di harei Suk yaok adit meng harei 31/8 saong harei 7, 14, 21, 28 bilan 9 thun 2018). Tuk urang mai tuh xăng, điêzen di dom labik pablei xăng menyek Petrolimex dalam negar saong Tổng công ty Dịch vụ xăng menyek Petrolimex hu trun yaom 300 đồng sa lít. “Harei ameh Petrolimex 2018” lac danak dak dhar phol brei ka urang pandar xăng menyek di Patrolimex hu peih ngak  yaok thun piah ba brei urang blei hu siam lagaih ngan saong pandap siam di abih.

         5 # Sa jalan hoa hồng hadah pui hu tabiak mbaok di  Mblang bein Ấn tượng Hội An (Cồn Hến - Quảng Nam) dalam lễ hội vu lan hu angan  Mai song hatai anit ranam  hu peih ngak meng harei  23 tal  26-8. Jalan pui hadah hu ngak meng 500 bingu hồng prong hu hadah tanyah dalam luac  tuk rah tabiak lễ hội. Piah hu dom bingu hồng hadah tanyah dalam harei lễ đặc biệt ni, dom nghệ nhân Hội An buh rilo tuk vak, pren yava piah  ngak meng tangin takai. Bruk njauk biai nan lac, di lễ hội, mbang akaok meti, họa mi tóc nâu Mỹ Tâm – sa urang anek di palei Quảng song ca sĩ Ánh Tuyết – sa sap doh ameh phố Hội jeng hu mbaok song pok sap doh dom lagu anit ranam “ Doh alin ka amaik”.

Patui di ni dom khau tin dunya:

      6 # Mentri  Ngoại giao Hàn Quốc harei 23/8 brei thau lac meda peih jabat lien lac Hàn Quốc di ban Kaesong di Triều Tiên. Jabat lien lac di Hàn Quoc pak Kaesong meda tame ngak bruk di adit anak tal. Bruk padang van phòng lac sa kadha dalam bruk sanya di nyaom biai thượng đỉnh 2 gah Tiều Tiên di bilan 4 piah patrun bruk catang tagok gah quân sự saong patagok talei pambuak bruk di 2 taneh ia. Bruk nan hu maong lac ngak suan hukum trừng phạt di Liên Hiệp Quốc. Yau nan min, tui urang brei panuac di Mentri ini , ông Noh Kyu-duk, ye Rajaei Hàn Quốc meda pambuak bruk catang haong Mỹ piah bruk peih ngak văn phòng oh ngak cadu trun dom bruk trừng phạt.

        7   # Quốc hội New Zealand hu brei tapa hukum pasiam veik bruk đầu tư negar langiu. Tui hukum bahrau, urang negar langiu takik blei hu dom boh sang  di New Zealand, lingiu dom boh sang bahrau padang dalam bhum quy hoạch patagok prong atau dom boh sang rilo tal. Urang  Australia song Singapore  hu daok lingiu hukum ni kayua hu dom sarak karei ka bruk tự do thương mại. Hukum bahrau hu brei tapa tuk  New Zealand dok dang anak  sa bruk khủng hoảng ka yaom sang, ngak ka bruk blei sang lac biak kan ngan saong rilo menuac.

8 # Facebook brei padeih ngak bruk di labaih 400 ứng dụng piah duah thau cambaih bruk ba tagok dom thông tin di urang njuak atau oh. Dom ứng dụng njauk brei padeih kayua  dom quan ngại ka urang lập trình. Langiu di nan, Facebook jeng brei klak ứng dụng myPersonality kayua nyu khik kandauk oh hu catang thông tin urang pandar./.