1/ 15 thun tapa, hu jiak 250.000 boh sang kan, boh sang dalam sarak karja song yaok pluh ribau uranaih, sinh viên di tỉnh Đắk Nông hu mesraiy phun jien  meng gilang pariak sarak karja. Tapa phun jien di gilang pariak sarka karja, rai duik di menuac urang hu patagok song jiak  46.000 boh sang patruh kathaot, dalam nan hu labaih 13.000 boh sang lac urang bangsa takik.

2/ Urak ini, 3 tỉnh Đắk Lắk, Gia Lai saong Đắk Nông hu 314 công trình pabak ia praong daok di dom puk palei bhum atah bayah, bhum urang bangsa takik ngak oh hu kein lagaih, padeih ngak. Makna kayua dom puk palei bhum Tây Nguyên đầu tư padang ngak ralo, kurang đồng bộ, kurang kapul khik iek vận hành.

 3/ Meng sa dalam 10 labik prong ka jit HIV/AIDS, dom thun jiak di ni tỉnh Khánh Hòa patrun urang njom ruak dok di tanut  trung bình. Tal bilan 9/2017, tỉnh Khánh Hòa hu labaih 3.400 urang njom ruak HIV/AIDS, dalam nan hu labaih 11.500 urang tacei jalan, dut iek  HIV bhinan randap...

4/ Melam 24/9, kapul dama dara CS Hồ Chí Minh tỉnh Kon Tum peih bruk pok meyaom 16 công trình, 29 kreih camin dam dara hadah krah saong alin 13 giải pakacah dam dara hu mbaok tame salih barau hành chính. Dalam nan hadah abih lac công trình bê tông hóa jalan mbak palei pala di huyện Đoàn Đăk Hà, Kon Rẫy; công trình tu tapuk pachreih bac ba adei nao tal sang bac ngan saong jaik 12.000 baoh tapuk, siphau, truyện alin ka anek saih bhum biak kan kandah di Đoàn dama dara Công an tỉnh.    

5/  Harei24/9, Kapul ngak bruk di Công ty Cổ phần dược SPM ban raya Hồ Chí Minh, sang ie kruak đa khoa Thanh Vũ Bạc Liêu pambuak bruk song kapul urang umo prong tỉnh Bạc Liêu peih bruk iek ruak song brei jru saoh ka labaih 350 urang umo prong dok dalam boh sang kathaot, jiak si kathaot boh sang dalam sarak kajar 

 6/ Hadei 3 harei rah tabiak di ban raya HCM, melam 24/9, bruk puk palei ASEAN 2017 hu peih tabiak tuk pahadar 50 thun padang ASEAN saong 22 thun VN tame ASEAN hu tamat bloh. Thun ini, puk palei VN ralo meng lac parang iek dom pandap ilamu bangsa Chăm.

7/  18 tuk meteh  melam  24/9, bilai xăng menyek Phước Hòa di  huyện Tân Thành tỉnh Bà Rịa – Vũng Tàu hu apui khuah.   Biak metuah , Menuac urang samar pacang pandam khuah song khan chip ka gah  cảnh sát pacang pandam khuah. Hadei di nan,, 4 sruh radeih pacang pandam song yaok pluh urang lin  padam pui hu mbaok di labik khuah piah pacang cakak apui. Tal 19 tuk meteh pui hu pandam abih. Urak ni ni jabat chức năng dok duah thau makna ka mbang khuah.

Patui di ini dom khau tin dunya:

8/ Brei panuac anak Đại hội đồng Liên hợp quốc, Ngoại trưởng Xyri Oa-lít An-Mu-a-lem brei thau jayah kol IS saong dom kapul phiến quân karei daok dalam tangin. Ngoại trưởng An-Mu-a-lem ndom lac bol bala Xyri saong dom kapul đồng minh hu peih paha thành cổ Pan-my-ra saong daok jhul kadul likuk bruk vây hãm di IS di gah timur Đê-i An-Dô.

9/ In-đô-nê-si-a hu panduan ba labaih 34 ribau urang di dom labik gah tinum  Ba-li kayua ceik apui A-gung meda pruh mbang camereip hadei di labaih 50 thun. Urang dang akaok di labik ni hu panuac ieu tong abih menuac urang brei atah ceik apui ni takik di abih 9 km

10/ Tal harei 24/9, labaih 600.000 urang hu tut angan tame harak kiến nghị pandar gah urang ngak praong London klak quyết định mek veik harak adat ngak bruk di Uber. Harak kiến nghị ndom cambaih quyết định barau ini di jabat jalan mbak London (TfL) diAnh oh brei dịch vụ taxi ini ngak kan kandah tal rai diuk di ralo urang peih radaih salut mbut saong tari tarieng hong hu ngak brei London thau lac sa ban oh cởi mở saong kreik pabah mbang ngan saong dom doanh nghiệp sáng tạo./.